"AKİ-nin sentyabrın 11-də keçirilən konfransında qanun pozuntusu baş verdi və bu səbəbdən seçkinin nəticələri ləğv olunmalıdır. Çünki seçki qanunsuz seçkidir. Bizim orada alternativ namizədimiz olduğu halda bu nəzərə alınmadı. Deməyə sözümüz vardı, çıxış etmək üçün heç kimə imkan verilmədi. Bunlar videolentlərdə də öz əksini tapıb". Bunu baki-xeber.com-a kinorejissor Maarif Məhərrəmbəyli bildirib.
M.Məhərrəmbəyli qeyd etdi ki, konfrans xüsusi ssenari əsasında keçirilib. M.Məhərrəmbəyli onu da dedi ki, 87 üzvün ittifaqdan xaric edilməsi də narazılıqlarına səbəb olub.
"2012-ci ildə Ramiz Mehdiyevin tapşırığı ilə Şəfiqə Məmmədovanın rəhbərliyi ilə Azərbaycan Kinemotoqrafiya İttifaqını ləğv etmək üçün heç bir ehtiyacı olmadığı halda, əsasən kino sənətkarları arasında parcalanma və intiriqa yaraqmaq məqsədilə qondarma bir qurum-Azərbaycan Respublikası Kino İttifaqı yaratdılar.
Məni və digər kino xadimlərini israrla Azərbaycan Kinemotoqrafiya İttifaqınından çıxıb qondarma quruma üzv olmağa dəvət etdilər. Dedilər ki, oradan çıxın, ora Rüstəm İbrahimbəyov rəhbərlik edir. Mən də dedim ki, Azərbaycan Kinemotoqrafiya İttifaqı Rüstəm İbrahimbəyovun deyil, Həsən Seyidbəylinin, bizim başqa kino xadimlərinindir, bu qurumun konkret tarixi var, kökü var, oradan çıxmaram, Rüstəm İbrahimbəyov gedəcək başqası gələcək, bu qurum bizə lazımdır.
Rasim Balayevin vaxtında Şəfiq Məmmədovanın rəhbərlik etdiyi qondarma qurum da Azərbaycan Kinemotoqrafiya İttifaqına birləşdi.
Gənclərə böyük yardımlar edildi, filmləri xaricə göndərildi, müxtəlif dərnəklər təşkil olundu və sair.
Amma Şəfiqə Məmmədova gələn kimi bütün bu strukturların fəaliyyəti, gənclərlə bağlı işlər dayandırıldı. 87 nəfər müəmmalı şəkildə ittifaq üzvlüyündən xaric edildi. Amma onların heç birinin adı hələ açıqlanmır.
Şəfiqə xanım o ittfaqa 12 il rəhbərlik etdi. Nə iş gördü? Ramiz Mehdiyevin göstərişi ilə Nizami Kino Mərkəzinin yanındakı yeri adına keçirildi. Bundan başqa da bir neçə adama əməkdar mədəniyyət işçisi fəxri adı verildi. Amma mənə fəxr ad verilmədi, baxmayaraq ki, buna haqqım çatırdı. Uzun illərdir kino sahəsində çalışıram. Lakin hələ də fəxri adım yoxdur".
M.Məhərrəmbəylinin sözlərinə görə, may 26-da Azərbaycan Kino İttifaqının qurultayında Əli İsa Cabbarov həqiqətən də sədr seçilib, lakin seçkilərin nəticəsi ləğv olunub. "Əli İsa Cabbarov çox işlər görmüşdü. Seçki oldu, o seçildi. Amma Ədliyyə Nazirliyi dedi ki, kform olmayıb seçkinin nəticələrini ləğv etdi".
M.Məhərrəmbəyli bir daha qeyd etdi ki, seçkinin nəticələri ləğv olunmalı və alternativ nazmizədlərin iştirakı ilə yenidən seçki keçirilməlidir.
O, qeyd etdi ki, bununla bağlı Ədliyyə Nazirliyinə müraciət edilib və seçkinin saxta olduğu bildirilib: "Bu seçki başdan ayağa saxtakarlıqla keçib. Yenidən seçki keçirilməlidir"-deyə M.Məhərrəmbəyli vurğuladı.
M.Məhərrəmli ümid edir ki, müraciətləri Prezident İlham Əliyevə çatacaq və seçki yenidən keçiriləcək.
Qeyd edək ki, 40-dan artıq kino xadimi Azərbaycan Kinematoqrafçılar İttifaqının (AKİ) sentyabrın 11-də keçirilmiş ümumi konfransında qanun və nizamnamə pozuntularına yol verildini iddia edərək Prezident İlham Əliyevə açıq müraciət ünvanlayıb.
Müraciəti imzalayanlardan biri də M.Məhərrəmbəyli olub.
İradə SARIYEVA
