Rövşən Lənkəranski "Şakro Molodoy"un həbsindən sonra baş verən kriminal müharibənin qurbanı oldu

Tarix: 19.08.2016 / 02:38
Bölmə: Kriminal

Xəstəxanada vəfat edən "oğrunun" işində "İrəvan qərarı"...

İstanbulda azərbaycanlı iş adamı Rövşən Əliyev silahlı hücuma məruz qalıb. APA-nın "Anadolu"ya istinadən verdiyi xəbərə görə, Barbaros bulvarındakı Yıldız prospektində oteldən çıxan Azərbaycan dövlət nömrə nişanlı avtomobil naməlum şəxslər tərəfindən atəşə tutulub.

Baş verən atışma nəticəsində ağır yaralanan iş adamı və sürücü xəstəxanaya çatdırılıb. Naməlum silahlılar hadisə yerindən qaçıb.

Atışma zamanı Rövşən Əliyevin avtomobilinə çoxlu sayda güllə dəyib. Hadisə yerindən avtomat və iki tapança tapılıb. APA-nın Türkiyə müxbirinin əldə etdiyi məlumata görə, pasportunda soyadı Əliyev yazılsa da, polis araşdırma nəticəsində onun Rövşən Lənkəranski (Canıyev) olduğunu müəyyənləşdirib.

Güllələrdən biri R.Lənkəranskinin gözünə tuş gəlib.

Məlumata görə, R.Lənkəranski (Canıyev) İstanbulun "Florence Nightingale" xəstəxanasında dünyasını dəyişib. Onun cənazəsinin Azərbaycana göndərilməsi üçün Azərbaycanın İstanbuldakı Baş Konsulluğunda sənədləşmə işlərinə başlanıb.

R.Lənkəranskinin atışmada yaralanmış sürücüsü isə İstanbulun "Şişli Hamidiye" tədris və araşdırma xəstəxanasının reanimasiya şöbəsində polis nəzarətindədir. Şöbənin həkimi Şəbnəm Türk APA-nın müxbirinə bildirib ki, onun qarın nayihəsindəki güllələr çıxarılıb. Yaralının qol və ayaqlarında sınıqlar var, bir neçə gün reanimasiya şöbəsində qalacaq. Polisdən isə bildirilib ki, xəstəxanaya gətirilərkən yaralının üzərində heç bir sənəd olmadığından, o, xəstəxanada "Morris" soyadı ilə qeydiyyata alınıb.

R.Lənkəranskinin qardaşı Namiq Canıyev isə telefonunu açsa da, qardaşı barədə sualı cavablandırmayıb.

Hadisə İstanbul Baş Polis İdarəsi tərəfindən araşdırılır.

R.Lənkəranskinin İstanbulda öldürülməsi ilə bağlı bəzi təfərrüatlar da məlum olub. İstanbulun "Florence Nightingale" xəstəxanasından APA-ya verilən məlumata görə, avqustun 17-də, gecə saat 00:30 radələrində xəstəxanaya taksi sürücüsü tərəfindən üstündə heç bir sənədi olmayan naməlum şəxs gətirilib. Onu xəstəxananın reanimasiya şöbəsinə yerləşdiriblər. 20 dəqiqə ərzində həkim müdaxiləsi olsa da, onu xilas etmək mümkün olmayıb.

Daha sonra polis əməkdaşları onun ölkəyə Rövşən Əliyev adı ilə daxil olduğunu müəyyənləşdirib.

R.Lənkəranski xəstəxanaya yerləşdirilərkən bədənində 20-yə yaxın güllə yarası olub.

Prokurorluq əməkdaşları hadisəyə cəlb olunub və R.Lənkəranskinin güllə yaralarından öldüyünə şübhə qalmadığına görə onun nəşinin məhkəmə tibbi ekspertizasına göndərilməsi zəruri sayılmayıb. Mərhumun qohumları da bu qərarla razılaşıb.

"Rosbalt" agentliyi Rusiya hüquq-mühafizə orqanlarındakı mənbəyə istinadən bildirir ki, R.Lənkəranski Rusiyada kriminal aləmin lideri "Şakro Molodoy" ləqəbli Zaxari Kalaşovun həbsindən sonra baş verən kriminal müharibənin qurbanı olub.

Mənbəyə görə, bu ilin iyul ayında Rusiya mafiyasının lideri Zaxari Kalaşov həbs olunandan sonra onun rəqibləri Merab Suxumski (Canqveladze) və R.Lənkəranski fəallaşmağa başlayıb. Onlar "Şakro Molodoy"un Aslan Usoyan (Ded Xasan) və Tariyel Oniani (Taro) arasında olan münaqişə ilə əlaqədar "qanuni oğru" tituluna qoyduğu qadağanı ləğv ediblər. Hüquq-mühafizə orqanlarındakı mənbə hesab edir ki, R.Lənkəranski məhz bu fəallığın qurbanı olub.

Qeyd edək ki, bir müddət əvvəl İrəvanda keçirilən "qanuni oğrular"ın "sxodka"sında R.Lənkəranskinin səlahiyyətlərinin müvəqqəti dayandırılması ilə bağlı qərar qəbul olunması barədə məlumat yayılıb. Həmin "sxodka"da onu 2013-cü ildə "Ded Xasan"ın ölümündə də günahkar biliblər. Qeyd edək ki, Rövşən Canıyev "oğru dünyası"nda böyük nüfuz sahibi olub və "Rövşən Lənkəranski" kimi tanınır. O ilk dəfə 1996-cı ildə 2 il müddətinə həbs edilib. Rövşən Canıyev atasının qatilini elə məhkəmə zalındaca güllələyib. Səbail Rayon Məhkəməsinin 4 mart 1997-ci il tarixli qərarı ilə cəzadan şərti azad olunub. 2000-ci ilin iyulunda yenidən məsuliyyətə cəlb olunub. Qəsdən adam öldürməyə cəhd və qanunsuz odlu silah, partlayıcı maddələr və qurğular əldə etmə, başqasına vermə, satma, saxlama maddəsi ilə ittiham olunub. Lakin məhkəmə onun barəsində psixi müalicəyə göndərilməsi barəsində qərar çıxarıb. 2001-ci ildə Sabunçu Rayon Məhkəməsinin qərarı ilə R.Canıyev cinayət məsuliyyətindən azad edilib. R.Lənkəranski 2009-cu ilin dekabrında Ukraynada həbs olunub, dekabrın 13-də Azərbaycana ekstradisiya edilib. Dövlət ittihamçısı R.Canıyevin 12 il müddətinə azadlıqdan məhrum edilməsini istəsə də, məhkəmə ona 2 il 10 ay 19 gün həbs cəzası kəsib. İtaliya məhkəməsi də R.Lənkəranski barəsində beynəlxalq axtarış elan edib. Bu səbəbdən o, soyadını dəyişərək Əliyev edib. İtaliya məhkəməsi onu mütəşəkkil cinayətkarlıq, qəsb, rüşvətxorluq, "çirkli pullar"ın yuyulması və rəsmi sənədləri saxtalaşdırmaqda təqsirli bilib.

DİGƏR XƏBƏRLƏR

Tarix: 26.06.2026 / 15:18

Nəsimidə oğurluq edən şəxslər saxlanıdı...

Tarix: 26.06.2026 / 13:22

Lənkəranda keçmiş məhkum 26 kq narkotiklə tutuldu

Tarix: 26.06.2026 / 13:09

DİN-dən narkotik əməliyyatı - 46 kq narkotik, 2087 psixotrop həb... 9 nəfər həbs olundu - VİDEO

Tarix: 25.06.2026 / 13:36

Su polisi dəniz sahilində narkotiklərə qarşı əməliyyat keçirdi

Tarix: 25.06.2026 / 10:30

Masallıda çay kənarında çətənə yetişdirən şəxs yaxalandı...

Tarix: 24.06.2026 / 19:42

İsmayıllıda meşədə narkotik yetişdirənlərə qarşı əməliyyat keçirildi... - FOTO

Tarix: 24.06.2026 / 12:11

Xaçmazda evlərdən və oteldən oğurluq edənlər saxlandı - FOTO

Tarix: 24.06.2026 / 11:43

“TikTok” canlı yayımında qeyri-etik ifadələr işlədən şəxs həbs olundu

Tarix: 24.06.2026 / 11:19

Ağcabədidə 7 kiloqramdan artıq marixuana aşkarlandı

Tarix: 23.06.2026 / 12:29

Masallıda əməliyyat - keçmiş məhkum 7 kq narkotiklə saxlandı

Tarix: 23.06.2026 / 11:01

Narkotikin təsir altında avtomobil idarə edən Mingəçevir sakini saxlandı

Tarix: 20.06.2026 / 14:28

Özünü prokurorluq əməkdaşı kimi təqdim edən dələduz tutuldu...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Tarix: 25.06.2026 / 14:47

Ermənistan hakimiyyətinə qarşı 102-ci Rusiya bazası hərəkətə gətirilir - İrəvan panikada...

Tarix: 25.06.2026 / 13:42

Trampa partiyadaşlarından ağır zərbə - İranla müharibəyə girməyi qadağan etdilər...

Dövlət qulluğu statusu-dövlətçilikdə Azərbaycan brendi...