Rayonlarda ipotekanın sıfır həddi...

Tarix: 05.09.2014 / 03:12
Bölmə: İqtisadiyyat

Artıq 8 ildir ki, Azərbaycanda ipoteka krediti verilir. İpoteka sayəsində çoxlu sayda ailə mənzil sahibi olub. İpoteka krediti əsasən paytaxt Bakıda verilir. Digər iri şəhərlərdə isə Bakıya nisbətən az verilir. Amma elə rayonlar var ki, orada ümumiyyətlə ipoteka krediti verilməyib.
Ötən müddət ərzində ölkənin 43 bölgəsinin sakinlərinə ümumilikdə 15 mindən artıq ipoteka krediti verilib.
İpoteka Fondunun bu ilin 2-ci rübünün nəticələrinə əsasən açıqladığı statistikada qeyd olunur ki, kreditlərin böyük hissəsi - 10 mindən çoxu Bakı şəhərinin payına düşür. Sumqayıtda 1200-dən artıq, Abşeron rayonu və Gəncə şəhərində isə 500-ə qədər ipoteka krediti verilib. Qalan şəhər və rayonlarda verilən ipoteka kreditlərinin sayı 50-ni keçmir.
Ancaq ölkənin bəzi rayonlarında ümumiyyətlə ipoteka krediti verilməyib. İndiyədək ipoteka krediti verilməyən rayonlar bunlardır: İşğal altında olan rayonlar, Gədəbəy, Hacıqabul, Xızı, Kürdəmir, Qəbələ, Qobustan, Qusar, Lənkəran, Lerik, Masallı, Neftçala, Saatlı, Tərtər, Zərdab. Halbuki, rayonlarda ipoteka kreditinin verilməsi yüksək həddə olarsa, bu, məskunlaşmanın daha sürətlə getməsini təmin etmək iqtidarındadır.
Yuxarıda adları çəkilən rayonlarda ipoteka krediti nə səbəbdən verilmir? Bu barədə iqtisadçı-ekspert Natiq Cəfərli ilə söhbət etdik. İqtisadçı "Bakı-Xəbər"ə açıqlamasında qeyd etdi ki, rayonlarda ipoteka verilməməsinin əsas səbəbi bu növə tələbin zəif olmasıdır. Digər tərəfdən, ipoteka növlərinin faizləri yüksək olduğundan, rayonlarda yaşayanların gəliri ipotekadan yararlanmağa imkan vermir: "Ona görə də risq amili də nəzərə alınmaqla bölgələrdə ipoteka krediti verməkdə maraqlı deyillər. Cəbhə bölgəsinə ipotekanın verilməməsini səbəblərindən biri həmin ərazilərin təhlükəli əraziyə yaxın olması ilə izah olunur. Hər an müharibə başlaya bilər və cəbhə bölgəsində yaranan gərginlik banklar üçün risq yaradar. Amma düşünürəm ki, dövlət bu barədə ciddi düşünməli və yeni proqramların qəbuluna ehtiyac duymalıdır. İpoteka kreditlərinin 90 faizə yaxını Bakı və Abşeron rayonunun ərazisinə düşür. Bu da bölgələrdən əhalinin paytaxta axınına gətirib çıxarır. Hökumət regionlarda ucuz kredit mərkəzi yaradaraq, daha sərfəli kreditlər təklif edərək oradakı əhalinin paytaxta axınının qarşısını ala bilər. Məsələyə kompleks şəkildə yanaşmaq lazımdır, regionların inkişafı nöqteyi nəzərindən ucuz və əlçatan mənzillərin tikilməsi çox vacibdir".
Ekspertin sözlərinə görə, ipoteka ilə bağlı müvafiq dəyişikliklərin olacağı gözlənir: "Tezliklə ipoteka şərtlərinin yumşaldılması ilə bağlı qərar qəbul edilməsi gözləniləndir. Çünki ipoteka şərtlərinin yumşaldılması həm Həmkarlar İttifaqı, həm də Sahibkarlar Konfederasiyası ilə hökumət arasında bağlanmış anlaşmada nəzərdə tutulan tədbirlərdən biridir.
İpoteka şərtlərinin yumşaldılması üçün nəzərdə tutulan dəyişikliklərdə xüsusilə də gənc ailələrin ipoteka proqramından istifadə etməsi üçün daha çox kreditləşmə və daha yüngül şərtlərlə kreditin təklif edilməsi nəzərdə tutulur. Nəzərdə tutulan tədbirlərdən biri ipoteka kreditlərinin təkcə gənc ailələrə deyil, eyni zamanda subay vətəndaşlar üçün də tətbiq olunmasıdır. Çünki bu gün subay gənclərin bir qisminin ailə qura bilməməsinin səbəblərindən biri kimi onların mənzil probleminin olması göstərilir. Eyni zamanda, ipoteka üçün tələb olunan kredit faizinin yüksək olması mühüm problemlərdən biridir. 8 faiz yüksək göstəricidir. O baxımdan faizin daha əlverişli miqdara endirilməsi məqsədəuyğun olardı. Eyni zamanda, ilkin ödənişin aradan qaldırılması da aztəminatlı ailələrin mənzil sahibi olmasını təmin edəcək".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...