Bankların birləşdirilməsi prosesinə start verildi

Tarix: 05.09.2014 / 11:27
Bölmə: İqtisadiyyat

Bilindiyi kimi, cari ilin sonuna qədər ölkədə fəaliyyət göstərən banklar nizamnamə kapitallarını 50 milyon manata çatdırmalıdır. Buna əməl edə bilməyən bankların isə fəaliyyətinin dayandırılması gözlənir. Eyni zamanda o da sirr deyil ki, Azərbaycan Mərkəzi Bankının (ABM) marağında olan əsas məsələlərdən biri də nizamnamə kapitalı ilə bağlı şərtləri yerinə yetirə bilməyən bankların birləşməsinə nail olmaqdır.
Məhz bu şəraitdə yeni, maliyyə baxımından dayanıqlı bankların meydana gəlməsi mümkün sayılır.
Yeri gəlmişkən qeyd edək ki, artıq Mərkəzi Bank ölkə banklarının birləşməsi və ya bank fəaliyyətini dayandırıb, başqa formada fəaliyyət göstərməsinə dair hazırlaqlara başlayıb. Bunu deməyə Mərkəzi Bankın "Bankların yenidən təşkili Qaydaları"nı təsdiqləməsi də əsas verir. Mərkəzi Bankın İdarə Heyəti sədrinin birinci müavini Alim Quliyev tərəfindən təsdiqlənən və avqustun 29-dan qüvvəyə minən qaydalar bankların bir-biri ilə birləşməsini, başqa banklara qoşulmasını, eləcə də bank kimi fəaliyyətini dayandırıb bank olmayan kredit təşkilatına (BOKT) çevrilməsini nəzərdə tutur. Qaydalara əsasən, bankların yenidən təşkil olunması aşağıdakı ardıcıllıqla həyata keçirilməlidir: Mərkəzi Banka yenidən təşkil üçün icazə alınması məqsədi ilə ilkin və yazılı müraciət edilməsi; Yenidən təşkil üçün səhmdarların ümimi iclasının çağırılması və qərar qəbul edilməsi; Kreditorların bu barədə məlumatlandırılması; Yeni bankın və yaxud BOKT-un dövlət qeydiyyatından keçirilməsi; Yeni xüsusi razılıq (lisenziya) alınması.
Mərkəzi Banka bankın yenidən təşkil olunması barədə ilkin və rəsmi müraciət arasında 90 gündən artıq müddət olmamalıdır. Bununla yanaşı, bankın BOKT-a çevrilməsi 3 ay ərzində həyata keçirilməlidir. Sənədə görə, bankın BOKT-a çevrilməsi üçün keçid dövrünə 6 ayadək vaxt ayrılır. Ümumiyyətlə, hesab edilir ki, zəif banklar, fəaliyyət göstərə bilməyən və bütövlükdə bank sferasının etibarına problem yarada biləcək banklar bu sistemdən uzaqlaşdırılmalıdır. Lakin onu da qeyd edək ki, Azərbaycanda biznes subyektlərinin birgə fəaliyyət təcrübələri yoxdur. Hesab edilir ki, fəaliyyətlərini tələb olunan səviyyədə qura bilməyən kommersiya bankları birləşməklə bağlı qərar qəbul etmədikləri halda Mərkəzi Bank onların lisenziyalarını geri alacaq. İndilikdə isə bir sıra banklar nizamnamə kapitalının formalaşmasında problemlərlə üzləşib. Onlar Mərkəzi Bankın tələb etdiyi 50 milyon manat nizamnamə kapitalını formalaşdıra bilmir. İndiki halda onların birləşməsi məqbuldur. Birləşməklə banklar nizamnamə kapitalı ilə bağlı tələbi yerinə yetirə, o cümlədən faəliyyətini davam etdirə bilər. Amma indiki proseslər hələ də bankların birləşməkdə maraqlı olmadığını göstərir.
Ekspertlər isə hesab edir ki, bank sisteminin optimallaşdırılması artıq zərurətə çevrilib. Azərbaycanda 43 bank mövcuddur və bu rəqəm ərazisi və əhalisi Azərbaycan qədər olan ölkələr üçün çox hesab edilir. Qeyd edək ki, aktivlər və digər göstəricilərə görə indiki 43 bankdan yalnız yarısı əhəmiyyətli banklar hesab oluna bilər. Digərləri isə maliyyə göstəricilərinə və bazardakı payına görə hansısa ciddi rol oynamır. Ona görə də Mərkəzi Bank çalışır ki, bu il bir sıra zəif banklar birləşmə yolu ilə iri banklara çevrilsin. Ekspertlər bildirir ki, birləşmək istəməyən bankların, məhz müflis olmaqdansa, bank olmayan kredit təşkilatı kimi fəaliyyət göstərməsi daha məqsədəuyğundur. Bu onlara imkan verəcək ki, hüquqi subyekt kimi fəaliyyət göstərsinlər. Eyni zamanda onlar müflis olmayacaq. Gələcəkdə, hətta bunlar müflis olsa belə, bunun bankçılıq sektoruna mənfi təsirləri olmayacaq.
Onu da qeyd edək ki, Mərkəzi Bankın məcmu kapitalla bağlı tələbinin arxasında bank sektorunun gücləndirilməsi ilə yanaşı, bankların sayının azaldılması dayanır. Digər tərəfdən, ilin əvvəlində Mərkəzi Bank istehlak və avtomobil kreditlərinin şərtlərini ağırlaşdıraraq məhdudiyyət qoydu. Bütün bunlar bank sektoruna öz mənfi təsirini göstərdi. Belə ki, 2013-cü ilin yekununda 5 bank zərərlə işləyirdisə, Mərkəzi Bankın son addımından sonra zərərlə işləyən bankların sayı doqquza yüksəlib.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...