Sığortalanan bank əmanətlərinin minimum həddi artırıla bilər

Tarix: 01.09.2014 / 02:32
Bölmə: İqtisadiyyat

Məlumata görə, Əmanətlərin Sığortalanması Fondu (ADİF) əhalinin banklarda olan sığortalanmış əmanətlərinin həcmini artırmaq üçün Mərkəzi Banka müraciət edib. Fondun icraçı direktoru Azad Cavadov bildirib ki, ölkə iqtisadiyyatının davamlı inkişafı, əhalinin ödəniş qabiliyyətinin yüksəlməsi ilə əlaqədar belə bir addımın atılması nəzərdə tutulur.
Qeyd olunduğuna görə, banklarda yerləşdirilmiş əmanətlərin 2009-cu ildə hər bir əmanətin sığortalanma məbləği 30 min manat həcmində müəyyən edilmişdi və hazırda bu məbləğin artırılması məsələsi gündəliyə gətirilib: "Dünya iqtisadi böhranı dövründə ADİF tərəfindən sığortalanma məbləği beş dəfə - 30 min manatadək artırılmışdısa, ötən dövr ərzində ölkə iqtisadiyyatında (hər nəfərə ÜDM-in artımı) müsbət dəyişikliklər müşahidə olunub. Ona görə də qanunvericilik aktlarında gələcəkdə ediləcək dəyişikliklərlə əlaqədar bu məsələ də müzakirələrin gündəliyinə salınacaq".
A.Cavadov qeyd edib ki, hazırda fondun sığorta ehtiyatları 84,3 milyon manatdır.
Fondun üzvü olan banklar 6073126 əmanətçiyə xidmət göstərir, onların 91 faizi (5504255 nəfər) sığortalanmış əmanətçilərdir. Kompensasiya edilən əmanətlərin həcmi 1,931 milyard manatdır ki, bunun da 55%-ni sığortalanmış əmanətlər təşkil edir. Sığortalanmayan əmanətlərə gəlincə, fond rəhbəri bunun əmanətçilərin özünün könüllülüyü əsasında yerləşdirildiyini bildirib. Yəni banklarda yerləşdirilən illik faiz dərəcəsi 9 faizdən çox olan depozitlər fond tərəfindən sığortalanmır. Hazırda banklarda fiziki şəxslərin əmanətlərinin ümumi həcmindən (6,335 milyard manat) 54,8%-i (3,47 milyard manat) sığortalanıb, 45,2%-i isə (2,87 milyard manat) sığortalanmayıb.
Fond rəhbəri qeyd edib ki, sığorta məbləğinin təxminən 40-50 faiz artımı gözlənir. Bu isə əhalinin banklardakı əmanətlərinə təsir edəcək. Yeri gəlmişkən, bu gün ADİF yalnız fiziki şəxslərin əmanətlərini sığortalayır. Fondun hazırladığı təkliflər paketində fərdi sahibkarların depozitlərinin sığortalanmasının tətbiqi təklif olunur. Sığortalanan əmanətlər üzrə faiz dərəcəsinin dəyişdirilməsi isə nəzərdə tutulmur. Bu ilin may ayında həmin dərəcə 10 faizdən 9 faizə salınıb.
Sığortalanan əmanətlərin həcminin artırılıb-artırılmaması barədə iqtisadçı ekspert Rəşad Həsənova müraciət etdik.
R.Həsənov "Bakı-Xəbər"ə açıqlamasında qeyd etdi ki, sığortalanan əmanətlərin həcminin artmasına ehtiyac var: "Çünki banklar vəsait cəlb etməkdə çətinlik çəkir. Bu vəsaitlər kredit portfelinin artması, eyni zamanda nizamnamə kapitalının həcminin 5 milyona çatdırılması ilə bağlıdır.
Sığortlalanan əmanətlərin həcminin az olması, eyni zamanda əmanətlərin 9 faizlə sığortalanması vəziyyəti daha da kritikləşdirir. İnsanların əmanətlərini banklara yerləşdirməyə maraqlı olmaması açıq-aşkar hiss olunur. İnsanlar vəsaitlərini biznesdə və ya qara bazarda hansısa formada işlətməyə daha maraqlıdır.
Belə təkliflə Mərkəzi Banka müraciət olunması məhz bu səbəblərdən irəli gəlir".
R.Həsənov hesab edir ki, bu il ərzində sığortalanan əmanətlərin həcmi artmayacaq. Stabil olaraq qalacaq. Ola bilsin i, 2015-ci ildə sığortlanan əmanətlərin həcmi artsın.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...