Ətin qiymətində yeni böyük artım gözlənir

Tarix: 29.08.2014 / 04:17
Bölmə: İqtisadiyyat

Bilindiyi kimi, Azərbaycan ətə olan tələbatının bir hissəsini idxal hesabına ödəyir. Hazırda bu xüsusda diqqət çəkən və qismən də narahatlığa yol açan məqamlardan biri odur ki, ölkəyə idxal olunan ətin miqdarı artır. Bu isə ətin bahalaşmasına yol açmaq iqtidarındadır. Söhbət ondan gedir ki, Azərbaycana ət əsas etibarı ilə qonşu Gürcüstandan gəlir.
Gürcüstan isə ixrac etdiyi ətin və diri heyvanının əsas hissəsini Rusiyaya göndərməyə hazırlaşır. Bu fonda isə ətin qiymət artımı istisna olunmur.
Qeyd edək ki, bu ilin 7 ayında Azərbaycana heyvandarlıq məhsullarının idxalında artım davam edib. Xüsusən diri heyvanların idxalında ciddi artım var. Yanvar-iyul ayları ərzində diri heyvanların idxalı 69,4 faiz artıb. 2013-cü ilin 7 ayı ərzində 15,5 milyon dollarlıq diri heyvan idxal edildiyi halda, bu ilin eyni dövründə idxalın həcmi 29,76 milyon dollara yüksəlib. Diri heyvanlarla bərabər ət və qida üçün yararlı ət əlavələrinin idxalı da 31 faiz artaraq 12,35 milyon dollara, süd məhsullarının alışı 20,3 faiz artaraq 40,3 milyon dollara çatıb. Belə bir vaxtda isə Gürcüstanın kənd təsərrüfatı naziri Otar Daneliya Rusiyaya ət ixracının artacağını bildirib. Onun sözlərinə görə, Rusiya ilə diplomtik əlaqələr olmasa da, ticarət münasibətləri mövcuddur. Bu fonda Gürcüstan Rusiyaya ət ixracınını artırmağı düşünür. Bu isə, qeyd olunduğu kimi, Gürcüstandan Azərbaycana daha az miqdarda ət idxalına və beləliklə onun bahalaşmasına yol aça bilər. Xüsusən də iribuynuzlu mal-qara ətinin bahalaşması gözləniləndir.
Xatırladaq ki, belə mal-qara ətinin ölkə daxilində istehsalı da azalır və əsas səbəb iribuynuzlu mal-qara arasında yayılmış "Nodulyar dermatit" virusudur. İribuynuzlu mal-qara arasında təxminən bir ay əvvəl yayılmış virus artıq Azərbaycanın 10 rayonunun ərazisində qeydə alınıb. Əvvəlcə xəstəlik ölkənin dörd rayonunda - Ağdaş, Biləsuvar, Cəbrayıl və Ucar rayonlarında qeydə alınıb. Lakin sonradan onun yayılma coğrafiyası genişlənib. Virus, əsasən, Kür çayı sahilində yerləşən rayonlarda yayılıb. Bu, ölkədə müşahidə olunan davamlı isti hava şəraitində həmin virusun daşıyıcıları olan ağcaqanadların və digər qansoran həşəratların aktivləşmə dövrü ilə əlaqədardır. Əldə olunan məlumata görə, indiyədək 1600 başdan çox iribuynuzlu mal-qaranın yoluxması halı təsdiqlənib. Anomal istilər davam edəcəyi halda Azərbaycan ərazisində xəstəliyin yayılma ehtimalı kifayət qədər yüksək olaraq qalır. Xatırladaq ki, əvvəllər virus həmsərhəd ölkələrdə, yəni Türkiyədə və İranda aşkar edilib. Virusun Azərbaycan ərazisinə keçməsi, çox güman ki, İran-Azərbaycan sərhədi zonasında, iribuynuzlu mal-qaranın otarıldığı neytral ərazidə baş verib. Hazırda bu virusa görə bir neçə mal-qara bazarı bağlanıb. Sözügedən xəstəlik daha geniş yayılaraq heyvanlar arasında ölüm hallarının artmasına səbəb olarsa, belə vəziyyət, sözsüz ki, ətin qiymətinin qalxmasına təsir edəcək.
Kənd təsərrüfatı üzrə ekspert Vahid Məhərrəmov da bildirir ki, yayılan xəstəlik heyvandarlıq təsərrüfatlarına ciddi ziyan vuracaq. Onun sözlərinə görə, Gürcüstandan Azərbaycana kifayət qədər iribuynuzlu diri mal-qara idxal olunur: "Keçən il 109 min başdan bir az çox iribuynuzlu mal-qara idxal olunub. Eyni zamanda, kifayət qədər qoyun idxalı da var. Ancaq bu gün Gürcüstanda heyvandarlıqla məşğul olanlar əsasən azərbaycanlılardır. Onlar da ən çox qoyunçuluqla məşğuldurlar. Gürcüstan isə bu heyvanları Rusiyaya ixrac edərsə, Azərbaycanda qiymətlərə daha ciddi təsir göstərəcək. Çünki bizim digər ölkələrdən xırda buynuzlu heyvanlar idxal etmək imkanımız azdır. Məsələn, qonşu ölkələrdən biri İrandır. Lakin İranın özü sözügedən məhsulu Ermənistandan idxal edir. Digər tərəfdən, get-gedə ərəb ölkələrinin də xırda buynuzlu heyvanlara tələbatı artıb. Onlar da idxal üçün Qafqaza üstünlük verirlər".
Məsələnin başqa tərəfi ondan ibarətdir ki, ölkədə havaların isti keçməsi ilə əlaqədar yem tədarükündə də problemlər yaranıb. Bu da, öz növbəsində, ətin qiymətinin artmasını şərtləndirən amillərdən sayılır. Havaların isti və quraq keçməsi rayonlarda heyvanlar üçün yem tədarükünü çətinləşdirib. Fermerlər mal-qaranı otarmaq üçün otlaq sahəsi tapa bilmir. Hazırda ot bağlamasının qiyməti 4 manatdır. Ekspertlər də deyir ki, havaların quraq keçməsi həm maldarlığa, həm də əkinçiliyə ciddi ziyan vurub. Nəticədə ət və ət məhsullarında bahalaşma qaçılmaz sayılır. Bölgələrdə, xüsusən də Aran rayonlarında su çatışmazlığı üzündən yonca sahələri vaxtlı-vaxtında sulanmadığından məhsuldarlıq aşağı düşüb. Fermerlər mal-qaranın ota olan tələbatını ödəyə bilmədiyindən ot məhsullarının qiymətində bahalaşma bundan sonra da davam edəcək. Ona görə də əldə olunan süd, süd məhsulları, ət məhsullarının dəyəri artmaqda davam edir.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...