Azərbaycana ərzaq idxalında ciddi artım ərəfəsindəyik

Tarix: 29.08.2014 / 03:46
Bölmə: İqtisadiyyat

Azərbaycana ərzaq məhsullarının idxalında yeni artım gözlənir. Hesab olunur ki, bu artım hesabına bazarlarda hazırda yaşanan bahalaşmanın qarşısını almaq mümkün olacaq. Məlumat üçün bildirək ki, bu ilin 7 ayında xarici ölkələrlə 15,3 milyard ABŞ dolları məbləğində ticarət, o cümlədən 11,2 milyard dollarlıq ixrac və 4,1 milyard dollarlıq idxal əməliyyatları aparılıb.
Ölkəmizə idxal olunan malların ümumi həcminin 14,3 faizi Rusiyanın, 14,2 faizi Türkiyənin, 8,1 faizi Amerika Birləşmiş Ştatlarının, 7,8 faizi Almaniyanın, 7,5 faizi Çinin, 6,4 faizi Böyük Britaniyanın, qalanları isə digər ölkələrin payına düşür. İdxal olunan məhsullar sırasında ərzaq mallarının xüsusi çəkisinin bundan sonra artması gözlənir. Xatırladaq ki, şimal qonşumuzun ərzaq və kənd təsərrüfatı mallarına tələbinin yüksəlməsi ölkəmizdən bu malların ixracını artırıb. Rusiyada qiymətlər yüksək olduğundan, həmin malların ixracı qaçılmaz sayılır. Azərbaycan da, öz növbəsində, daxili tələbatını ödəmək məqsədilə idxalı artırmaq məcburiyyətində qalıb. Başqa sözlə, ölkəmiz Rusiyaya daha çox mal satmaq üçün xaricdən daha çox mal almalı olacaq. İdxal mallarının payının bazarda artması isə kənd təsərrüfatı mallarının bahalaşmasına əsas yaradır. Buna görə də Azərbaycan hökuməti idxalla gələn bahalaşmanı tənzimləmək məqsədilə vergi və gömrük güzəştlərinin tətbiqini real sayır.
Hələlik isə daxili bazarlarda aparılan müşahidələr göstərir ki, mövsümün bitməməsinə baxmayaraq, xiyar, pomidor, badımcan, bibər, eləcə də digər tərəvəzlər bahalaşıb. Ən pisi isə odur ki, bahalaşmanın davamlı olacağı proqnozlaşdırılır. Xüsusilə Rusiyanın Qərbdən məhsul idxalını qadağan etməsindən sonra yerli tərəvəzlərimizin əsasən şimal qonşumuza ixrac ediləcəyi irəli sürülür. Yaranmış durumu şərh edən iqtisadçı-ekspert Vüqar Bayramov Rusiyanın embarqosunun Azərbaycana iki istiqamətdə təsir etdiyini bildirir: "Rusiyanın tətbiq etdiyi embarqo birlikdən də Azərbaycana gətirilən ərzaq məhsullarının artmasına zəmin yaradır. Rusiya bazarlarını məhsulla təmin edən şirkətlərin böyük qismi Mərkəzi və Şərqi Avropanı təmsil edir. Həmin şirkətlərin Rusiyaətrafı bazara çıxması istisnasizdır. Azərbaycan bazarında Avropa məhsullarının həcminin artması isə bu məhsulların qiymətini, cüzi də olsa, endirəcək".
Mütəxəssisin sözlərinə görə, embarqo daxili bazarda yerli məhsulların qiymətinin qalxmasını şərtləndirəcək. Çünki fermerlər məhsullarını Rusiya bazarına çıxarmaqda daha maraqlıdır. Bu onlar üçün yüksək gəlir deməkdir. Artıq daxili bazarda bəzi yerli məhsulların qiymətində artımlar müşahidə edilməkdədir. Bu artımlar davamlı ola bilər".
Qeyd edək ki, idxal coğrafiyasının genişləndirilməsi təcrübəsindən elə Rusiya özü məharətlə istifadə edir. Rusiyanın kənd təsərrüfatı naziri Nikolay Fyodorov deyir ki, Qərb ölkələrindən ərzaq idxalına qadağa qoyulmasından sonra bir sıra MDB respublikaları, o cümlədən Balkan və Latın Amerikası ölkələri ilə kənd təsərrüfatı məhsullarının ticarəti genişləndiriləcək. Nazirin bildirdiyinə görə, idxalda ən çox pay meyvə və giləmeyvəyə aiddir, sonrakı yerlərdə donuz əti və balıq, daha sonra quş əti və tərəvəzlər gəlir.
Rusiyanın Kənd Təsərrüfatı Nazirliyi vəd edir ki, mağazaların piştaxtaları boş qalmayacaq və qoyulan qadağa qiymət artımına səbəb olmayacaq. Nazirliyin bildirdiyinə görə, Rusiya Argentina, Braziliya, Uruqvay, Çili və Paraqvaydan ət, tərəvəz və giləmeyvə idxal edəcək. Alma-armudu Çin və Serbiyadan, əriyi və gilası yaxın qonşuları olan Azərbaycan, Özbəkistan, Tacikistan, həmçinin Yaxın Şərqdən idxal edəcək. Sitrus meyvələrini isə Misir, Mərakeş, CAR və Türkiyədən idxal etmək nəzərdə tutulur. Ölkəmizə gəlincə, hazırda Azərbaycan əsas ərzaq növlərindən bir çoxu ilə özü-özünü tam təmin edə bilir. Üstəlik, bəzi növlər üzrə ixrac potensialı da yaranıb. Məsələn, quş ətini buna misal göstərmək olar. Ancaq meyvə, tərəvəz və giləmeyvəyə gəldikdə, bu sahədə vəziyyət hələ istənilən həddə deyil. Çünki Azərbaycanın özündə meyvə və giləmeyvə istehsalı daxili tələbatı tam ödəyə bilmir. Digər tərəfdən, son illərdə Azərbaycan bazarlarında meyvə və giləmeyvənin qiyməti stabil yüksək olaraq qalır. Çünki istehsal olunan meyvə-giləmeyvənin bir hissəsi Rusiya bazarlarına çıxarılır. Nəticədə bazarlarda yerli meyvələrin yerini uzaq xarici ölkələrdən və qonşu ölkələrdən idxal edilən, bir çox hallarda genetik modifikasiya olunmuş meyvələr tutur.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...