Gürcüstandan maşın idxalının həcmi sürətlə azalır

Tarix: 28.08.2014 / 11:31
Bölmə: İqtisadiyyat

Məlumata görə, cari ilin yanvar-iyul aylarında Gürcüstandan Azərbaycana 167 milyon 97 min dollar dəyərində 12 min 856 minik avtomobili ixrac olunub. Bu, ötən ilin eyni dövrü ilə müqayisədə 11 min 517 avtomobil və ya 47,2 faiz azdır.
Ötən ilin analoji dövrü ilə müqayisədə Gürcüstandan ixrac olunan minik avtomobillərinin həcmi dəyər baxımından 26,8 faiz azalıb. Bu ilin 7 ayı ərzində Gürcüstandan Azərbaycana ixrac olunan malların ümumi həcmində bu kateqoriyanın xüsusi çəkisi 49,5 faiz təşkil edib. Ölkənin bu kateqoriyadan olan ümumi ixracında isə Azərbaycanın xüsusi çəkisi 50,4 faiz təşkil edib.
Qeyd edək ki, bu ilin yanvar-iyul aylarında Gürcüstandan Azərbaycana 337 milyon 627,6 min dollar dəyərində məhsul ixrac edilib. Yəni Gürcüstanın ixracatının 20,3 faizi Azərbaycanın payına düşüb.
Gürcüstandan Azərbaycana ixrac olunan avtomobillərin sayının azalması barədə iqtisadçı ekspert Natiq Cəfərli bunları dedi: "Gürcüstandan avtomobil idxalının azalması "Avro-4" standartının tətbiqi ilə bağlıdır. Nəzərə alanda ki, Gürcüstandan gətirilənlər köhnə avtomobillər idi, bunların ölkəyə gətirilməsinin qadağan olunması praktiki olaraq Gürcüstandan avtomobil idxalını azaltdı. Birbaşa olaraq Azərbaycana gətirilən avtomobillər isə daha çox bahalı avtomobillərdir. Ona görə də onların birbaşa gətirilməsi daha sərfəlidir. Belə olan təqdirdə, köhnə avtomobillərin bahalaşması, ölkəyə yeni gətirilənlərin qiymətində isə azalmanın müşahidə olunması prosesi hələ davam edəcək. Bu gün avtomobil bazarında birbaşa avtomobil gətirilməsi ilə bağlı yaranan problem ondan ibarətdir ki, yeni avtomobillərin gətirilməsi köhnələri sıxışdırır. Bu da köhnə avtomobillərin qiymətinə təsir göstərir. Belə ki, köhnə avtomobillərin qiymətində 7 faiz artım müşahidə edilib. Yeni gətirilənlər isə çox olduğundan, qiymətlərində ucuzlaşma yaşanır. Güman olunur ki, bu, avtomobillərin birbaşa gətirilməsi durğunluğunun aradan qaldırılmasında müəyyən rol oynayacaq. Bütün hallarda, ölkəyə köhnə avtomobil gətirilmədiyi üçün qiymətində artım tempi müşahidə olunacaq. Köhnə avtomobillərə tələbatda artacaq. Çünki artıq idxalı həyata keçirilmir. Yeni avtomobillərin idxalı artdığı üçün isə onların qiymətində ucuzlaşma müşahidə ediləcək".
Ekspertin sözlərinə görə 2013-cü ildə ölkəyə 103000 avtomobil gətirilmişdisə, bu göstərici 2014-cü ildə 70000-ə qədər azalıb. Bu isə dövlət büdcəsinə ödənilən vergilərin də həcminin azalması ilə müşahidə edilir: "Azərbaycana gətirilən ili köhnə, qiyməti ucuz avtomobillərin azalması bu avtomobillərin qiymətinin artmasına gətirib çıxarıb. İli yeni olan avtomobillərin qiymətində isə dəyişiklik yoxdur. Hazırda biz 3 tendensiya müşahidə edirik. Köhnə avtomobillərin qiymətində müəyyən artmalar var, nisbətən yenilərdə azalmalar var. Lakin ən yenilərdə isə dəyişiklik müşahidə etməmişik. Xaricdən gətirilən avtomobillərin sayının azalmasının ümumlikdə ölkə iqtisadiyyatına hər hansı mənfi təsiri olmayacaq.
Ölkəyə idxal olunan avtomobillərin sayının azalması dövlət büdcəsinə də təsirsiz ötüşməyəcək". İqtisadçı ekspert büdcə gəlirlərinin azalacağını da istisna etmir. Lakin onun sözlərinə görə, bu büdcənin əsas gəlir mənbəyi olmadığından, büdcəyə mənfi təsir də gözlənilmir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...