Mənzil bazarımız Rusiya-Ukrayna çəkişməsinin böyük təsiri altında...

Tarix: 28.08.2014 / 06:04
Bölmə: İqtisadiyyat

Daşınmaz əmlak bazarında səngiməyən qiymət artımı qarşıdakı dövr ərzində daha kəskin xarakter ala bilər. Buna əsas səbəb isə bu dəfə daşınmaz əmlak bazarında Rusiya və Ukrayna amili ilə bağlı yaranan təzyiqdir. Məsələ burasındadır ki, Rusiyada iqtisadi vəziyyətin pisləşməsi fonunda buranı tərk edən soydaşlarımız əllərində olan vəsaiti daha çox Azərbaycanda daşınmaz əmlak bazarına yatırır.
Eyni sözləri Ukraynanı tərk edən azərbaycanlılar barədə də söyləmək olar. Hazırda Rusiya və Ukraynadan gələn soydaşlarımız mənzil bazarında əsas alıcıya çevrilməkdədir. Bu isə əlavə bahalaşmaya yol açır.
"MBA Consulting Group" Konsaltinq şirkətinin rəhbəri Nüsrət İbrahimov da bu amilin bazarda bahalaşma prosesində az rol oynamadığını vurğulayır. Onun sözlərinə görə, Rusiya və Ukraynada baş verən hadisələr Azərbaycanın daşınmaz əmlak bazarına pul kütləsinin təzyiqinin artımına səbəb olub: "Bundan əlavə, mənzil tikintisi bazarında bazar iştirakçılarının sayı azaldıqca süni qiymət artımı imkanları daha da çoxalır. Ölkə əhalisinin gəlirləri artdıqca mənzil şəraitlərini yaxşılaşdırmağa üstünlük verirlər. Eləcə də mənzil bazarında qiymət artımı bank depozit faizlərini üstələdiyindən investorlar bu bazara daha çox üstünlük verməyə meyllidir". Bütün bunlar mənzil bazarında qiymətlərin artımını şərtləndirir. Əsas amil isə, qeyd olunduğu kimi, Rusiya və Ukraynadan gələn soydaşlarımızın mənzil bazarında əsas alıcıya çevrilməsidir.
Rusiya və Ukraynadan ölkəmizə gələnlərdən çoxu vəsaitlərini həmin ölkələrdən çıxarıb daşınmaz əmlak bazarına yatırır. Beləliklə, Rusiya və Ukrayna arasındakı konflikt Azərbaycanın əmlak bazarına ciddi təsir göstərir. Rublun dəyərinin düşməsi və bunun fonunda Rusiyada biznes aktivliyinin azalacağı ilə bağlı proqnozlar Rusiyada yaşayan həmvətənlərimizin Bakıda mənzilə tələbatının artmasına gətirib çıxarır. İlkin qiymətləndirmələrə görə, Bakıda satılan mənzillərin 25 faizini ölkədən kənarda yaşayan həmyerlilərimiz alır. Qeyd olunduğu kimi, bütün bunlar nəticə etibarı ilə ölkənin mənzil bazarına da öz təsirini göstərir və bahalaşmaya yol açır. Təbii ki, paytaxtda gedən söküntü prosesi bahalaşmanı daha da sürətləndirir. Çünki bu fonda tələb təklifi üstələyir, qiymət təzyiqi yaranır və nəticədə qiymətlər artır. Mənzillərin bahalaşmasına, söküntü ilə yanaşı, təkan verən digər amillər də var. Onlardan biri daxili bazarda pul kütləsinin çoxalmasıdır. Bu gün Azərbaycanda iri tikinti, infrastruktur layihələri həyata keçirilir, regionların inkişaf proqramlarına böyük vəsaitlər xərclənir. Bu pulların bir hissəsi dolayısı yollarla daşınmaz əmlak bazarına daxil olur və burada qiymət təzyiqi yaradır.
Ekspertlər qiymətin yüksək olmasının digər səbəbini torpağın bahalığında, tikinti şərtlərinin ağırlığında görür. Hesab olunur ki, ucuz mənzillərin tikilməməsi həm torpağın bahalığı, həm də tikinti şirkətlərinin xərclərinin həddən artıq çoxluğu ilə bağlıdır. Nəticədə mənzil baha başa gəlir. İpoteka kreditinin istənilən həcmdə olmaması isə mənzil bazarında ucuzlaşmaya yol açmır. Yeri gəlmişkən qeyd edək ki, cari ilin 7 ayında ipoteka kreditləşməsinin həcmi 62,2 mln. manat olub. Halbuki, ötən ilin eyni dövründə bu rəqəm 64,2 mln manat təşkil edib. MKT-lar tərəfindən verilən kreditlər də azalıb. Məsələn, ötən ilin altı ayında 42 milyon manat məbləğində, bu ilin müvafiq dövründə isə 40 milyon manat kredit verilib.
Sosial ipoteka kreditləri uzrə büdcədən ayrılan vəsaitlərin qrafiki də diqqət çəkir. Belə ki, mart ayında 20 milyon manatlıq kredit verilib. Büdcə hesabına maliyyələşən bu kreditlər üzrə daha 20 milyon manatın nə zaman ayrılacağı bəlli deyil. Monitorinqlər göstərir ki, hazırda bankların əksəriyyətində sosial ipoteka kreditləri aktiv deyil. Ümumiyyətlə, banklar dövlət hesabına kredit verilişini dayandırıb. Əsas səbəb, qeyd olunduğu kimi, ipoteka kreditlərinin məbləğinin azlığıdır. Həmçinin, burada faiz məsələsi də az rol oynamır. İnkişaf etmiş ölkələrdə, xüsusilə ABŞ və Avropa dövlətərində ipoteka kreditləri 2-3 faizdən yüksək deyil. Hətta bəzi sosial fondlar var ki, 1 faizlə də kredit verir. Ölkəmizdə də buna bənzər faiz dərəcələrinin tətbiqi vacib sayılır. İndilikdə isə hesab olunur ki, ipoteka kreditlərinin baha olmasının başlıca səbəbi maliyyə mənbələrinin məhdud olmasıdır. Onu da qeyd edək ki, İpoteka Fondunun verdiyi ipoteka kreditlərinin üzərinə müvəkkil banklar tərəfindən komisyon haqları da qoyulur. Bu da kreditləri bir qədər də bahalaşdırır. Bununla bağlı bildirilir ki, kommersiya banklarının çəkdiyi xərcləri dövlət öz üzərinə götürməli və faiz dərəcəsində bunu hesablamalıdır.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...