Ukraynadan dönən soydaşlarımız Bakıda mənzil bazarını qızışdırıb

Tarix: 26.08.2014 / 03:34
Bölmə: İqtisadiyyat

Ukraynada hərbi-siyasi vəziyyət günü-gündən ağırlaşır. Bu ölkədə baş verən hadisələr soydaşlarımıza da təsirsiz ötüşmür.Məlumata görə, Ukraynada yaşayan vətəndaşlarımızın bir qismi ölkə ərazisini tərk etmək məcburiyyətində qalıb. Ukraynada yaşayan soydaşlarımızın bir qismi adıçəkilən ölkəni müvəqqəti, qalanları isə həmişəlik tərk edir.
Maraqlıdır, Ukraynada baş verən hadisələr Azərbaycan daşınmaz əmlak bazarına necə təsir edir? Mənzillərin satış qiyməti qalxıb və ya stabil olaraq qalıb? Bu suallarımıza cavab tapmaq məqsədilə daşınmaz əmlak məsələləri üzrə ekspert Nüsrət İbrahimliyə müraciət etdik.
O bizə açıqlamasında qeyd etdi ki, Ukraynada yaşanan olaylar Azərbaycan daşınmaz əmlak bazarına təsirsiz ötüşməyib: "Həmin ölkədə yaşayan iş adamları Ukraynadakı vəsaitlərinin bir hissəsini çıxarıb Bakının daşınmaz əmlak bazarına yatırım edir. Amma indilikdə bu vəsaitin həcmi o qədər böyük deyil ki, bazara müəyyən qədər təsir edə bilsin. Hazırda yay fəslidir. Bazarda aktivlik çox aşağı səviyyədədir. Onların bu bazara yatırım etməsi müəyyən qədər bazarın stabilləşməsinə kömək edir. Ancaq yay aylarında qiymət artımları baş vermir. Yalnız payız aylarında müəyyən qədər artımlar gözləyə bilərik".
Həmsöhbətimiz onu da əlavə etdi ki, Ukraynadan vətənə dönənlər arasında tələbələr üstünlük təşkil edir: "Ukraynada biznes fəaliyyəti ilə məşğul olanlar arasında Azərbaycana dönənlərin sayı çox məhduddur. Amma əmlak bazarında bu gün aktivlik hiss olunmur. Bu, mövsümi amillə bağlıdır. İnsanlar ölkə və şəhər kənarına meyl edir. Həm də ipotekada məhdudiyyətlər var. Bütün bu amillər nəticəsində bu gün əmlak bazarında passivlik hökm sürür.
İlin birinci rübündə alıcıların sayında artım müşahidə edilmişdisə, alqı-satqı şirkətlərinin sayı artmışdısa, hazırda geriləmə var. Ümumiyyətlə, hazırda tələb çox aşağı düşüb. Ancaq buna baxmayaraq, qiymətlər yenə də azalmır. Satıcı və alıcı gözləmə mövqeyindədir. Ona görə də bu aylarda durğunluqdur. Ukraynadan gələn olsa belə, bazar aktiv deyil. Onlar daşınmaz əmlak bazarında hiss olunmurlar. Çünki gələnlər orada işini-gücünü qurmuş insanlar deyil. Gələnlərin əksəriyyəti müvəqqəti yaşayış yerini dəyişənlər və tələbələrdir. Hazırda bazarlarımızda təklif çox aşağıdır. Tələb aşağı olduğu üçün təklif də uyğun olaraq aşağı düşüb. Çünki təklif edən qiymətlərin artımını gözləyir".
N.İbrahimli onu da əlavə etdi ki, yay fəslinin bitməsinə az qalıb və növbəti mövsümdə daşınmaz əmlak bazarında qiymət artımı müşahidə olunacaq: "İlin sonuna Bakının daşınmaz əmlak bazarında qiymətlər 6 faiz, mənzil bazarında isə 15-16 faiz artacaq. Cari ilin əvvəlindən paytaxtda daşınmaz əmlakın qiymətləri 4,12 faiz, mənzilin qiymətləri isə 15 faiz artıb. İyulda daşınmaz əmlak bazarında qiymətlər 2,06 faiz, mənzil bazarında isə 3,03 faiz azalıb.
Ötən illə müqayisədə qiymətlər xeyli artıb, bununla əlaqədar alıcılar, demək olar, bazarı tərk ediblər. Buna görə də bazarın fəallığı çox aşağı düşüb ki, bu da, öz növbəsində, mənzillərin qiymətlərinin azalmasına səbəb olub".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...