Bazarlarda bahalaşma gözlənildiyindən də sürətlə gedir

Tarix: 26.08.2014 / 03:52
Bölmə: İqtisadiyyat

Rusiyaya ərzaq ixracının artımı Azərbaycan bazarlarında gözlənildiyindən də çox bahalaşmaya yol açıb. Ən pisi isə odur ki, ekspertlər bahalaşmanın hələ davam edəcəyini proqnozlaşdırır. Çünki Rusiyaya əsas etibarı ilə aqrar məhsulların ixrac həcmi yalnız artmaqda davam edir və bu, daxili bazarda yerli məhsulların miqdarının azalmasına və beləliklə də bahlaşmasına yol açır.
Xüsusən də son günlər ölkədə meyvə və tərəvəzin qiyməti artıb. Məsələn, ötən ay pomidorun qiyməti 30-40 qəpik arasında dəyişirdisə, hazırda 1 kiloqram pomidor 80 qəpik və 1 manat arası satılır. Artım qarpız, yemiş, badımcan, bibər, kartof, soğan və eləcə də mövsümə uyğun meyvələrin də qiymətində müşahidə olunur. Satıcılar isə, qiymət artımına səbəb kimi, fermerlərin istehsal etdikləri məhsulları yerli bazara çıxarmaqda maraqlı olmadığını bildirir.
Xatırladaq ki, Rusiya hökuməti Avropa ölkələrindən gələn meyvə və tərəvəz məhsullarına qoyduğu qadağadan sonra yaranan tələbatı ödəmək üçün Azərbaycan və ona yaxın olan ölkələrdən məhsullar gətirilir. Bu səbəbdən də ölkədə meyvə və tərəvəzin qiymətində artım müşahidə olunur. Bu günlərdə isə kənd təsərrüfatı naziri Heydər Əsədov Rusiyaya idxalın artması ilə bağlı daxildə meyvə-tərəvəzin qiymətinin artması məsələsinə aydınlıq gətirib. Nazir bunun təbii iqtisadi proses olduğunu bildirsə də, məsələnin müsbət tərəfinin daha çox olduğunu qeyd edib: "Azərbaycanın kənd təsərrüfatı məhsullarının Rusiya bazarına ixracının artırılmasından sonra ölkəmizə idxal olunan məhsulların həcminin artacağı gözlənir. Məsələyə kompleks şəkildə yanaşmaq lazımdır. Birinci növbədə bu, Azərbaycan məhsullarının Rusiya bazarında brend kimi yer tutması üçün çox gözəl fürsətdir. Bizim məhsullar adıçəkilən ölkənin bazarında çox yaxşı tanınır. Yaranmış vəziyyət isə bizim istehsalçılara əlavə üstünlük verir". Nazir qeyd edib ki, Azərbaycan fermerlərinin istehsal etdiyi kənd təsərrüfatı məhsullarının qonşu ölkəyə ixracının artırılması ölkəmizə xaricdən gətirilən məhsulların həcminə təsir edəcək: "Təbii ki, bizim məhsullar Rusiya bazarına çıxdıqca xaricdən Azərbaycana məhsul idxalının artımı gözlənir. Əslində əhali özü tələbatı formalaşdırmalıdır. Yaxşı olar ki, əhali yerli məhsulları alsın və xarici məhsullara heç bir tələbat yaranmasın. Təbii ki, xaricdən gələn məhsulların həcminin artımı iqtisadi cəhətdən qiymətə təsiredici amildir. Lakin dövlət qiyməti tənzimləmək siyasəti ilə məşğuldur. Təbii ki, idxalı, ixracı optimallaşdırmaqla da məşğul olacağıq. O ki qaldı qiymət məsələsinə, onu qeyd etmək istəyirəm ki, 1 il bundan qabaq kənd təsərrüfatı məhsullarının istehsalçıları dəfələrlə şikayət edirdilər ki, məhsullar bağlarda çürüyüb qalır, satılmır. İndi isə problem həll olunan kimi məsələnin yaxşı tərəfləri qalıb bir kənarda, hər kəs qiymətin artımından danışır".
Lakin istənilən halda, qiymətlərin belə sürətli artımı əhali arasında ciddi narahatlığa yol açıb. Bir həftə öncə topdansatış mərkəzlərində bir yeşik pomidor 6-7 manata idisə, hazırda 15 manatdan aşağı tapmaq mümkün deyil. Bundan əlavə, Rusiyaya ən çox ixrac olunan göyərti məhsullarında bahalaşma müşahidə olunub. Ümumiyyətlə, indiki mövsümdə kənd təsərrüfatı məhsullarının Rusiyaya ixrac edilməsi daxili bazarda qiymətlərə ciddi təsir edəcək. İqtisadçı-ekspert Vüqar Bayramov isə xatırladır ki, Avropa Birliyinin tətbiq etdiyi sanksiyalar səbəbindən Qərb və Avropa dövlətləri Rusiya bazarlarına ərzaq məhsullarının ixracatını həyata keçirə bilmir. Avropa Birliyinin bu ölkədə böyük paya malik olduğunu diqqətə çatdıran ekspert, əsasən də süd məhsullarına olan tələbatın 70 faizinin Avropa Birliyi ölkələri hesabına təmin olunduğunu deyib: "Rusiya bir çox məhsulların idxal və ixracına görə AB-dən asılı vəziyyətdə idi. Artıq birlik dövlətləri məhsullarını bu ölkəyə buraxmadıqları üçün bazarlar boşalıb. Bu boşluğu isə daha çox qonşu dövlətlər, xüsusilə də Azərbaycandan ixrac olunacaq məhsullar dolduracaq. Artıq azərbaycanlı iş adamları öz məhsullarını qonşu ölkəyə daşımağa başlayıb. Rusiya bazarlarının Azərbaycanda istehsal olunan məhsullar hesabına doldurulması, əslində ölkəmiz üçün əhəmiyyətlidir. Çünki bu, qeyri-neft məhsullarının ixracatının artması deməkdir. Azərbaycanlı iş adamları və fermerlərinin öz məhsullarının Rusiya bazarlarına çıxarmaları həm onların maddi vəziyyətinin yüksəlməsinə, həm də ölkəyə daxil olan valyutanın həcminin artmasına səbəb olacaq". V.Bayramov qeyd edib ki, Rusiya AB ölkələrindən yalnız kənd təsərrüfatı məhsulları deyil, həm də ərzaq və ət məhsulları idxal edirdi: "Apardığımız monitorinqlər zamanı məlum olub ki, son sanksiyalardan sonra həm fermerlər, həm də toyuq əti istehsalı ilə məşğul olan sahibkarlar məhsullarının bir hissəsini Rusiya bazarlarına çıxarmaq imkanı əldə edəcək.
Buna görə də yaxın vaxtlarda yerli ərzaq məhsullarının qiymətlərində artım proqnozlaşdırılır. Daxili bazarda yaranan boşluq isə ölkəyə idxal olunan məhsullar hesabına doldurulacaq. Rusiyaya tətbiq olunan sanksiyalar bu ölkədən Azərbaycana daxil olan ərzaq məhsullarının qiymətinin aşağı düşməsinə səbəb olacaq".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...