Sığorta şirkətləri daha böyük zərərlə üzləşməyə başladı

Tarix: 19.08.2014 / 02:02
Bölmə: İqtisadiyyat

Cari ilin ötən dövrünün təhlili sığora şirkətləri üçün getdikcə daha böyük çətinliyin yaranmaqda olduğunu göstərir. Elə qeyd edilənlərin nəticəsidir ki, cari ilin yanvar-iyul aylarında Azərbaycandakı 28 sığorta şirkətinin 11-də sığorta haqlarının artımı, 17-də isə azalması baş verib.
Ümumilikdə 28 sığorta şirkətinin 9-da sığorta haqlarının həcmi 10 milyon manatdan artıq, 6 şirkətdə 5-10 milyon manat arasında, 7 şirkətdə 1-5 milyon manat arasında, 6 sığorta şirkətində isə yarım milyon manatdan aşağıdır. Araşdırmalar yenə sığorta şirkətlərinin yığımının azalmasında avtomobil satışı ilə bağlı yeni şərtlərin əsas rol oynadığını göstərir. Bu ilin əvvəlində Mərkəzi Bank avtomobil kreditlərini sərtləşdirdikdən sonra avtomobillərin kreditlə satışı azalıb. Təbii ki, bu, banklarla əlbir olan sığorta şirkətlərinin satışlarının həcminə təsir göstərməyə bilməzdi. Qeyd edək ki, bu ilin yanvar-iyul aylarında Azərbaycanın sığorta şirkətləri tərəfindən avtomobil sığortası üzrə 21,2 milyon manat sığorta haqqı toplanıb. Bu da ötən ilin müvafiq dövrü ilə müqayisədə 11,2 milyon manat və ya 34,5% azdır. Qeyd edək ki, avtomobil sığortasında yığımların azalması sığorta şirkətlərinin cəmi yığımlarının da artım dinamikasını aşağı salıb. Bu ilin sonuna sığorta bazarında 18-20% artım proqnozlaşdırılsa da, faktiki artım yanvar-iyun ayında 10%-ə çatmayıb.
Bundan başqa, Azərbaycanda daha bir sığorta şirkətinin ödənişləri topladığı sığorta haqqını üstələyib. Azərbaycan Sığortaçılar Assosiasiyasının məlumatına əsasən, indiyə qədər ödəniş-yığım nisbəti 90% ətrafında olan "A-Qroup" sığorta şirkəti, yanvar-iyul aylarının nəticələrinə görə, topladığı sığorta haqqından 7% əlavə ödəniş həyata keçirib. Əsasən tibbi sığorta üzrə ixtisaslaşmış şirkətin yığımları 3,7 milyom manata yaxın olduğu halda, 3,9 milyon manatdan çox ödəniş edib. "A-Qroup"dan əlavə, "Azərbaycan Sənaye Sığorta" və "Royal Sığorta" şirkətlərinin də ödəniş-yığım nisbəti 100%-dən çox olaraq qalmaqdadır. Belə ki, "Azərbaycan Sənaye Sığorta"nın daxilolmaları yanvar-iyulda 6,3 milyon manata yaxın olsa da, təxminən 7,3 milyon sığorta ödənişi verib. Lisenziyası bu ilin fevralından dayandırılmış "Royal Sığorta" şirkəti isə 2255 manat yığıma qarşı 8314 manat ödəniş edib.
Bütün bunlar real durumda sıborta şirkətlərinin heç də hamısının istənilən həddə gəlir əldə edə bilmədiyini göstərir. Xüsusən də avtomobil kreditlərinin verilməsinə qoyulan məhdudiyyətlər sığorta sektoruna ciddi təsir göstərməyə başlayıb. Ekspertlər də bildirir ki, avtomobil kreditlərinə qoyulmuş məhdudiyyətlər ümumilikdə sığorta sektorunda avtomobil sığortası üzrə yığılmış sığorta haqlarının azalmasına səbəb olub. Araşdırmalara görə, avtomobil kreditlərinin dayandırılması yığımlarda azalmaya səbəb olmaqla yanaşı, həm də sığorta sektoruna ciddi bir siqnaldır. Hesab olunur ki, sığorta şirkətləri portfelin sığorta növləri və satış kanalları üzrə diversifikasiya edilməsində diqqəti artırmalıdır.
İndilikdə isə sığorta şirkətləri, xüsusilə kasko sığortası üzrə ixtisaslaşan şirkətlərin zərərə düşəcəyi ehtimalı böyükdür. Təxmini hesablamalara görə, avtomobil kreditlərinin dayandırılması nəticəsində sığorta bazarı həcmini 10 faiz itirə, öz portfelini diversifikasiya edə bilməyən sığorta şirkətləri isə bağlana bilər. Müşahidələr göstərir ki, ölkədə hər üç yeni maşının ikisi kreditlə satılırdı. Ona görə, banklardan da çox, avtomobil satışı üzrə ixtisaslaşan şirkətlər, eyni zamanda sığorta şirkətləri zərbə almaqdadır.
Sığorta şirkətləri də etiraf edir ki, bankların avtomobil kreditlərini dayandırması bank sektorundan sonra sığorta bazarına da mənfi təsir etməyə başlayıb. Bazar iştirakçılarının sözlərinə görə, hazırda avtomobillərin könüllü sığorta bazarının böyük hissəsi kreditlə alınan avtomobillərin payına düşür. Orta hesabla, sığortalanan avtomobillərin 70%-dən çoxu kreditlə alınanlardır. Bəzi şirkətlərdə isə kasko sığortanın 90%-ə qədər hissəsi kreditlə alınan avtomobillərin payına düşür. Lakin indi vəziyyət dəyişib. Belə şirkətlər yeni sığorta məhsulları tapa bilməsə, daha böyük maliyyə problemi və beləliklə, bağlanmaq təhlükəsi ilə üzləşməli olacaq.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...