Quraqlıq Azərbaycanın aqrar sektorunda özünü necə göstərə bilər?

Tarix: 18.08.2014 / 01:15
Bölmə: İqtisadiyyat

Cari ilin anormal hava şəraiti hələ də davam etməkdədir. Təxminən 2 aya yaxındır bəzi bölgələrə yağıntı düşmür. Dağ kəndlərində də analoji vəziyyəti görmək mümkündür. Məlumata görə, artıq bəzi kəndlərdə su problemi yaranmağa başlayıb. Bu isə xüsusilə aqrar sahəyə öz mənfi təsirini göstərir.
Maraqlıdır, baş verən quraqlıq aqrar sahəyə necə təsir edəcək?
Azərbaycan Milli Elmlər Akademiyası Coğrafiya İnstitutunun Ekocoğrafiya şöbəsinin müdiri Ənvər Əliyev mətbuata açıqlamasında bildirib ki, hazırkı vəziyyət Azərbaycan üçün normal haldır: "İyul-avqust aylarında çox nadir hallarda intensiv yağışlar olur. Ancaq ümumi götürdükdə bu il ölkədə quraqlıq ilidir. Biz aprel ayından rəy vermişdik ki, ilin quraqlıq olma əlamətləri görünür. Artıq təsdiqləndi ki, Azərbaycanda quraqlıq ilidir. Həddən artıq su çatışmazlığı var. Dağda qar ehtiyatımız, demək olar ki, tükənib. Adətən bu vaxtlar qalan qarlardan əsər-əlamət yoxdur. Bundan başqa, ümumiyyətlə, bu aylar yağıntıların az düşdüyü vaxtlardır. Bu, hazırkı ilin mahiyyətindən irəli gələn məsələdir. Bir çox çaylarımızda da quruma var. Hazırda regionların bəzilərində su problemi var. Avqust ayında da yağıntı az olsa, su ehtiyatlarımız barədə fikirləşmək lazımdır".
Aqrar sahə üzrə ekspert Vahid Məhərrəmov bizimlə söhbətində qeyd etdi ki, son bir neçə ildə qlobal iqlim dəyişikliyi baş verir: "İndi mövsümi olaraq şiddətli isti və soyuq keçməsi halları çox müşahidə olunur. Xüsusən payız və yaz aylarında daha çox su bolluğu yaranır. Bu da ondan irəli gəlir ki, daha çox yağışın düşməsi məhz həmin mövsümdə baş verir. Yay ayları isə isti keçir. Bu yalnız bizim ölkədə deyil. Ancaq digər ölkələrə nisbətən Azərbaycanda vəziyyət yaxşıdır. Çünki bizi şimal tərəfdən Böyük Qafqaz dağları şimalın kəskin soyuq havasından, cənub tərəfdən isə Kiçik Qafqaz sıra dağları isti havanın zərərli təsirindən qoruyur. Həm də Xəzər dənizinin olması bizdə havanı nisbətən mülayim saxlaya bilir. Bizə hava isti gəlsə də, qonşularımızla müqayisədə sərindir. Qışda da bizdə hava nisbətən mülayim olur".
Ekspertin sözlərinə görə, Meliorasiya və Su Təsərrüfatı Açıq Səhmdar Cəmiyyətinin başlıca vəzifəsi su bolluğu yaranan vaxtlarda həmin suların bir hissəsini suvarma anbarlarına yığıb ehtiyat su saxlamaqdan ibarətdir: "Xüsusilə də nəzərə alaq ki, Azərbaycanda kifayət qədər su anbarları var. Ancaq anbarlar vaxtında təmir olunmur. Bütün bu işlər vaxtında aparılmadığı üçün yay aylarında su ilə təminatda problem yaranır. Son vaxtlar çaylarımızda su bolluğu yoxdur. Bu da bir çox halda fermerlərin işini çətinləşdirib".
Həmsöhbətimiz onu da əlavə etdi ki, su çatışmazlığı yaşanarsa, bu, Azərbaycanda əkinçilik və heyvandarlıq sahəsinə mənfi təsir edəcək: "Artıq elə sahələrimiz var ki, tam quruyub. Əksər rayonlarda tərəvəz məhsullarının istehsalında ciddi problemlər yaranıb. Ona görə də istehsal azalıb. Elə sahələr də var ki, ümumiyyətlə, sıradan çıxıb. Dəmyə şəraitində məhsul yetişdirilən sahələrdə də ciddi problem var. Dəmyə şəraitində ümid etmək olmaz ki, istənilən zaman yağış yağacaq. Orda da qış aylarında nəmliyi qoruyub saxlamaq lazım idi ki, istehsal zamanı bitki nəmlikdən normal istifadə edə bilsin. Bir sıra aqrotexniki qaydalara riayət etməklə su problemini aradan qaldırmaq olardı. Bu il meyvə məhsulunda da azalma gözlənir. Bu da su ilə bağlı problemlərdən doğur. Yəni suyun idarə olunmasında ciddi problemlər var".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...