BP yenə bizim payımızı azalda-azalda gedir, hara...

Tarix: 18.08.2014 / 02:44
Bölmə: İqtisadiyyat

Bir müddət əvvəl Prezident İlham Əliyev BP tərəfindən neft hasilatının süni surətdə aşağı salınmasını ciddi tənqid etdi. Hətta şirkət tərəfindən hasilatın normal həddə çatdırılması ilə bağlı göstəriş də verildi. BP, öz növbəsində, nöqsanları aradan qaldıracağını bəyan etdi.
BP şirkəti yenidən Azərbaycanın Xəzərdəki Azəri-Çıraq-Günəşli yataqlar blokunda neft hasilatının azaldığını açıqlayıb. Bu barədə "Röyter" agentliyi məlumat yayıb.
Agentlik "BP-Azerbaijan" şirkətinin bu ilin birinci yarımilinə dair hesabatına istinadən bildirir ki, "Azəri-Çıraq-Günəşli" yataqlar blokunda hasilat sutkada orta hesabla 656 min barrel təşkil edib. Ötən ilin birinci yarısında isə hasilat orta hesabla sutkada 672 min barrel idi.
BP ilin əvvəlində hasilatın ötən ilə nisbətən aşağı ola biləcəyinə dair xəbərdarlıq etmişdi və bunu quyularda planlaşdırılan texniki profilaktika işləri ilə əlaqələndirmişdi. Lakin agentlik hazırda hasilatın pay bölgüsü sazişinin şərtlərinə əsasən "Azəri-Çıraq-Günəşli" yataqlarından hasil olunan neftin çox hissəsinin Azərbaycanın payına düşdüyü bir vaxtda hasilatın durmadan azalmasının Bakını narahat etdiyini bildirir.
"BP-Azerbaijan" şirkəti operatoru olduğu digər iri layihə - "Şahdəniz" qaz yatağında hasilatın həcmi barədə də məlumat yayıb. Məlumatda deyilir ki, 2014-cü ilin I yarısında "Şahdəniz" yatağında 4,75 milyard kubmetr qaz və 1,12 milyon ton kondensat hasil edilib. Qaz hasilatı ötən ilin eyni dövrü ilə müqayisədə 1,04%, kondensat hasilatı 11,1% azalıb.
Hesabat dövründə orta sutkalıq hasilat 26,2 milyon kubmetr qaz və 49 757 barrel kondensat olub."Şahdəniz" yatağı istismar ediləndən 30 iyun 2014-cü ilə kimi 52,7 milyard kubmetr qaz və 13,6 milyon ton kondensat hasil edilib. "BP-Azerbaijan"ın məlumatına görə, hazırda "Şahdəniz" yatağının hasilat sisteminin maksimal gücü sutkada 27,35 milyon kubmetr qaz və 55 min barrel kondensatdır. 2013-cü ildə "Şahdəniz" yatağında 9,8 milyard kubmetr qaz və 2,48 milyon ton kondensat çıxarılıb. Hələlik hasilatın piki 2013-cü ilin payına düşür.
İndiki azalma cüzidir və yəqin ki, II yarımildə vəziyyət sabitləşəcək. Amma, göründüyü kimi, qaz-kondensatla bağlı məsələ ciddidir.
Qeyd edək ki, Azərbaycanda BP-nin başçılıq etdiyi layihələrdə hasilatın son illərdə davamlı şəkildə azalması sənaye artımına da mənfi təsir edir. Bu amil həm də BP-nin Azərbaycan dövləti qarşısında götürdüyü öhdəlikləri yerinə yetirmədiyi anlamına gəlir. Yaranmış vəziyyətlə bağlı Azərbaycan tərəfi hansı addımları atmalıdır?
Neft Araşdırmaları Mərkəzinin rəhbəri İlham Şaban "Bakı-Xəbər"ə açıqlamasında bildirdi ki, bu məsələdə incə nüanslara diqqət yetirilməlidir. Müsahibimizin sözlərinə görə, bəzən bunları bir-birilə qarışdırırlar: "Dövlət başçısı BP-ni hasilatla bağlı düzgün proqnoz verməməkdə günahlandırıb tənqid etmişdi. BP isə bu iradları təbii qəbul etmişdi. İndi isə neft yataqlarında hasilatın aşağı düşdüyünü bəyan edirlər. Bu başqa bir məsələdir. Təbii ki, neft və qaz tükənən sərvətlər sırasına aiddir.
Uzun illərdir həmin yataqlardan neft və qaz çıxarılırsa, burada azalmanın müşahidə edilməsi təbiidir. Yox, hasilatın aşağı düşməsi BP-nin günahından baş verirsə, onda ARDNŞ imzalanan sazişə əməl edilməsini tələb edə bilər. "Hasilatın pay bölgüsü" sazişində bütün bu müddəalar, tərəflərin öhdəlikləri dəqiq təsbit edilib. Hasilatın təbii ehtiyatın azalması səbəbindən aşağı düşməsi isə təbiidir.
Bu getdikcə azalmalıdır. Biz hasilatın pik dövrünü 2010-cu ildə arxada qoyduq. Həmin vaxtdan şkala aşağı enir. Bu iki fərqli məsələyə xüsusilə diqqət yetirmək lazımdır. Bir daha xatırladıram ki, hasilatın aşağı düşməsində BP-nin günahı varsa, ARDNŞ tədbir görülməsi ilə bağlı dövlət qarşısında ciddi məsələ qaldırmalıdır".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...