Azərbaycan Avropaya daha çox neft satmaq imkanı qazandı

Tarix: 18.08.2014 / 02:40
Bölmə: İqtisadiyyat

Azərbaycan və neft hasil edən ölkələr bundan sonra Avropaya daha böyük həcmdə neft çıxara bilər. Çünki Rusiya Avropaya getdikcə daha az enerji resursu satmağa başlayır və bu zaman Qərb yaranan itkiləri digər ölkələr hesabına kompensasiya etmək niyyətindədir. " The Wall Street Жournal" qəzeti isə bu şəraitdə rusların Asiyaya daha çox neft satmaq niyyətini yazır.
Qeyd edilir ki, Asiya ölkələrinə tədarük edilən rus nefti bu il artıq ixrac rekordu vurub və ixrac artmaqda davam edir. Qəzetin məlumatına görə, cari il üçün Rusiyanın ixrac neftində Asiyaya tədarük edilən "qara qızıl"ın payı təxminən 30% olub. Bu, sutkada 1,2 milyon barrel neft deməkdir. Beynəlxalq Energetika Agentliyinin məlumatına görə, 2012-ci ildə Asiyaya ixrac edilən neft Rusiyanın bütün xaricə edilən neft tədarükünün təxminən 20%-ni təşkil etmişdi. Asiyada rus neftini daha çox alan ölkə Çindir. Rusiyanın Avropaya "qara qızıl" tədarükü isə getdikcə azalır.
O da vurğulanır ki, Asiya-Sakit okean regionunun enerjidaşıyıcılarına böyük ehtiyacı var. Rusiya nefti Dubay neftindən baha olsa da, Çin üçün şimal qonşusundan neft almaq daha sərfəlidir. Həmçinin region ölkələri yalnız Yaxın Şərq neftindən asılı olmaq istəmir, neft idxalı mənbələrinin diversifikasiyasına çalışırlar. Xatırladaq ki, ABŞ və Avropa Birliyi Rusiyaya yüksək texnologiyalı avadanlıqların satışını qadağan edib. Nəticədə Çinə neft tədarükünün artmasından Çinin "Honghua Group" şirkəti daha qazanclı çıxa bilər. "Honghua Group" dünyanın ən iri qazma avadanlıqları istehsalçılarından biridir. "Nomura" şirkətinin analitiki Qordon Kavn isə bildirib: "Honghua" Rusiyanı Qərb standartları keyfiyyətində olan qazma qurğuları ilə təchiz edə bilər, özü də 20 faiz güzəştli qiymətlə. Həm də şirkət daha ucuz və sürətli çatdırmaya təminat verir".
Bütün bunlar Qərbin sanksiyalarının istənilən effekti verə biləcəyini sual altına alır. Lakin iqtisadçı ekspert Samir Əliyev qeyd edir ki, sanksiyaların təsiri heç də qısa müddətdə öz təsirini göstərmir. O, Rusiya iqtisadiyyatının bu sanksiyalardan sonra çökəcəyini bildirib: "Rusiyaya tətbiq edilən sanksiyalar artıq öz nəticələrini göstərir. Sanksiyalar qısa müddətdə tam təsirini göstərmir, yalnız müəyyən zamandan sonra ciddi fəsadlar özünü göstərəcək. Artıq Rusiyada bunun elementləri görünür. Birinci element ondan ibarətdir ki, Rusiyanın valyutası əhəmiyyətli dərəcədə dəyər itirməkdədir. 2014-cü ildə rus rublu 10%-dən çox ucuzlaşıb. Digər bir məsələ Rusiyada kreditlərin bahalaşmasıdır. Ölkənin 5 ən böyük bankına tətbiq edilən sanksiya onların xaricdə borc imkanlarını məhdudlaşdırır. Bu da bankların verdiyi kreditləri bahalaşdırır. Sözsüz, bu məsələ iqtisadiyyatda öz neqativ təsirini göstərir. Həmçinin, Rusiyanın ərzaq məhsullarına tətbiq etdiyi sanksiya ərzaq bazarında qiymət artımına gətirib çıxaracaq. Dünya bazarında neftin qiyməti 100 dollardan aşağı düşərsə, bu halda Rusiya iqtisadiyyatı, sözün əsl mənasında, çökməyə doğru gedəcək. Rusiya ilə Avropa arasında gedən sanksiya müharibəsində Avropanın da zərəri var. Amma yenə də ən çox təsir Rusiyada müşahidə olunacaq. Avropa sanksiyaların nəticələrini digər ölkələrlə kompensasiya edə bilir. Amma Rusiyanın bu işdə çox çətinliyi var. Bu baxımdan Rusiya iqtisadiyyatının builki göstəricilərində biz geriləməni açıq müşahidə edəcəyik".
Qeyd edək ki, əslində sanksiyalar üzündən Rusiyanın bir sıra enerji nəhəngləri artıq problemlər yaşayır. Artıq Rusiyanın "Rosneft" şirkətinin prezidenti İqor Seçin ona maliyyə yardımı göstərilməsi üçün hökumətə müraciət edib. Şirkət rəhbərliyi bunu Qərbin "Rosneft"ə qarşı tətbiq etdiyi sanksiyalarla əlaqələndirib. Məlumata görə, artıq "Rosneft"in iyun ayının sonuna olan olan borcu 1.5 trilyon rubla və ya 44.5 milyard dollara çatıb. Sanksiyalardan sonra şirkətin borcunun pik həddə çatacağı bildirilir. Seçin Milli Təminat Fondunun "Rosneft"in istiqrazlarının 1.5 milyard dollara alınmasını təklif edib. Lakin fondda bu qədər pulun olmadığı bildirilir. Rusiya Maliyyə Nazirliyinin məlumatına görə, yanvarın 1-də fondda 2.9 milyard rubl var idi, amma pulların əksəriyyəti paylanıb. Qeyd edək ki, "Rosneft" "Qazprom"la birlikdə Rusiyanın ən böyük şirkətlərindən hesab olunur.
Azərbaycanlı milyarder Vahid Ələkbərovun rəhbəri olduğu "LUKoyl" şirkətində də vəziyyət yaxşı deyil. Xaıtrladaq ki, şirkət Ukraynadakı bütün yanacaqdoldurma məntəqələri şəbəkəsini Avstriya şirkəti olan "AMIC Energy Management GmbH"yə satır. Polşadakı məntəqələr də satışa çıxarılıb. Rusiyanın bu neft kompaniyasının, həmçinin İraq, Venesuela, Fil Dişi Sahili, Qana və Misirdə də fəaliyyətini dayandırdığı bildirilib.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...