Mənzillərin qiymət artımı sığorta bazarında da bahalaşma yaradır

Tarix: 13.08.2014 / 03:00
Bölmə: İqtisadiyyat

Daşınmaz əmlak bazarında qeydə alınan bahalaşma mənzillərlə bağlı digər sahələr üzrə də qiymətlərin artımına gətirib çıxarır. Bunun ən real təsdiqi qismində sığorta bazarı göstərilir. Məsələ burasındadır ki, ölkədə, xüsusilə də paytaxt Bakıda evlərin bahalaşması daşınmaz əmlakın sığorta qiymətinə də təsir edir. Mənzillərin qiyməti isə artmaqda davam edir.
Təkcə son bir ay ərzində ilkin mənzil bazarında qiymətlər hər kvadrat üçün 993 manatdan 1029 manata kimi artıb. Yəni 3,62%-lik bahalaşma qeydə alınıb. Buna səbəb həm də mənzil bazarında aktivliyin müşahidə olunmasıdır. Məsələn, ilkin mənzil bazarında aktivlik 2014-cü ilin iyun ayında əvvəlki may ayı ilə müqayisədə 8%, ötən ilin müvafiq ayı ilə müqayisədə isə 10% artıb. Bununla yanaşı, son aylar qiymətlərdə tədricən yüksəlmə prosesi getməkdədir. Buna da səbəb bir tərəfdən paytaxtda söküntü prosesinin artması, digər tərəfdən isə tikintinin həcminin azalması nəticəsində ucuz mənzillərin təklif portfelində tədricən tükənməsidir.
Qeyd olunduğu kimi, bütün bunlar sığorta bazarına da təsir edir. Sığorta haqqı mənzillərin qiymətindən hesablandığına görə sığortalanması da təqribən mənzillər qədər bahalaşıb. Xatırladaq ki, mənzil və evlərin sığorta haqqı əmlakın qiymətinin 0,2%-0,5%-i həcmində müəyyənləşdirilir. Sığorta haqqı mənzilin vəziyyəti, təhlükəsizliyi, yerləşdiyi ərazi və digər amillərdən asılıdır. Lakin o dəqiqdir ki, mənzillərin qiyməti bahalaşırsa, sığorta haqqı da artır. Ekspertlər etiraf edir ki, mənzillərin qiyməti artdığına görə, sığorta haqqının da artması insanların sığortaya marağını azalda bilər. Bəzən isə mənzillərin sığortalanması üzrə müqavilələr bir neçə illik bağlanır. Bu dövrdə isə mənzillərin qiyməti artır. Bu səbəbdən sığorta şirkətləri əlavə haqqın ödənilməsini istəyir. Bildirilir ki, evin qiyməti artdıqca şirkətlərin qarşıladığı risqin həcmi də artır, buna görə də sığorta haqqı da artmalıdır. Qeyd olunur ki, bu təkcə sığorta şirkətinə yox, müştərinin özünə də sərfəlidir. Çünki sığorta hadisəsi baş verərsə, sığorta şirkəti müqaviləyə əsasən hərəkət etməlidir. Məsələn, vaxtilə 50 min manat olaraq sığortalanmış ev 2-3 ildən sonra 80 min manatadək bahalaşıb. Müqavilə əvvəlki formada qalarsa, hadisə baş verəndə sığorta şirkəti 50 min manat ödəməlidir. Halbuki bu məbləğ evə dəyən zərəri ödəməyə kifayət etməyəcək. Ona görə də hesab olunur ki, qiymətlər artdıqca sığorta müqaviləsinə də dəyişiklik edilməlidir ki, müştəriyə zərər dəyməsin.
Bu arada daha bir problem mənzillərin icbari sığortasının hələ də geniş vüsət almamasıdır. Araşdıramalar göstərir ki, icbari sığorta haqqında qəbul olunmuş qanun yaşayış mənzillərinə zəif tətbiq olunur. Çünki onun icrasına, tətbiq olunmasına nəzarət mexanizmində bəzi problemlər var. Belə ki, qanunun tətbiqi ilə daşınmaz əmlakın sığortasına nəzarət iki hissəyə ayrılıb Sahibkarlıq fəaliyyəti ilə məşğul olan şəxslərin, yəni qeyri-yaşayış sahələrinin sığortaya cəlb olunmasına Fövqəladə Hallar Nazirliyi nəzarət edir. Yaşayış mənzillərinin, evlərin sığortaya cəlb olunmasını isə yerli icra hakimiyyəti orqanları həyata keçirir. Məhz yerli icra hakimiyyəti orqanlarının nəzarətində vəziyyət gözlənildiyi kimi deyil. Bu səbəbdən evlərin icbari sığortasına geniş rast gəlinmir. Bundan çıxış yolu kimi ekspertlər qanunla tətbiq olunan maliyyə cərimələrinin artırılmasını təklif edir:. Hazırda icbari sığortanın həyata keçirilməməsinə görə cərimələr tətbiq olunur. Sadəcə olaraq, cərimələrin məbləği kifayət qədər azdır. Bu miqdar fiziki şəxslər üçün 20 manat, hüquqi şəxslərə görə 200 manatdır. Belə vəziyyətdə isə icbari sığoraya marağın kifayət qədər az olması müşahidə edilir.
Xatırladaq ki, daşınmaz əmlakın icbari sığortası hüquqi və fiziki şəxslərə məxsus yaşayış evlərinin, mənzillərin və qeyri-yaşayış evlərinin sığortasını əhatə etməklə Bakı şəhərində yaşayış evləri və mənzillərin sığorta məbləği 25 min manat, sığorta haqqı isə 50 manat, Gəncə, Sumqayıt və Naxçıvanda sığorta məbləği 20 min, sığorta haqqı 40, digər rayonlarda isə sığorta məbləği 15 min manat, sığorta haqqı isə 30 manat məbləğində müəyyən olunub.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...