Qərbin Rusiyaya sanksiyaları Azərbaycanın aqrar sektor qiymətlərinə dolayı təsir göstərə bilər

Tarix: 13.08.2014 / 07:44
Bölmə: İqtisadiyyat

Rusiyanın ABŞ və Avropa Birliyinin sanksiyalarına qarşı atdığı cavab addımları Azərbaycana aqrar sənaye dövləti kimi potensial baza rolunu vəd edir. Heç kimə sirr deyil ki, keçmiş ittifaq dönəmində Rusiya və digər ittifaq respublikalarının bazarını tərəvəz və bostan məhsulları ilə Azərbaycan təmin edib.
Ötən əsrin son onilliyinə kimi cənub bölgəsi "ümumittifaq bostanı" funksiyasını daşıyıb. İndi isə yaranan bazar problemi əkin sahələrinin kəskin azalmasına səbəb olub. Məlum sanksiyalardan sonra Rusiya bəzi ərzaq növlərinə, xüsusən də bostan və tərəvəz məhsullarına olan tələbatını Azərbaycan hesabına təmin etməyi planlaşdırır. Ümumən bu, ölkə fermerləri üçün yaxşıdır. O mənada ki, istehsal etdikləri məhsulu sərfəli qiymətə Rusiya bazarında realizə edəcəklər. Bu da, nəticə etibarilə, sözügedən sahədə çalışanların gəlirlərini artıracaq. Ancaq bu zaman digər məsələ ortaya çıxır. O da ondan ibarətdir ki, ölkədən tərəvəz və digər bu kimi məhsulların Rusiya bazarına aparılması yerli bazarda qiymətlərin bahalaşmasına təsir göstərə bilər. Ümumilikdə bu risqlər indiki dövrdə nə dərəcədə realdır?
Sözügedən məsələni dəyərləndirən kənd təsərrüfatı üzrə mütəxəssis Vahid Məhərrəmov bu halda qiymətlərin bahalaşa biləcəyini istisna etmədi: "Rusiya hər il təxminən 46 milyard dollarlıq ərzaq və kənd təsərrüfatı məhsulları idxal edir. Burada Azərbaycanın payı cüzidir. Azərbaycan il ərzində Rusiyaya 250-300 milyon dollar civarında kənd təsərrüfatı məhsulu ixrac edir. Azərbaycanın bu gün elə potensialı yoxdur ki, Rusiyaya kənd təsərrüfatı məhsulu ixracını bir neçə dəfə artırıb həmin bazarda sanballı yer tuta bilsin. Biz hələ ki, yerli imkanlar hesabına ölkəmizin ərzaq təhlükəsizliyini təmin edə bilməmişik. Bu baxımdan daxili tələbatı ödəmək məqsədilə əksər kənd təsərrüfatı məhsullarını idxal edirik. Nəzərə almalıyıq ki, Rusiyada əhalinin alıcılıq qabiliyyəti xeyli yüksəkdir. Ona görə də Azərbaycan məhsullarına daha çox dəyər verirlər. Elə bu səbəbdən də fürsətdən istifadə edərək bizim tədarükçülər ixracı artıracaqlar. Ancaq Rusiyaya kənd təsərrüfatı məhsullarının ixracının artırılması yerli bazara öz təsirini göstərəcək və bazarlarda qiymət artımına yol açacaq. Çünki Azərbaycan məhsulları Rusiyaya ixrac olunduğu halda daxili tələbatı ödəmək məqsədilə başqa ölkələrdən analoji mal və məhsulların idxalına ehtiyac yaranacaq. Məsələn, bizim tədarükçülər yerli almanı ruslara sataraq, daxili bazarda yaranacaq boşluqdan yararlanmaq üçün Polşadan alma idxal edəcəklər. Bu isə əlavə xərclər yaratdığından, istər-istəməz, qiymət artımına yol açacaq. Digər tərəfdən, Rusiya Azərbaycandan aqrar məhsullar idxal edəcəyi təqdirdə keyfiyyətli mal tələb edəcək. Təbii ki, məhsulun keyfiyyətlisi ixraca yönəldikdən sonra ölkəyə keyfiyyətsiz mal, məhsul idxal olunacaq".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...