Rusiyaya görə Azərbaycanda ikitərəfli bahalaşma yaşana bilər

Tarix: 13.08.2014 / 07:39
Bölmə: İqtisadiyyat

Şimal qonşumuza qarşı tətbiq edilən sanksiyalar bu ölkənin iqtisadiyyatına getdikcə daha böyük zərər vurmaqdadır. Hesab edilir ki, hadisələr bu səpkidə inkişaf edərsə, Rusiyada ilk növbədə ərzaq məhsullarının qiyamətində artım yaşana bilər. Bu, istər yerli istehsala, isnərsə də idxala aiddir. Belə vəziyyət isə digər MDB ölkələrinə, o cümlədən Azərbaycana da təsir edə bilər.
Söhbət Rusiyadan gətbrilən məhsulların qiymətinin artmasından gedir.
Eyni zamanda Rusiya Azərbaycandan böyük həcmdə aqrar məhsul almağı da düşünür. Bu vəziyyət də Azərbaycanda qiymətlərin artımına təsir göstərmək iqtidarındadır. Çünki Rusiyaya daha çox məhsul ixrac olunarsa, bu, daxildə ərzağın azalmasına və beləliklə bahalaşmaya yol açmaq iqtidarındadır. Xatırladaq ki, Rusiya hökuməti Qərb ölkələrindən ərzaq idxalına qoyulan qadağadan sonra daxili tələbatı ödəmək üçün alternativ mənbələri müəyyənləşdirir. Baş nazir Dmitri Medvedyev bu fonda Rusiyanın ərzaq bazarında sərt nəzarətin tətbiq olunacağını bildirib. Baş nazir deyib ki, bu işə, profil nazirliklərlə yanaşı, istehsalçılar və ticarət şəbəkələri də cəlb olunacaq. Onun sözlərinə görə, bazarda vəziyyət elə nizamlanmalıdır ki, Rusiyaya sanksiyalar tətbiq edən ölkələrdən ərzaq idxalına qadağa qoyulması nəticəsində qiymətlər kəskin artmasın.
Rusiyanın kənd təsərrüfatı naziri Nikolay Fyodorov isə deyib ki, Qərb ölkələrindən ərzaq idxalına qadağa qoyulmasından sonra bir sıra MDB respublikaları, o cümlədən Balkan və Latın Amerikası ölkələri ilə kənd təsərrüfatı məhsullarının ticarəti genişləndiriləcək. Nazirin bildirdiyinə görə, Rusiyanın ərzaq bazarında idxalın payı elə də böyük deyil. İdxalda ən çox pay meyvə və giləmeyvəyə aiddir, sonrakı yerlərdə donuz əti və balıq, daha sonra quş əti və tərəvəzlər gəlir. Mal əti və süd məhsullarında isə idxaldan asılılıq, demək olar ki, mövcud deyil. Kənd Təsərrüfatı Nazirliyi vəd edir ki, mağazaların piştaxtaları boş qalmayacaq və qoyulan qadağa qiymətlərin artımına səbəb olmayacaq. Nazirliyin bildirdiyinə görə, Rusiya Argentina, Braziliya, Uruqvay, Çili və Paraqvaydan ət, tərəvəz və giləmeyvə idxal edəcək. Alma-armudu Çin və Serbiyadan, əriyi və gilası isə yaxın qonşularından, konkret olaraq Azərbaycan, Özbəkistan, Tacikistan, həmçinin Yaxın Şərqdən idxal edəcək. Sitrus meyvələrini isə Misir, Mərakeş, CAR və Türkiyədən idxal etmək nəzərdə tutulur. Nazirliyin bildirdiyinə görə, problem ancaq İtaliya və Fransa istehsalı olan bahalı pendirlərlə bağlı yarana bilər ki, bu da ölkə üçün kritik deyil. Norveç balığının yerini isə Rusiya istehsalçıları özləri doldura bilər. Moskva meri Sergey Sobyanin bu günlərdə paytaxtın mağazalarını gəzib və ərzaq qıtlığının mövcud olmadığını, qiymətlərin bahalaşmadığını bildirib.
Qeyd olunduğu kimi, Rusiyanın Qərb məhsullarına qoyduğu embarqolar onu yeni bazarlar axtarmağa, daxili istehsalı artırmağa məcbur edir. Moskva elan edib ki, burada Azərbaycan məhsullarının da alınmasına xüsusi maraq göstərilir. Şimal qonşumuz Azərbaycanla ticarət dövriyyəsinin genişlənməsində maraqlı olacaq, ona görə də Azərbaycandan idxal üçün prosedurları sadələşdirməyə çalışacaq. Lakin göstərildiyi kimi, ekspertlər indiki vəziyyətdə istehsal olunan məhsulları ixraca yönəltməyin ölkə daxilində kəskin qiymət artımına gətirib çıxara biləcəyini istisna etmir. Çünki ölkə daxilində tələbat olduğu halda mövcud məhsulların xaricə çıxarılması bahalaşmaya səbəb ola bilər. Digər tərəfdən, Rusiyada yaranan vəziyyət bizim ölkəmiz üçün də zaman-zaman problemlər yarada bilər. Məsələn, burada kəskin qiymət bahalaşması baş verərsə, başqa region dövlətlərinə də təsir göstərəcək. Bu fonda Azərbaycanda da ikitərəfli bahalaşma yarana bilər. Bir tərəfdən şimal qonşumuzdan gələn idxal bahalaşması, digər tərəfdən ölkədən yerli məhsulların Rusiyaya axması nəticəsində yarana biləcək qıtlığın inflyasiyaya təkan olması mümkündür. Hər halda, hökumətdə də bütün bunlar aydın sezilir və qabaqlayıcı addımların atılması gözləniləndir.
Onu da xatırladaq ki, Rusiya prezidenti Vladimir Putin ölkəsinə qarşı sanksiyalar tətbiq edən ölkələrdən xammal, ərzaq və kənd təsərrüfatı məhsullarının ayrı-ayrı növlərinin Rusiyaya gətirilməsinə qadağanın qoyulması barədə fərman imzalayıb. Hökumətə konkret siyahı tərtib etmək tapşırılıb. Sənəd "Rusiya Federasiyasının milli maraqlarının qorunması məqsədi ilə" imzalanıb. Fərman qüvvəyə mindiyi gündən bir il ərzində qüvvədədir. Vladimir Putin hökumətə kənd təsərrüfatı və ərzaq məhsullarının idxalının dayandırılması nəticəsində yarana biləcək sürətli qiymət artımının qarşısını almaq üçün tədbirlər görməyi tapşırıb.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...