Qərbin günbəgün artırdığı sanksiyalar fonunda Rusiya-Azərbaycan ticarət əlaqələri necə olacaq?

Tarix: 12.08.2014 / 01:47
Bölmə: İqtisadiyyat

Ukrayna böhranına görə ABŞ və Qərb ölkələrindən Rusiyaya yönəlik sanksiyaların miqyası genişlənməkdə davam edir. Bu arada Rusiya da sanksiyalara sanksiya ilə cavab verir.
Artıq bir sıra Qərb ölkələrindən ərzaq məhsullarının idxalını dayandırıb. Belə ki, Rusiya Federasiyasının Prezidenti Vladimir Putin avqustun 6-da ölkəsinə qarşı sanksiyalar tətbiq edən ölkələrdən xammal, ərzaq və kənd təsərrüfatı məhsullarının ayrı-ayrı növlərinin Rusiyaya gətirilməsinə qadağanın qoyulması barədə fərman imzalayıb. Hökumətə konkret siyahı tərtib etmək tapşırılıb. Sənəd "Rusiya Federasiyasının milli maraqlarının qorunması məqsədilə" imzalanıb. Fərman qüvvəyə mindiyi gündən bir il ərzində qüvvədə olacaq. Vladimir Putin hökumətə kənd təsərrüfatı və ərzaq məhsullarının idxalının dayandırılması nəticəsində yarana biləcək sürətli qiymət artımının qarşısını almaq üçün tədbirlər görməyi tapşırıb.
Qeyd edək ki, Rusiyanın 2,3 milyon ton mal əti istehlakından 59 min tonu, donuz ətindən 3,4 milyon tondan 450 min tonu, toyuq ətindən isə 4,2 milyon tondan 338 min tonu ABŞ, Avstraliya, Norveç və Kanadadan idxal olunurdu. Süd və süd məhsulları istehlakının 36 milyon olduğu Rusiyada embarqo tətbiq olunan ölkələrdən gələn məhsullar yalnız 459 min ton, tərəvəz istehlakında 16 milyon ton istehlaka qarşılıq 900 min ton, meyvədə isə 11 milyon tona qarşılıq 1,6 milyon ton ətrafında idxal olunurdu. Ona görə də Rusiya Türkiyə, Braziliya, Argentina, İsrail, Özbəkistan, Azərbaycan və Belarus hesabına bunu kompensasiya etməyi planlaşdırır.
Bütövlükdə, Rusiyaya qarşı sanksiyalar Azərbaycan üçün hansı yeni imkanlar açır?
Sözügedən məsələni dəyərləndirən iqtisadçı-ekspert Natiq Cəfərli hesab edir ki, Rusiyaya qarşı məlum sanksiyalar Azərbaycan üçün müxtəlif fürsətlər açır: "Bu da Rusiya bazarına daha çox mal çıxarmaq üçün imkanlar yaradır. Ona görə də bu imkanları doğru-dürüst istifadə etmək lazımdır. Sanksiyalarla əlaqədar Azərbaycan Rusiya bazarlarına daha çox məhsulunu çıxara və kənd təsərrüfatı işçilərinə ciddi gəlir mənbəyi yarada bilərsə, bunu Azərbaycan hökuməti də dəyərləndirməlidir. Sərhəddən keçidləri asanlaşdırmalı, gömrükdə olan bəzi problemlər sürətlə aradan qaldırılmalıdır ki, fermerlərin, iş adamlarının öz məhsullarını Rusiya bazarlarına birbaşa çıxarması üçün daha yaxşı şərait yaradılsın. Məhz bu halda Azərbaycanın həm ixracatı arta bilər, həm də yerli fermerlərimiz ciddi gəlir mənbələri əldə etmiş olar. Çox həssas bir məsələ yaxında gündəmə gələ bilər. Güman ki, Avropa Birliyi ölkələri və ABŞ özlərinin tərəfdaşı saydığı ölkələrdən Rusiyaya qarşı olan sanksiyalara qoşulmağı tələb edəcək. Bax, bu zaman Azərbaycanın atacağı addımlar maraq doğurur. Azərbaycan hansı yöndə addımlar atacaq və Rusiya ilə münasibətlərdə hansısa neqativ proses baş verəcəkmi? Ancaq indiki halda ciddi fürsətlər yaranıb və hökumət də bunu dəyərləndirməlidir".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...