İdxal benzinin qiyməti yenidən arta bilər

Tarix: 11.08.2014 / 04:11
Bölmə: İqtisadiyyat

İdxal olunan benzinin qiymətində son dəyişiklikdən sonra bunun davamlı olub-olmayacağı indi əsas müzakirə mövzusudur. Məsələ burasındadır ki, "Premium Euro-95" markalı benzinin qiymətinin qalxmasına səbəb dünya bazarında neftin qiymət artımı səbəb oldu. Bu fonda vurğulanır ki, neftin qiyməti qalxmaqda davam edərsə, idxal edilən benzinin qiymətində növbəti artımın olması qaçılmazdır.
İqtisadçı-ekspert Samir Əliyev bu fonda qeyd edir ki, "Premium Euro-95" markalı benzinin qiyməti dövlət tərəfindən tənzimlənmir: "Ona görə də onun dövri olaraq bahalaşması və ya ucuzlaşması təbiidir. Çünki bu markalı benzinin qiyməti bazara uyğun olaraq tənzimlənir. Bir sözlə, bundan sonra "Premium Euro-95" markalı benzinin bahalaşması tez-tez baş verəcək". O bu məsələdə istehsalçı tərəfdən qiymətlərin bahalaşdırılması amilinə də xüsusi diqqət yetirir: "Bu markadan olan benzinin idxalı üçün gömrük rüsumlarının və aksiz vergilərinin götürülməsi onun ölkəyə ucuz qiymətə daxil olmasına əsas verir. Son qiymət artımının ölkə iqtisadiyyatına təsiri ciddi olmayacaq. Çünki indi yay ayıdır, ərzağın qiyməti kifayət qədər ucuzdur. "Premium Euro-95" markalı benzinin ümumi benzin bazarında payı azdır. Daşınma nəqliyyatı, maşınlar, o cümlədən taksilər əsasən Aİ-92 benzini istifadə edir. Bu baxımdan təsiri az olmalıdır. Ancaq bir qayda olaraq, istənilən artım bazarda gərginlik, qiymət artımı üçün əsas yaradır".
Qeyd edək ki, "Premium" markalı benzinin qiymətini Tarif Şurası müəyyənləşdirir. Dünya bazarında neftin qiymətinin dəyişməsindən asılı olaraq "Premium" markalı benzinin qiyməti dəyişir. Son qiymət artımları dünya bazarında neftin qiymətinin yüksəlməsi ilə bağlıdır. Ümumiyyətlə, dünya bazarında neftin qiymətinin qalxmasından asılı olaraq benzinin qiymətində artımlar və azalmalar mümkündür.
Xatırladaq ki, ölkəmizdə "Premium" markalı benzinin qiyməti 93 dollardan 97 dollara qalxıb. Qeyd edildiyi kimi, neftin qiyməti qalxmaqda davam edərsə, idxal benzinin qiyməti daha da yüksələcək. Xüsusən də İraqda baş verən hadisələr yanacağın qiymətinə təsirsiz ötüşmür. Bu fonda OPEK qiymətlə bağlı rəqəmlərin daha da yüksələcəyi proqnozunu verib. Qurumdan açıqlanan rəsmi məlumata görə, İraq orta hesabla gün ərzində istehsal edilən neftin 3,3 milyon barrelini istehsal edirdi.
Xatırladaq ki, birjalarda neft sonuncu dəfə 2013-cü il sentyabrın 9-da baha qiymətə təklif edilmişdi. O zaman neftin qiyməti indikindən ucuz, yəni 114,98 dollara satılmışdı. Lakin indi İraqda İŞİD üzvlərinin hücumlarını davam etdirməsi neftə dair narahatlıqları artırıb.
Mütəxəssislər neft qiymətlərində sərt yüksəliş risqinin qlobal böhranın başladığı 2008-ci ildən bu yana ən yüksək səviyyəyə çıxdığını, mərkəzi bankların qərarlarına təsir edəcək hala gələ biləcəyini qeyd edir. "Barclays" bankı analitiklərindən Kristian Keller bildirir: "Neftin qiymətləri hər ötən gün bir az daha qeyri-sabit olur və qiymətlərdə sərt yüksəliş risqinin qlobal böhrandan bu yana ən yüksək səviyyəyə çıxdığını düşünürük. Bu andan etibarən neft qiymətlərində 10%, ya da 15%-lik bir yüksəlişin önünə keçilə bilinməyəcəyi qənaətindəyik".
Aydındır ki, neftin qiyməti 150 dollara qalxsa və bu həddi keçsə benzinin qiyməti daha yüksək hələ ifadə olunacaq. Onu da qeyd edək ki, ölkədə yeni maşınlar daha çox idxal benzinə üstünlük verir. Bir müddət öncə ARDNŞ və Metrologiya və Standartlaşdırma İdarəsindən benzinin keyfiyyəti ilə bağlı açıqlama verilmişdi. İdxal benzinin ucuz satılması üçün isə hökumət müəyyən addımlar atır. Hətta buna görə aksiz dərəcələri də sıfırlanıb. Həmçinin, xaricdən benzin gətirilməsi üçün müəyyən güzəştlər elan olunub. Ölkəmizə keyfiyyətli benzini olan ən yaxın ölkə Rumıniyadır. Amma onu da nəzərə almaq lazımdır ki, Rumıniya öz benzininin Avropa Birliyi ölkələrində satılmasında daha maraqlıdır. Çünki həmin ərazilərdə rumın benzini daha baha qiymətə təklif olunur. Hesab edilir ki, problemin əsas həll yolu ölkə daxilində daha yüksək keyfiyyətli benzin istehsalına nail olmaqdır. Bu məqsədlə isə yeni neftayırma zavodları tikilənə qədər köhnə zavodları sürətlə modernləşdirib istifadəyə vermək olar.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...