Yeni qiymət artımının əhatə dairəsi genişləndi

Tarix: 08.08.2014 / 10:53
Bölmə: İqtisadiyyat

Ölkədə ərzaq məhsullarının qiymətində hələlik cüzi olsa da müəyyən artım müşahidə edilməkdədir. Ekspertlər isə bunu təhlükəli hal sayır və qeyd olunur ki, indidən müşahidə olunan qiymət artımı payızda özünü daha qabarıq formada büruzə verəcək. Xatırladaq ki. hər payız ərzaq mallarının qiymətində artım yaşanır. Yay aylarında isə bu proses adətən əks isiqamətdə olur, deflyasiya qeydə alınırdı.
Lakin son araşdırmalar göstərir ki, ölkəmizdə qiymətlər 2014-cü ilin iyul ayında 2013-cü ilin iyul ayına nisbətən 1,5 faiz artıb. Dövlət Statistika Komitəsinin məlumatına görə, bir il ərzində ərzaq malları 0,9 faiz, pullu xidmətlər 0,4 faiz, qeyri-ərzaq malları 3,6 faiz bahalaşıb. Son bir ildə qiymət artımı davam etsə də, yay girəndən qiymətlərdəki yüksəlişin zəifləməsi müşahidə edilir. Lakin ötən aydan başlayaraq qiymətlərin yenidən artımı müşahidə olunur. Diqqət çəkən əsas cəhətlərdən biri də paytaxtda bahalaşma sürətinin səngiməsi, əvəzində regionlarda qiymətlərin daha böyük nisbətlə artmasıdır. Müqayisə olunan son bir ildə Bakıda qiymətlər 1,6 faiz artdığı halda, cənub regionunda 3,6 faiz, Abşeron iqtisadi rayonunda 3,4 faiz, Quba-Xaçmazda 3,4 faiz, Şəki-Zaqatalada 2,5 faiz yüksəlib. Ərzaq mallarının regionlardan Bakıya gətirildiyi nəzərə alınarsa, bölgələrdəki bahalaşmanın tezliklə paytaxt bazarlarında da özünü büruzə verəcəyi qaçılmazdır. Xüsusən də payıza doğru qiymətlərin daha sürətlə artması gözlənir.
Bu fonda yaşanan bahalaşma əhalinin sosial durumuna da təsirsiz ötüşmür. Xatırladaq ki, bu, dövlətin sosial xərcləri artırması fonunda baş verir. Düzdür, ölkəmizdə sosial xərclərin inflyasiyaya təsiri, ümumiyyətlə, dəqiq məlum deyil. Lakin sosial istiqamətdə artımlar inflyasiya üçün həmişə narahatlıq doğurub. Maaş və pensiyalar artan kimi qiymətlərin yüksəldiyi, süni qiymət artımı nəticəsində inflyasiyanın əhalinin gəlirlərinin bir hissəsini "yediyi" az müşahidə edilməyib. İndi bunun təkrarlanacağı yenə istisna deyil. Xüsusən də kənd təsərrüfatı məhsullarının qiymətlərində.
Onu da qeyd edək ki, söhbət inflyasiyadan gedirsə, bu fonda diqqət daha çox büdcədən əsaslı xərclərə və infrastruktur xarakterli investisiya layihələrinə yönəldilən vəsaitlərin sərfinə cəmləşdirilməlidir. İnflyasiyaya ən güclü təsiredici qüvvə məhz bu amil sayılır. Həmçinin, inflyasiyanın daha çox yüksəlməsinin qarşısını almaq üçün Rəqabət Məcəlləsinin qəbulu da vacib sayılır.
Qeyd edək ki, inhisarçılığın aradan qaldırılması, ölkədə bütün parametrlərə uyğun rəqabət mühitinin formalaşması üçün Rəqabət Məcəlləsinin olması vacibdir. Lakin artıq 7 ildir ki, ölkəmizdə Rəqabət Məcəlləsinin qəbulu yubanır. Milli Məclis iki oxunuşda ona baxsa da, nədənsə, üçüncü oxunuşa çıxarmır. Qeyd edək ki, Dünya Bankı da sözügedən məcəllənin qəbulunu tövsiyə edib. Bank dəfələrlə bəyan edib ki, Rəqabət Məcəlləsinin qəbulu Azərbaycanın iqtisadi inkişafına da yeni töhfələr verəcək. Rəqabət Məcəlləsinin olmaması isə Azərbaycanda bəzən qiymətlərin süni şəkildə bahalaşmasına da bu və ya digər dərəcədə təsir göstərir.
Ekspertlər bildirir ki, son illər Azərbaycan iqtisadiyyatında, daxili bazarında baş verən hadisələr, sahibkarlıq yönündə gedən bütün işlər belə bir məcəllənin qəbulunu qaçılmaz edir. Rəqabət Məcəlləsi həm də ölkə iqtisadiyyatında rəqabət mühitini təmin etməyə yönəlik bir sənəddir. Yəni qısaca desək, ölkədə rəqabət mühitinin təmin edilməsi, inhisarçılıq şəraiti yarandıqda bu inhisarların aradan qaldırılması və sağlam rəqabətin təmin edilməsinin hüquqi bazasının yaradılması ondan asılıdır. Lakin bilinməyən səbəblərdən Rəqabət Məcəlləsinin qəbulu da yubadılır.
Halbuki, Rəqabət Məcəlləsi qəbul olunarsa, bazardakı rəqabət münasibətlərini müəyyənləşdirəcək və birmənalı şəkildə bazarda qiyməti qorumaq üçün yeni mexanizmlərin tətbiq edilməsinə imkan yaradacaq. Bu baxımdan Rəqabət Məcəlləsinin qəbul edilməsi bazarda inhisarçılığa qarşı mübarizənin gücləndirilməsi üçün hüquqi baza formalaşdıraraq, istehlak bazarında rəqabətin qorunması yönündə əhəmiyyətli rol oynayacaq. Ən əsası isə bu, qiymət artımının qarşısını alacaq.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...