İran-Azərbaycan iqtisadi münasibətlərində yeni hadisələr başlayır

Tarix: 08.08.2014 / 04:42
Bölmə: İqtisadiyyat

"Azərbaycanla İran arasında hər iki ölkədə, iki ölkənin iş adamları üçün azad iqtisadi zonalar yaradılmalıdır". APA-nın xəbərinə görə, bunu İran Ticarət Sənaye Mədən və Kənd Təsərrüfatı Palatasının beynəlxalq məsələlər üzrə sədr müavini Əli Əkbər Fərazi deyib.
O bildirib ki, gələcəkdə üçüncü bir ölkənin də bu yöndə əməkdaşlığa cəlb olunması imkanı yaranacaq: "İkitərəfli azad iqtisadi zonaların yaradılması inteqrasiyanın daha da genişlənməsində zəmin yaradacaq". Sədr müavini qeyd edib ki, Azərbaycana gedib-gələn, ticarət münasibətləri qurmaq istəyən iranlı iş adamlarının viza məsələlərinin asanlaşdırılması üçün onların siyahısı hazırlanacaq və bu ölkənin İrandakı səfirliyinə təqdim olunacaq.
Azərbaycanla İran nəqliyyat sahəsində iki razılaşma əldə edib. "APA-Economics"in məlumatına görə, razılaşma srağagün Azərbaycanla İran arasında keçirilən iqtisadi, ticarət və humanitar sahələrdə əməkdaşlıq üzrə Dövlət Komissiyasının 9-cu iclası çərçivəsində əldə olunub.
Dünən keçirilən Azərbaycan-İran biznes forumunda Dövlət Komissiyasının həmsədri, Azərbaycan iqtisadiyyat və sənaye naziri Şahin Mustafayev bildirib ki, Şimal-Cənub nəqliyyat dəhlizinin bir hissəsi olan "Qəzvin-Rəşt-Astara (İran)-Astara (Azərbaycan) dəmir yolu" layihəsinin həyata keçirilməsi ilə əlaqədar işlərin sürətləndirilməsi barədə qərar qəbul olunub.
"Dəmir yolu sahəsində artıq bir sıra işlər görülüb. Qəzvin-Rəşt dəmir yolunun 80% işləri İran tərəfindən görülüb, 20%-də işlər sürətləndiriləcək. Artıq bu dəmir yolunun tikintisi üçün Azərbaycan-İran-Rusiya üçtərəfli konsorsium yaradılıb. Azərbaycan tərəfinin payına düşən hissəsi Azərbaycan hökuməti tərəfindən həyata keçiriləcək", - deyə Ş.Mustafayev bildirib.
Nazir həmçinin qeyd edib ki, Şimal-Cənub avtomobil magistralları da mühüm əhəmiyyət kəsb edir: "Bakıdan Rusiya sərhədinə qədər yüksək səviyyəli magistralın 90% işləri həyata keçirilib. Bakıdan Astaraya qədər olan yolun inşası üçün bütün maliyyə mənbələri müəyyən edilib və bu, Şimal-Cənub dəhlizinin genişlənməsinə böyük tranzit potensialının yaranmasına imkan yaradacaq. Rusiyadan Azərbaycan vasitəsi ilə İran və körfəzə və əksinə yüklərin daşımasına imkan yaradacaq".
Azərbaycan və İran arasında artan iqtisadi əlaqələri nəzərə alaraq Biləsuvar-Culfa (İran) sərhəd-keçid məntəqəsinin həftənin bütün günlərində 24 saatlıq iş vaxtına keçirilməsi barədə razılıq əldə edilib. "APA-Economics"in məlumatına görə, bunu dünən Bakıda keçirilən Azərbaycan-İran biznes forumda Azərbaycan və İran arasında iqtisadi, ticarət və humanitar sahələrdə əməkdaşlıq üzrə dövlət komissiyasının həmsədri, Azərbaycan iqtisadiyyat və sənaye naziri Şahin Mustafayev bildirib.
Nazir bildirib ki, bundan başqa, İran vətəndaşlarının Naxçıvan Muxtar Respublikasına keçidinin sadələşdirilməsi istiqamətində işlər aparılacaq: "Dövlət Komissiyasının iclası çərçivəsində bu məsələyə də baxılıb".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...