Benzinin bahalaşması daha çox imkanlı təbəqəni hədəfə aldı

Tarix: 08.08.2014 / 08:16
Bölmə: İqtisadiyyat

Son günlərin ən çox maraq doğuran məqamlarından biri də "Premium Euro-95" markalı benzinin qiymətinin artımı ilə bağlıdır. Real vəziyyətin təhlili göstərir ki, bu artım daha çox əhalinin imkanlı təbəqələrinə təsir edəcək. Çünki bu benzindən daha çox imkanlı şəxslər istifadə edirdi. Elə yanacaqdoldurma məntəqələrində də etiraf edilir ki, "Premium Euro-95" markalı benzindən daha bahalı markadan olan maşın sahibləri istifadə edir.
Bu mənada qiymət artımının orta və aşağı təminatlı əhali təbəqəsinə hansısa ciddi təsir göstərməyəcək.
Bu benzinin qiymət artımının səbəblərinə gəlincə isə, ekspertlər tərəfindən müxtəlif fikirlər səslənir. Məsələn, Neft Araşdırmalari Mərkəzinin rəhbəri İlham Şaban bildirib ki, yerli bazarda yüksək oktanlı benzinin qiymətinin artması 2 amillə bağlıdır: "Birincisi, idxal olunan benzinin qiymətindəki artımlar və ikincisi, əvvəllər stimullaşdırıcı vergi yükünün nisbətən azaldılması. Belə ki, 1 aprel tarixdən Aİ-95 və Aİ-98 markalı benzinlərin qiymətləri yerli bazarda artıq Tarif Şurası tərəfindən tənzimlənən mallar sırasından çıxarılıb. O zaman bildirilmişdi ki, bunun nəticəsində azad bazar qanunları ilə həmin məhsullar ölkəyə idxal olunacaq və rəqabət mühitində qiymətləri formalaşacaq. Ancaq stimullaşdırıcı hal kimi yanacağın idxalında və onun aksiz dərəcələrində kifayət qədər "endirimlər" edilmişdi ki, yerli bazarda birdən-birə Avropadakı kimi qiymətlər ortaya çıxmasın. Nəticədə, hətta Aİ-98 markalı benzinin qiyməti 1,5 manatdan 1,03 manatadək ucuzlaşdı".
Onun sözlərinə görə, Azərbaycana idxal olunan yanacaq Batumidən keçməklə müvafiq olaraq Yunanıstan və Rumıniya treyderlərindən alınır. Avropada iyul ayının ikinci hissəsindən avtomobil yanacağının qiymətində artım baş vermişdi: "Baxmayaraq ki, dünya bazarlarında neftin qiymətində enmələr müşahidə olunurdu. Bu da onunla əlaqədar idi ki, neftayırma zavodlarının əksəriyyətində iyun ayından başlayaraq plana uyğun təmir işlərinə start verilmişdi. Bu səbəbdən də qiymət artımı bütün Qərb bazarlarında özünü göstərirdi. Təkcə Gürcüstan bazarında artım ay ərzində 2 sentə yaxın olmuşdu".
Hesablamalara görə, benzinin qiymətindəki son artımlar nəticəsində büdcəyə 300 milyon manata yaxın əlavə vəsait daxil olacaq. Hazırda narahatlıq doğuran əsas məsələ baş verənlərin yerli istehsal olan Aİ-92 markalı benzinin qiymətinə hansı təsir göstərəcəyidir. Məlumdur ki, ölkədə istehsal olunan 92 markalı benzin tələbatı tam ödəmir, onun da idxalına ehtiyac yaranır. Bu fonda, bəzi ekspertlərə görə, 92 markalı benzinin də qiyməti qalxa bilər. Lakin iqtisadçı Vüqar Bayramov qeyd edir ki, Aİ-92 markalı benzinin qiymətində tezliklə dəyişiklik olması ehtimalının az olduğunu deyir: "Aİ-92 markalı benzinin qiymətini Tarif Şurası müəyyənləşdirir və bu benzin tənzimlənən qiymətlər siyahısına daxildir. Aİ-92 markalı benzinin qiymətinə faktiki olaraq dünya bazarındakı qiymət dəyişiklikləri və digər faktorlar təsir göstərmir. Çünki bu tənzimlənən qiymətlərdir və tənzimlənən qiymətlər olduğu üçün bu qiymətlər yalnız Tarif Şurasının müəyyənləşdirdiyi tariflər əsasında dəyişilir. Ona görə də hələlik Aİ-92 markalı benzinin qiymətində hər hansı dəyişiklik gözləmirik. Çünki dünya bazarında neftin qiymətində müəyyən azalmalar olsa da, kəskin azalmalar yoxdur. Son 1 il ərzində neftin dünya bazarındakı qiyməti dəyişməyib və onun qiyməti hər barrel üçün 100 dollardan artıqdır. İndiki halda Aİ-92 markalı benzinin qiymətinin aşağı salınması, eyni zamanda artımı da gözlənilmir. Çünki bunu Tarif Şurası müəyyənləşdirir və Tarif Şurasının hər halda yaxın zamanlarda 92 markalı benzinin qiymətinə baxacağı və qərar qəbul edəcəyi proqnozlaşdırılmır".
Bu arada onu da bildirək ki, dünya bazarında neftin qiymətinin dəyişməsindən asılı olaraq "Premium" markalı benzinin qiyməti dəyişir. Bu səbəbdən də "Premium" markalı benzin bazar tərəfindən müəyyənləşir.
Çünki Tarif Şurası onu tənzimlənən qiymətlər siyahısından çıxarıb. Lakin onu da bildirək ki, neftin dünya bazarında qiymətinin ciddi artımları yoxdur. Bu səbəbdən "Premium Euro-95" markalı benzinin qiymət artımı narazılıqla qarşılanır.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...