Azərbaycan Rusiya bazarlarında hegemon mövqeyə sahiblənə bilər

Tarix: 07.08.2014 / 08:12
Bölmə: İqtisadiyyat

Yaxın tezlikdə Azərbaycandan Rusiyaya daha böyük həcmdə kənd təsərrüfatı məhsulları ixrac oluna bilər. Buna əsas səbəb isə Rusiyaya bir sıra MDB ölkələrindən, o cümlədən Avropadan aqrar məhsullar gətirilməsinə qadağa qoyulmasıdır. Moskvanın bu addımı Qərb sanksiyalarına konkret cavab tədbiri olaraq qiymətləndirilir.
Qeyd edək ki, Rusiya ABŞ və Avropa Birliyinin sanksiyalarına meyvə və tərəvəz idxalında qadağalarla cavab verib. Bu sanksiyalar Şərqi Avropa ölkələrinə şamil olunub. Polşa, Moldova və Ukraynadan idxal olunan meyvə və tərəvəz məhsullarına ciddi qadağaların qoyulması Avropa ölkələrinin büdcəsinə milyonlarla dollar ziyan vura bilər. Polşa baş nazirinin müavini, iqtisadiyyat naziri Yanus Pieçoçinski Rusiyanın meyvə və tərəvəz məhsullarına qoyduğu qadağanın Polşa iqtisadiyyatına 700 milyon dollar ziyan vuracağını bildirib. Nazir Ukraynaya ixrac olunan məhsulların 40 faiz, Rusiyaya ixrac olunan məhsulların isə 20 faiz gerilədiyini bildirib. Rusiya rəsmiləri isə bu qadağanın ABŞ və AB-nin Rusiyaya sanksiyalar tətbiq etməsi ilə bağlı olmadığını bildirib. Rusiya Səhiyyə Nazirliyi səbəb kimi idxal olunan məhsullarda keyfiyyət çatışmazlığını göstərib. Lakin məsələnin kökündə siyasi motivlərin dayandığı heç kimə sirr deyil.
Xatırladaq ki, Rusiya Polşanın kənd təsərrüfatı məhsullarının ən çox ixrac olunduğu ölkədir. Polşadan Rusiyaya cari ildə 840 min ton meyvə və tərəvəz ixrac olunub. Rusiya ABŞ-ın sanksiyalarına cavab olaraq "Makdonalds", KFC və "Burger King" restoranlarında yoxlamalar aparmaqla bərabər, Avstraliyadan inək, Latviya və Litvadan donuz idxalını da azaldıb. Belə şəraitdə, qeyd olunduğu kimi, Rusiyaya Azərbaycan mallarının ixrac həcmi arta bilər. Aqrar sahə üzrə ekspert Nizami Qarayev də qeyd edir ki, Ukraynadakı hadisələrdən sonra Rusiya ilə Avropa arasında münasibətlərin gərginləşməsi Azərbaycanda kənd təsərrüfatına müəyyən stimul verə bilər: "Çünki ənənəvi olaraq Azərbaycan məhsulları keyfiyyət baxımından Rusiyada xüsusi imicə malikdir. Təbii, ekoloji cəhətdən təmiz məhsul olması baxımından hörmətlə qarşılanır. Avropa Birliyinin digər ölkələrindən məhsulun gəlməməsi də Rusiya bazarında Azərbaycan məhsulları üçün yeni bir şərait yaradıb ki, biz bazarda itirilmiş mövqelərimizi bərpa edə bilərik. Bu şəraitdən bəhrələnmək lazımdır".
Qeyd olunduğu kimi, Rusiya Moldovaya qarşı da ciddi sanksiyalar tətbiq edir. Rusiya Federasiyası İqtisadi İnkişaf Nazirliyi Moldovadan idxal olunan bir sıra mallara gömrük rüsumlarının tətbiqi ilə bağlı qanun layihəsi hazırlayıb. Gömrük rüsumları əsasən şərab, ət, eləcə də tərəvəz və meyvələrə tətbiq ediləcək. Moldova ilə Rusiya arasında ticarət hazırda MDB-nin azad ticarət zonası haqqında müqaviləsi çərçivəsində tənzimlənir. Bundan əvvəl isə Rusiya baş naziri Dmitri Medvedyev razılaşmanı ratifikasiya edən Moldovaya "Qərblə razılığa gələnlərə münasibət dəyişəcək" deyərək xəbərdarlıq etmişdi: "Avropa Birliyi ilə assosiasiya sazişini ratifikasiya etməklə Moldova özünün Rusiya və Avrasiya Gömrük İttifaqı ilə münasibətləri üçün yeni hüquqi baza yaratmış oldu". Dmitri Medvedyev istər Moldovanın, istərsə də assosiativ sazişə qoşulan digər ölkələrin bu addımını münasibətlərin dəyişməsinə əsas səbəb kimi qiymətləndirib: "Onlar başa düşməlidir ki, Rusiya və Avrasiya Gömrük İttifaqı ilə münasibətləri yeni məcraya yönəltmiş oldular".
Yaranmış vəziyyətdə Rusiya bazarlarına Azərbaycan məhsulları daha böyük miqdarda göndərilə bilər. Həmçinin, Azərbaycan məhsullarının Rusiya bazarına göndərilməsi sahəsində əvvəllər mövcud olan maneələr də aradan qalxa bilər. Ümumiyyətlə, Rusiya Azərbaycanın kənd təsərrüfatı məhsulları üçün həmişə ciddi bazar rolunu oynayıb. Azərbaycanda istehsal olunan məhsullar əsasən məhz Rusiya bazarlarında realizə olunur.
Amma ekspertlər hesab edir ki, göndərilən məhsulun keyfiyyət və qablaşdırılması məsələsində əsaslı işlər görülməlidir. Çünki Rusiya Ümumdünya Ticarət Təşkilatına daxil olduqdan sonra burada məhsulun keyfiyyəti ilə bağlı xüsusi tələblərin icra olunmasına daha ciddi diqqət yetirilir. Azərbaycan məhsulları bu tələblərə uyğun olsa, Rusiya bazarında yaranmış boşluğun doldurulmasında daha ciddi tərəfdaş ola bilər. Hər halda, yaranmış vəziyyətin maksimal dərəcədə ölkənin lehinə qiymətləndirilməsi istiqamətində müvafiq addımların atılması vacib sayılır.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...