Lizinqlə avtomobil satışı da bahalaşır

Tarix: 06.08.2014 / 02:48
Bölmə: İqtisadiyyat

Kredit şərtlərinin ağırlaşmasından sonra avtomobillərin satışında hələ də ciddi azalmalar yaşanır. Benzinin qiymətinin ötən ilin sonunda qalxması, avtokreditlərin verilməsinin sərtləşdirilməsi və ölkədə "avro-4" ekoloji standartlarının tətbiqi artıq öz nəticələrini verir. "Əmlak Bazarı İştirakçıları" İctimai Birliyinin rəhbəri Ramil Osmanlı da qeyd edir ki, son iki ayda avtomobil bazarında passivlik nümayiş olunub.
Bazara, əsasən avro standartlarının tətbiqi, Mərkəzi Bankın kredit qadağası təsir edib. O bildirib ki, payız aylarından bazarı təhlil edib qiymət vermək mümkün olacaq: "Lizinq yolu ilə satılan avtomobillərin qiyməti qalxıb. Əslində şirkətlər vəziyyətdən sui-istifadə ediblər. Təkrar bazarda isə avtomobillərin qiymətinin düşməsi müşahidə edilir".
Ekspertin sözlərinə görə, o da məlum olub ki, ikinci rübün sonunda ötən ilin müvafiq dövrü ilə müqayisədə ölkəyə avtomobil idxalı 27 faiz azalıb: "Birinci rübdə Mərkəzi Bankın məhdudiyyətləri, aprel ayında avro standartların tətbiqi idxala təsir edir. 27 faiz kifayət qədər böyük rəqəmdir. İlin sonuna doğru bu göstərici iki dəfə artacaq".
Hazırda diqqət çəkən əsas məqam lizinqlə avtomobil satışının bahalaşmasıdır. Ümumiyyətlə, kredit şərtlərinin sərtləşməsi fonunda ölkədə lizinqə maraq getdikcə artırdı. Qeyd edək ki, avtokredit və lizinqlə satış arasında başlıca fərq odur ki, ikinci halda bankın iştirakı nəzərdə tutulmur. Yəni avtosalon maşını müştəriyə birbaşa və müəyyən müddətə satır. Avtokreditləşmə zamanı avtomobil müştərinin adına qeydiyyata alınır və girov qismində çıxış edir. Lizinq zamanı isə avtomobil lizinq şirkətinin mülkiyyətində qalır və ödəniş onun tərəfindən həyata keçirilir.
Bütövlükdə aydındır ki, lizinq istehlak qabiliyyəti nöqteyi-nəzərindən bazarın itkilərini tam qarşılaya bilməz. Lakin kredit şərtlərinin ağırlaşdırılması fonunda lizinqə üz tutanların sayı artır. Bu isə nəticə etibarilə lizinqlə maşın satışının bahalaşmasına rəvac verir.
Xatırladaq ki, bazarda vəziyyət gərginləşənədək avtomobil kreditlərinin verilməsi şərtləri olduqca yumşaq olub: yeni avtomobili maşının dəyərinin 10-15 faizi həcmində ilkin ödəniş etməklə 5 il müddətinə kreditə almaq olurdu. İşlənmiş avtomobillər isə maşının dəyərinin təqribən 30 faizi həcmində ödəniş etməklə illik təqribən 20-25 nominal faiz dərəcəsi ilə 4 il müddətinə təklif edilirdi. Lakin bu hal problemli avtomobil kreditlərinin də həcminin sürətlə artmasına gətirib çıxardı. Nəticədə isə avtomobil kreditləri ilə bağlı daha sərt şərtlər diqtə olundu və qeyd olunduğu kimi, bu hal maşın satışına ciddi təsir göstərir. Bu fonda lizinqlə avtomobil satışına diqqət və maraq artmaqdadır. Belə ki, bankların avtomobil kreditlərinin şərtlərini sərtləşdirməsi nəticəsində satışları azalmış avtomobil satış mərkəzləri çıxış yolunu lizinqdə tapmağa çalışır. Lakin lizinqlə satışın bahalaşması tezliklə bu üsulun da sıradan çıxacağını deməyə əsas verir. Xatırladaq ki, lizinqin daha bir çatışmazlığı da odur ki, bu gün Azərbaycanda lizinqlə maşın və avadanlıq alan şəxsin adı Mərkəzləşdirilmiş Kredit Reyestrinə düşmür. Müştəri lizinq üzrə borcunu vaxtında bağlasa belə, onun kredit tarixçəsi olmur və gələcəkdə növbəti dəfə kredit götürülən zaman müsbət kredit tarixçəsi imkanından yararlana bilmir. Həmçinin, banklar və bank olmayan kredit təşkilatları intizamsız lizinq müştəriləri haqqında məlumat əldə edə bilmir.
Lakin hazırda geniş yayılan avtolizinq adi avtomobil alqı-satqısı üzrə sövdələşmə ilə müqayisədə üstünlüyə malikdir. Belə ki, lizinq götürən şəxs maşına xərcləmək üçün ailə büdcəsindən böyük məbləğdə pul sərf etməli olmur, lakin ona lazım olan nəqliyyat vasitəsini istismar etmək hüququ qazanır. Avtolizinqə xas olan digər əhəmiyyətli məqam ondan ibarətdir ki, avtomobilin qeydiyyatı, texniki baxışı və hətta sığortası üçün bütün sənədləri lizinq şirkəti üzərinə götürür. Bu isə, öz növbəsində, istənilən şəxsə bir gün içində lizinqlə avtomobil əldə etmək imkanı verir. Lakin bu fonda, qeyd olunduğu kimi, lizinqə satış da bahalaşır. Bu isə nəticə etibarilə maşın bazarında bahalaşmanı daha da sürətləndirir. Xatırladaq ki, onsuz da yeni tələblərə əsasən, Azərbaycana 2004-cü ildən əvvəl istehsal olunan avtomobillərin idxalı mümkün deyil. "Avro-4" standartına keçid avtomobil bazarında həm də qiyməti nisbətən yüksək olan maşınların xüsusi çəkisinin artmasına səbəb olur. Yeni maşınların qiyməti isə aşağı olmadığından, ümumi tendensiya maşın bazarında qiymətlərin daha yüksək olmasını şərtləndirib.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...