Kommersiya obyektləri daha sürətlə bahalaşmağa başlayır

Tarix: 05.08.2014 / 12:56
Bölmə: İqtisadiyyat

Son aylarda satışı zəifləyən kommersiya obyektləri bazarında yenidən fəallıq müşahidə olunur. Bu obyektlərin həm satış, həm də icarə qiymətləri bahalaşıb. Bahalaşmaya səbəb belə obyektlərin sayında qeydə alınan azalmadır. Digər seqmentlərlə müqayisədə, təklif üzrə ən çox azalma xidmət və ofis seqmentində qeydə alınıb.
"MBA Consulting Group"un araşdırmasına görə, son iki ayda satış məqsədilə reklama çıxarılan və alqı-satqı ofislərinə təklif olunan obyektlərin sayı 13.2% azalaraq 257 ədəddən 223 ədədə enib. Bu vaxt satış məqsədilə bazara təklif olunan kommersiya obyektlərinin həcmində əsas paya 48%-lə "boş yer" təyinatlı sahələr malik olub. Bu tip obyektlər o obyektlərdir ki, onların təyinatı dəqiq deyil və onlar ofis, mağaza və ya xidmət təyinatı altında istifadə oluna bilər. Ümumiyyətlə isə, kommersiya obyektlərinin qiymətləri iki ayda artaraq hər kvadratmetr üçün 4380 dollara çatıb. Ekspertlərə görə, bahalaşmaya əsas səbəb kimi son 3 ildə başlayan qiymət artımı dalğasının hələ də davam etməsi və qiymətlərin kəskin artımının investorlar üçün bazarı cəlbedici etməsini göstərmək olar.
Kommersiya obyektlərinin icarəyə verilməsi sahəsində də bahalaşma tendensiyası davam edir. Bəzi məlumatlara görə, paytaxtdakı kommersiya obyektlərinin icarə haqqı orta hesabla 10 faizə qədər bahalaşıb. Digər tərəfdən, tələbatın artması fonunda süni şəkildə müəyyən qiymət artımları müşahidə olunur. Kommersiya obyektlərinin icarə qiymətlərinin artmasında son aylar kommersiya sektorunda fəaliyyətin aktivləşməsi də rol oynayır. Kommersiya sektorunda fəaliyyətin aktivləşməsi birmənalı şəkildə bu tip obyektlərin icarə haqlarının artmasına gətirib çıxarır. Güman olunur ki, qiymət artımları davam edəcək. Çünki payız aylarından başlayaraq, əmlak bazarında da müəyyən qiymət bahalaşmasının baş verəcəyi gözlənir. Bu da birmənalı şəkildə yenə də kommersiya və ticarət obyektlərinin icarə haqlarına təsir göstərəcək. Bu baxımdan sözügedən sektorda qiymət artımlarının davamlı olacağını demək olar. Əksər ekspertlərə görə, gələn aydan başlayaraq, Bakının mərkəzi yerlərində kommersiya obyektlərinin icarəsində növbəti bir qiymət artımının olacağı proqnozlaşdırılır.
O da faktdır ki, kommersiya obyektlərinin icarəsinin bahalaşması digər seqmentlərdə gedən analoji prosesin nəticəsidir. Eyni zamanda, son illər söküntülərin həddən artıq artması, bunun nəticəsində vətəndaşlara kompensasiyanın verilməsi və həmin kompensasiyanın çox hissəsinin yenidən daşınmaz əmlak bazarına yönəldilməsi nəticəsində bu kimi qiymət artımlarının baş verməsi qaçılmaz sayılır.
Ekspertlər hesab edir ki, digər bazar seqmentlərindən fərqli olaraq, qeyri-yaşayış sahəsi üzrə həm satışda, həm icarədə müəyyən qədər likvidlik olması tikinti şirkətlərinin diqqətini getdikcə kommersiya obyektlərinə daha çox yönəldir. Hazırda qeyri-yaşayış sahələri bazarı daşınmaz əmlak sahələri arasında ən likvid bazar hesab olunur. Bunun alıcıları ən pis halda onu sata bilməsələr də, icarəyə verib müəyyən mənada gəlir əldə edə bilir. Bu sahədə risqlər də digər bazar seqmentləri ilə müqayisədə aşağıdır. Eyni zamanda, digər bazar seqmentləri ilə müqayisədə bu sahə gəlirli sahə hesab olunur.
Həm regionlardan paytaxta, həm də ölkənin kənarından Azərbaycana gələn insanların sayının çoxalması da prosesə təsirsiz ötüşmür. Çünki onlar da tələbi artırır və qiymət artımı yaradırlar. Ekspertlərin fikrincə, bütün bunlar daşınmaz əmlak bazarında, o cümlədən kommersiya obyektlərinin satışı və icarə qiymət artımına təsir edən amillərdir. Lakin bununla yanaşı, daşınmaz əmlak bazarındakı qiymətlərə təsir edən xarici amillər də var. Bu gün mənzillərin, kommersiya obyektlərinin bahalaşması təkcə Azərbaycanda deyil, ümumilikdə Cənubi Qafqaz regionunda, o cümlədən Türkiyə, Rusiya və Mərkəzi Asiya ölkələrində müşahidə olunur. Bildirilir ki, Azərbaycan da bu qlobal bazarın tərkib hissəsidir və bazar xarici təsirə məruz qalır. Belə vəziyyət isə, qeyd olunduğu kimi, tikinti şirkətlərini daha çox kommersiya obyektləri inşa etməyə həvəsləndirir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...