Kənd təsərrüfatımızda həllini gözləyən böyük problem...

Tarix: 05.08.2014 / 09:20
Bölmə: İqtisadiyyat

Aparılan son araşdırmalar ölkədə fermerlərin hələ də məhsul satışında ciddi problemlər yaşadığını üzə çıxarır. Xüsusən də qiymət sarıdan yaranan vəziyyət fermerləri qətiyyən qane etmir. Digər tərəfdən, bölgələrdə hələ də emal müəssisələrinin sayının azlığı xoşagəlməz durumun yaranmasına rəvac verir. Qeyd edilənlərin real təsdiqini Xaçmazda da görmək olar. Qeyd edək ki, Xaçmazda artıq on gündür pomidor yığımına start verilib.
Lakin məhsulun bol olmasına baxmayaraq, fermerlərin durumu heç də yaxşı deyil. Bu barədə danışmazdan öncə bildirək ki, ötən illə müqayisədə bu il rayonda pomidorun məhsuldarlığı təqribən 40 faiz artıb. Məhsul bolluğu fermerləri bir tərəfdən sevindirsə də digər tərəfdən düşünməyə məcbur edir. Belə ki, onlar əziyyətlə yetişdirdikləri məhsulu sata bilmir. Fermerlərin sözlərinə görə, ötən il kiloqramı 40-50 qəpiyə satılan məhsulu indi 10 qəpiyə belə sata bilmirlər. Bu isə il boyu çəkilən xərclərin ziyana getməsinə səbəb olur. Qeyd edək ki, Xaçmazda pomidorun qəbulu ilə məşğul olan cəmi bir emal müəssisəsi fəaliyyət göstərir. Müəssisə isə kiloqramı 9 qəpiyə olmaq şərtilə gündəlik yalnız 500 ton məhsul qəbul edilir.
Analoji vəziyyəti kartofçuluqda, pambıqçılıqda da görmək olar. Məsələn, bilindiyi kimi, pambığın qiymətinin aşağı düşməsi, xaricdən gətirilən toxumların baha, gec yetişməsi, yerli toxumların isə məhsuldarlığının az olması bu sahəyə marağı xeyli azaldıb. Son illər pambıq əkən fermerlərin çoxu istehsalçı şirkətlərlə müqavilə bağlayanlardır. Çünki bu müəssisələr fermerlərin səpin dövründən yığımadək olan bütün xərclərini qarşılayır. Lakin bəzi emal müəssisələri imkansızlığından istifadə edərək özündən asılı vəziyyətə saldığı fermeri incidir. Müqavilədə bütün xidmət xərclərini ən baha qiymətə göstərir. Bu səbəbdən də mövsümün sonunda əksər təsərrüfat sahibi ili ziyanla başa vurur. Bununla bağlı olaraq pambıq tarlalarının ərazisi ildən-ilə azalır. Hesab olunur ki, bu sahədə emal müəssisələrinin sayı artarsa, tamam fərqli vəziyyət yaranar.
Belə vəziyyət hökuməti də narahat edir. Məsələn, məlumdur ki, Quba rayonunda dövlətin güzəştli kreditləri hesabına yeni emal müəssələri yaradılacaq. Artıq bununla bağlı işlərin görülməsinə başlanıb. Qeyd edək ki, Quba-Xaçmaz iqtisadi zonasında hər il təxminən 500 hektara yaxın yeni meyvə bağı salınır. Yeni meyvə bağlarının salınması, əlbəttə, istehsal olunan meyvənin həcmini də artırır. Bu isə bölgədə yeni emal müəssələrinin açılmasını zəruri edir.
Hazırda Quba-Xaçmaz iqtisadi zonasında 35 min 200 hektar meyvə bağı mövcuddur. Hər il həmin bağlardan təxminən 230 min tona yağın məhsul yığılır. Bölgədə isə cəmi iki emal müəssəsi fəaliyyət göstərir ki, onların da ümumi meyvə qəbulu gücü 40 min tona yaxındır. Bu isə onların önündə mövsüm ərzində növbələrin yaranmasına səbəb olur. Bağbanların dediyinə görə, emal müəssələrinin azlığı onların məhsulunun satış qiymətinə də təsir göstərir. Emal müəssələrində meyvənin alış qiymətinin ucuz olmasını görən bəzi fermerlər isə məhsulunu dəyər-dəyməzinə satır.
Bu səbəbdən hesab edilir ki, ölkənin müxtəlif zonalarında mütləq emal müəssisələri açılmalıdır. Kənd təsərrüfatı məhsulları üzrə emal müəssisələri yaradılarsa, bu, fermerlərə böyük stimul ola bilər. Hesab edilir ki, bu sahəyə investorlar cəlb edilməli, onların rahat işləmələri üçün şərait yaradılmalıdır. Aydındır ki, ölkə daxilində emal müəssisələri çox olarsa, fermerlər üçün yeni bazarlar, yeni imkanlar yarana bilər.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...