Turizm obyektlərimizdə tərs mütənasiblik...

Tarix: 31.07.2014 / 03:45
Bölmə: İqtisadiyyat

Havaların isti keçməsi fonunda turizm mövsümündə müşahidə olunan fəallıq davam etməkdədir. Lakin aparılan son araşdırmalar ölkədə hələ də qiymətlərlə bağlı problemin davam etdiyini göstərir. Dincəlmək üçün ölkənin müxtəlif rayonlarına üz tutanlar yenə qiymətlərin yüksək olmasından, göstərilən xidmətin isə buna müvafiq olmamasından narazılıq edir.
Məsələnin maraqlı tərəfi isə odur ki, ölkədə turizm obyektlərinin sayının çoxalması da vəziyyətə təsir etmir. Məsələn, 2010-cu ildə ölkədə 98 otel olduğu halda, bu gün otellərin sayı 517-yə çatıb. Lakin 5 dəfədən çox artım da qiymətlərin aşağı düşməsinə rəvac verməyib.
Məhz bu səbəbdən yenə istirahətini xaricdə keçirənlərin sayı artır. Azərbaycanlıların bir çoxu xaricə istirahətə ölkədə turizm xidmətlərinin qiyməti baha olduğuna görə gedir. Belə ki, təxmini hesablamaya görə, ölkə daxilində 1 nəfər üçün normal 7 günlük istirahətin qiyməti minimum 1000 manat təşkil edir. Türkiyədə və Gürcüstanda isə bundan aşağı qiymətə və daha yüksək xidmət göstərilməsi şəraitində istirahət ertmək olar. Araşdırmalar yenə bir məsələni də üzə çıxarır ki, regionlarda turizm xidmətləri mövsümi xarakter daşıdığına görə turizm şirkətləri, mehmanxana və istirahət bazaları maksimal dərəcədə qazanc götürmək üçün nəinki qiymətləri endirir, əksinə qaldırır. Bu şəraitdə yerli turizmin inkişafı üçün istirahət bazalarının gəlir vergisinin azaldılması məqsədəuyğun hesab edilir. Ekspertlər, həmçinin, turizm məqsədi üçün istifadə edilən avadanlıqların gömrük vergi və rüsumlarından azad edilməsini təklif edir.
Azərbaycan Turizm İnstitutunun prorektoru Eldar Aslanov inzibati metodlarla qiymətləri tənzimləməyin nə dərəcədə mümkün olmasına belə aydınlıq gətirir: "Hesab edirəm ki, turizm obyektləri, turizm xidməti göstərən müəssisələr arasında rəqabəti gücləndirmək lazımdır. Rəqabəti gücləndirmək üçün hökumətin üzərinə düşən əsas iş turizm müəssisələrinin sayını artırmaqdır.
Ölkədəki turizm şirkətlərinin sayı isə son on ildə 3,7 dəfə artıb. "Azərbaycan-2020-Gələcəyə baxış" konsepsiyasının turizm bölməsinin sənədi hazırlanarkən biz bunları tədqiq etdik. Məlum oldu ki, 2010-cu ildə ölkəyə gələn turistlərin sayı 600 min nəfər idisə, 2013-cü ilin nəticələrinə görə Azərbaycana təxminən 2,5 milyon nəfərə yaxın xarici vətəndaş turist kateqoriyası ilə daxil olub. Hesab edirəm ki, bu iş davam etdirilməlidir. Ölkədə olan otel, restoran, turizm şirkətlərinin sayı sürətlə artırılmalıdır. Çeşidli və bir-biri ilə rəqabət aparan müəssisələr olmalıdır ki, onlar arasında gedən rəqabət nəticəsində qiymətlər aşağı düşsün. Bu gün hansısa bir rayonda cəmi bir otel varsa, həmin otelin hansı qiyməti tətbiq etməsindən asılı olmayaraq istənilən adam orada məcburi şəkildə qalacaq. Ancaq bir rayon və ya turizm bölgəsində birdən çox otel fəaliyyət göstərərsə, istər-istəməz onlar arasında rəqabət olacaq. Təbii ki, burada bir çox subyektiv amillər də var. Təəssüflər olsun ki, bir çox hallarda turizm obyektləri ora qoyduğu sərmayəni, pulu bir mövsümə götürməyi düşünür. Turizm şirkətləri, müəsisələrini bu məsələdə daha diqqətli və sayıq olmağa dəvət edirəm".
Ekspert "salamnyus" portalına açıqlamasında qeyd edir ki, turizm biznesi bir illik, bir mövsümlük biznes deyil: "Azərbaycan durduqca onun turizm potensialı da duracaq. Ona görə də ölkəmizin davamlı biznes sahələrindən biri - turizmi tədricən güclənən bir sahəyə çevirməliyik. Bu mənada keçmiş on il bizə çox böyük ümidlər verir ki, növbəti 10 il ərzində turizm sahəsində daha ciddi nailiyyətlər əldə edək. Bir daha qeyd edirəm ki, qiymətlərin inzibati əsaslarla deyil, bazar iqtisadiyyatı vasitələri ilə aşağı salınmasının tərəfdarıyam. Bu sırada maraqlı bir arqumenti də qeyd etmək yerinə düşərdi.
Mətbuatın bu məsələyə həssaslığı ortaya çox maraqlı bir məqam çıxarıb. 2010-cu ilə qədər Azərbaycanda turizm qiymətləri sürətlə artırdı. Demək olar ki, hər mövsümdə keçən illə müqayisədə qiymətlərdə 25 faiz artım müşahidə edilirdi. 2011-ci ildən etibarən isə turizm obyektlərində qiymətlərin artım sürəti azalmağa başladı. 2010-cu ilə qədər əvvəlki illərlə müqayisədə hər il qiymətlər 25 faiz həcmində artırdısa, indiki halda bu artım 3-5 faiz arasındadır. Baxmayaraq ki, ölkəyə gələn turistlərin sayı artır. Təbii ki, buna yeni tikilən obyektlər, müəssisələr, rəngarəng xidmətlər təsir edir".
Hələlik isə baha qiymətlər istirahət üçün xaricə daha çox insanın üz tutması ilə müşayiət olunmaqdadır. Bu isə turistlərin hesabına xarici ölkələrin iqtisadiyyatının daha çox qazanc əldə etməsi ilə nəticələnir.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...