"Sevil MMC" işi bütün fırıldaqçı MTK-ların öncədən düşünülmüş planlarını açır

Tarix: 25.07.2014 / 06:48
Bölmə: İqtisadiyyat

Azərbaycanda banklar və tikinti MTK-ları tərəfindən çoxlu sayda vətəndaş aldadılıb. Fırıldaqla məşğul olan şirkətlərin sayı o qədər çoxdur ki, onların adını yadda saxlayıb sadalamaq da çətindir. Bu dələduzluq faktları ilə bağlı həbslər olur. Təqsirkarlara ağır cəzalar verilsə də, bundan nəticə çıxaranlar da az olur. Tikinti sektorunda vətəndaşların kütləvi aldadılması ilə bağlı növbəti böyük fırıldağın üstü açılıb.
Bu, qısa müddətdə Azərbaycanda geniş reklam piarı hesabına məşhurlaşmağı bacaran "Sevil Construction" şirkətində baş verib. Məlum olub ki, Azərbaycanın inşaat bazarında tez bir zamanda vətəndaşların etibarını qazanmağı bacaran bu şirkətin bütün fəaliyyəti sadə maliyyə piramidası üzərində qurulubmuş. İki ilə yaxın fəaliyyəti ərzində minlərlə insanla müqavilə bağlamış şirkətin işləri pis getməyib.
İlkin şərtlərə görə , vətəndaşlara ayrılan torpaq sahələrində tikinti işlərinin aparılması, son nəticədə isə torpaq və mülkiyyətin özəlləşdirilərək mülkiyyət sahibinin tam istifadəsinə verilməsi əsasında şirkətlə müqavilə bağlanırdı. Şirkətin təkliflərində insanları cəlb edən əsas məqamlardan biri, qiymətin yüksək olmasına baxmayaraq, şirkətdən əldə edilmiş torpaq sahəsinin və aparılacaq tikinti işlərinin pulunun hissə-hissə ödənilməsində idi. Məhz elə bu amil insanların şirkətdən yer əldə etməyə çalışmasının kütləvi hal almasına gətirib çıxarmışdı.
Artıq məlum olub ki, Baş Prokuror yanında Korrupsiyaya Qarşı Mübarizə Baş İdarəsi "Sevil" MMC-nin rəhbəri Aynur Zeynalovun barəsində həbs-qətimkan tədbiri seçib. El arasında Hacı Aynur kimi tanınan bu şəxs külli miqdarda ziyan vurmaqla dələduzluq etməkdə ittiham olunur. Barəsində 3 aylıq həbs-qətimkan tədbiri seçilən A.Zeynalov hazırda Bakı İstintaq Təcridxanasında saxlanır.
Yaranmış vəziyyətlə bağlı əmlakı sözügedən şirkətdə batan minlərlə vətəndaş təşviş içindədir.
Hər halda, dələduzluq edən şirkət rəhbərinin məsuliyyətə cəlb edilməsi əmlakı əlindən çıxan vətəndaşların yarasına məlhəm ola bilməz. Son vaxtlar dəb halını alan MTK-ların dələduzluğuna son qoymaq üçün əvvəlcədən hansı tədbirlər görülməlidir?
Ekspert İlqar Hüseynli qəzetimizə açıqlamasında bildirdi ki, son vaxtlar bu işlə məşğul olan bir mütəşəkkil dəstə peyda olub. Müsahibimizin sözlərinə görə, bu məsələdə ilk olaraq vətəndaşlarımız ayıq olmalıdır: "Tikinti şirkətləri tərəfindən analoji cinayətlərin törədilməsinin arxasında bir sıra arxayınçılıq faktorları durur. Keçmiş praktikadan da bəllidir ki, belə işlərdə əsasən 3-4-cü dərəcəli adamlar cəzalandırılır. Proses olduqca sadədir. Adətən belə işləri qarşısına məqsəd qoyan şirkət onu yuxarı səviyyədə himayə edən adamın adına sənədləşmir. Nəticədə də mənimsənilən pulun əsas ünvanında olan şəxs məsuliyyətdən kənarda qalır. Adətən belə işlər razılaşmış şəkildə də olur. Kimsə həbs olunacağı ilə razılaşıb bu işə gedir. Müəyyən təminatın müqabilində həmin şəxs şirkətin "rəhbəri" olmağa razılıq verir.
Sənədlə-sübutla bütün məsuliyyət qalır formal rəhbərin boynunda. Azmüddətli həbslə bütün cinayət təmizlənmiş olur. Külli miqdarda vəsait isə işbazlar tərəfindən rahatlıqla həzm olunur. Bütün hallarda, zərər çəkən sadə vətəndaşlar olur. Prosesin qarşısını almaq üçün vətəndaşların üzərinə böyük məsuliyyət düşür. Adətən həmin şirkətlərlə sadə formada razılaşma olur. Bunun üçün notarial qaydada təsdiq olunmuş müqavilə olmalıdır. Belə olanda vətəndaş dəymiş ziyanı məhkəmələr vasitəsilə sona qədər tələb edə bilir".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...