İŞİD-in ARDNŞ-i hədəfə alması səbəbləri üstündə təhlillər başladı

Tarix: 24.07.2014 / 10:15
Bölmə: İqtisadiyyat

Suriyada silahlılar Azərbaycan Respublikası Dövlət Neft Şirkətinin (ARDNŞ) - SOCAR-ın daha bir avtomobilini ələ keçirdikləri barədə məlumat yayıb. İraq Şam İslam Dövləti (İŞİD) silahlı qruplaşmasının üzvləri ələ keçirdiklərini iddia etdikləri avtomobilin fotosunu da yayıb.
ARDNŞ-in mətbuat xidmətinin rəhbəri Nizaməddin Quliyev isə mətbuata açıqlamasında bildirib ki, bu məlumat həqiqətə uyğun deyil.
"ARDNŞ qəti şəkildə bəyan edir ki, Suriyada heç bir yanacaqdoldurma şəbəkəsi mövcud deyil. Fotoda əks olunan avtomobilin də SOCAR-a heç bir aidiyyəti yoxdur. Maşının nömrə nişanı da şübhəlidir. Belə hallar əvvəllər də olub. O vaxt da bildirilmişdi ki, ayrı-ayrı qruplaşmalar zaman-zaman öz məqsədləri üçün tanınmış şirkətlərin, o cümlədən SOCAR-ın brendlərindən istifadə edir. Son fotoların yayılması da növbəti belə cəhdlərdən biri kimi qiymətləndirilməlidir", - deyə N.Quliyev vurğulayıb.
Xatırladaq ki, bir neçə ay əvvəl də Suriyada vuruşan silahlılar üzərinə "SOCAR" yazılmış avtomobili ələ keçirdikləri barədə məlumat yaymışdılar. ARDNŞ-in mətbuat xidmətinin rəhbəri Nizaməddin Quliyev həmin vaxt da açıqlamasında avtomobilin üzərindəki "SOCAR" loqotipinin saxta olduğunu bildirmişdi: "Bizim Suriyada heç bir biznesimiz yoxdur və təbii ki, bu maşın da bizə aid ola bilməz.
Digər tərəfdən, fotonu böyüdüb "O" hərfinə diqqət yetirdikdə, bu loqotipin saxta olduğu aşkar görünür. Başqa ölkələrdə də SOCAR-ın loqotipinin saxtalaşdırılması hallarına rast gəlinib və bunun qarşısı alınıb. Belə hallar bir daha onu göstərir ki, SOCAR-ın işgüzar imici yüksəkdir, onun loqotipindən saxtalaşdırıb istifadə edirlər".
SOCAR rəsmisinin açıqlamasından bəlli olur ki, bu, şirkətə qarşı edilən təxribatdır. Bu halda maraqlıdır, İŞİD-in
SOCAR-a ünvanladığı bənzər təxribatların arxasında hansı maraq dura bilər?
İqtisadçı ekspert Aydın Hüseynov qəzetimizə açıqlamasında bildirdi ki, bu, məqsədli şəkildə Azərbaycana qarşı yönələn bir təxribatın tərkib hissəsidir: "İŞİD kimi adını islamçı qoymuş təşkilatlar gözəl bilir ki, Azərbaycan da müsəlman ölkəsidir. Təsadüfi deyil ki, bir müddət əvvəl onların quracağı "dövlətin" tərkibinə Azərbaycan əraziləri də əlavə edilmişdi. SOCAR da Azərbaycanın ən brend şirkətlərindən biridir. Bu şirkət yalnız yanacaqdoldurma stansiyalarını təmin etmir. Eyni zamanda bir çox xeyriyyə layihələrində, idman klublarının maliyyələşməsində, media resurslarının alınmasında iştirakı var. Təbii ki, bütün bunlar Azərbaycanı, onun qüdrətlənməsini istəməyən qüvvələri narahat edir.Bir faktı da deyim ki, SOCAR-ın müxtəlif layihələr üzrə fəaliyyəti yalnız Azərbaycanla məhdudlaşmır. Bu şirkət dünyanın bir çox ölkələrinə investisiyalar yatırır. İŞİD -in də təxribatları məhz buna yönəlib ki, Azərbaycanın iqtisadi qüdrəti zəifləsin. Belə olanda onlar öz məkrli niyyətlərini tez həyata keçirə bilərlər. Məsələnin mahiyyəti bundan ibarətdir".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...