İpoteka strategiyasında dəyişikliklər yeni gözləntilər qarşısında...

Tarix: 22.07.2014 / 03:25
Bölmə: İqtisadiyyat

Ölkədə uzun müddətdir səbrsizliklə gözlənən məsələlərdən biri də ipoteka şərtlərində edilməsi nəzərdə tutulan dəyişikliklərdir. Məsələ xeyli müddətdir gündəmdə olsa da, reallıqda sözügedən istiqamətdə hələ də hansısa addımlar atılmayıb. Yalnız iki ay əvvəl Mərkəzi Bankın İdarə heyətinin sədri Elman Rüstəmov bildirib ki, ipoteka kreditlərinin faiz dərəcələrinin aşağı salınması barədə strategiya artıq hazırdır:
"Strategiya hökumət və Mərkəzi Bankın maliyyə sektoru ilə birgə geniş müzakirə olunacaq". Onun sözlərinə əsasən, strategiya dəqiqləşdiriləcək və təsdiq olunduqdan sonra onun reallaşdırılmasına başlanacaq: "Ölkədə vahid ipoteka strategiyasının olmasının tərəfdarıyıq. Gənclər və İdman Nazirliyinin sözügedən strategiya ilə bağlı təklifləri də bu kontekstdə müzakirə olunaraq qəbul edilməli və nəticə kimi vahid ipoteka strategiyası həyata keçirilməlidir".
Xatırladaq ki, hələ 2011-ci ildə Gənclər və İdman Nazirliyi sosial ipoteka kreditlərinin verilməsi şərtlərinin tezliklə dəyişdirilməsi təklifi ilə çıxış etmişdi. Bu məsələ "Azərbaycan gəncliyi 2011-2015-ci illərdə" Dövlət Proqramına daxil edilmişdi. Həmin təkliflərə görə, dövlət vəsaiti hesabına maliyyələşdirilən sosial ipoteka kreditləri üzrə faiz dərəcəsi illik 4 faizdən 2 faizədək endirilməli idi. Nazirlik, faizlərin endirilməsi ilə yanaşı, ipoteka alarkən ilkin ödəmənin ləğvini, kreditin maksimum məbləğinin artırılması təklifini də irəli sürmüşdü. Lakin təklif Milli Məclisdə müzakirəyə çıxarılmadı.
Ekspertlər isə ipoteka strategiyasında dəyişikliklərin sürətləndirilməsini vacib sayır. Milli Məclisin deputatı Əli Məsimli də bildirir ki, ipoteka şərtlərinə dəyişikliklər ediləcəyi barədə söhbətlər getsə də, hələlik bu sahədə heç bir real addım atlmayıb: "Son məlumata görə, bu sahədə ciddi iş gedir, amma hələ başa çatmadığından məsələ ləngiyir".
O, ipoteka ilə bağlı yeni təkliflər irəli sürdüklərini bildirib: "Əsas məsələ faiz dərəcələri ilə bağlıdır. Dünyanın bir sıra inkişaf etmiş ölkələrində ipoteka kreditləri illik 4 faizlə, sosial ipotekalar isə 2 faizlə verilir. Biz də təklif edirik ki, adi ipotekalar indiki 8 faizdən 5 faizə, sosial ipotekalar isə 4 faizdən 1-2 faizədək endirilsin. Eyni zamanda 20 faizlik ilkin ödəniş də vətəndaşlar üçün bir sıra hallarda əlavə çətinliklər törədir".
Milli Məclisin deputatı ipoteka kreditləşməsi zamanı ilkin ödənişin ləğv olunması təklifini irəli sürüb: "İlkin ödəniş ləğv olunmalıdır. Bu mümkün deyilsə, ya azaldılmalı, ya da müvafiq fond yaradılmaqla bu problem yumşaldılmalıdır. Hazırda ipoteka üçün ayrılan kreditin maksimum məbləği 50 min manatdır. Mənzil bazarına baxanda görürük ki, 50 min manata da Bakıda nəinki normal 2-3 otaqlı, hər şəraiti olan bir otaqlı belə mənzil almaq mümkünsüzdür. Düzdür, Prezident İlham Əliyevin "Azərbaycan Respublikasında güzəştli ipoteka kreditlərinin verilməsi Qaydaları"nda dəyişikliklər edilməsi haqqında fərmanına əsasən, sosial ipoteka çərçivəsində kreditin maksimum məbləği 35 min manatdan 50 min manatadək artırılıb. Amma evlərin qiymətinin sürətlə artdığı bir zamanda bu məbləğ də artıq əhəmiyyətini itirməyə başlayıb. Bu səbəbdən ayrılan məbləğin 70 min manatadək artırılmasını təklif edirik".
Digər ekspertlər də hesab edir ki, mənzil bazarında qiymətlər kəskin artıbsa, maksimum 50 min manat güzəştli və ya adi ipoteka kreditinin verilməsinin heç bir mənası yoxdur. Təxminən 2 il bundan əvvəl Bakıda 2 otaqlı mənzili 60-70 min manata almaq mümkün idisə, hazırda şəhərətrafı ərazilərdə bu qiymətə babat ev almaq problemə çevrilib. Şəhərin mərkəzində isə 2 otaqlı yaxşı təmirli mənzillərin qiyməti 100 minə çatıb. Belə olan təqdirdə maksimum 50 min manat sosial ipoteka kreditinin verilməsi ev almaq üçün kifayət etmir. Çünki ev almaq istəyən şəxs 50 min manatın üstünə təxminən 30-40 min də qoymalıdır ki, təmirli ev ala bilsin. Hazırda bu qədər pulu olan vətəndaş isə şəhər ətrafında 2-3 sot torpaq sahəsi alaraq ev tikməyi üstün tutur. Bu fonda diqqət ona yönəldilir ki, ipoteka strategiyasında dəyişikliklərin sürətləndirilməsinə ciddi ehtiyac var. Əks halda mənzil bazarında vəziyyət dəyişməz olaraq qalacaq.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...