Turistlərimizin ayağı yad ölkələrdən yığışmır

Tarix: 22.07.2014 / 09:37
Bölmə: İqtisadiyyat

Turizm sahəsində son vəziyyətin təhlili yenə ölkəmizdən xaricə üz tutanların sayının kifayət qədər çox olduğunu göstərir. Əslində, bu məsələ hər turizm mövsümündə gündəmə gəlir. Lakin nəticə yenə dəyişməz qalır və ənənəvi problemlər xaricə üz tutanların sayının artan xətt üzrə inkişafına gətirib çıxarır. Bu səbəbdən hesab edilir ki, məsələyə artıq inzibati formada müdaxilə edilməsinə ehtiyac var.
Bilindiyi kimi, ölkədə turizm sektorunun ən ciddi problemlərindən biri yüksək qiymətlərdir. Azərbaycanda, nəqliyyat xərcləri də daxil olmaqla, turistin 1 həftəlik dincəlməsi üçün xərclər qonşu Gürcüstanla müqayisədə təxminən 50 faiz, Türkiyə ilə müqayisədə isə haradasa 40 faiz bahadır. Buna görə də yerli turistlər ölkə daxilini deyil, qonşu ölkələri, xüsusən də Gürcüstan və Türkiyəni seçir. Bu da, öz növbəsində, Azərbaycan vətəndaşlarının həmin ölkələrin turizm sektoruna ciddi şəkildə maliyyə vəsaiti yönəltməsi deməkdir.
Ümumilikdə, Azərbaycanın turizm sənayesinin rəqabət apardığı coğrafiyada əsas yeri Rusiyanın Qara dəniz və Şimali Qafqazdakı turizm müəssisələri, Türkiyənin Aralıq dənizi sahilindəki turizm mərkəzləri və Gürcüstanın Qara dəniz sahilləri tutur. Digər alternativlər də mövcuddur. Bura Avropa, Birləşmiş Ərəb Əmirliyi və İranı aid etmək olar. Lakin İrana gedənləri daha çox müalicə maraqlandırır. Buna son qoyulması və turistləri daxilə yönəltmək üçün isə, ekspertlərə görə, uzunmüddətli və dayanıqlı turizm siyasətinə ehtiyac var. Hələlik isə soydaşlarımızın istirahət üçün xaricə üz tutmasının başlıca səbəblərindən biri, qeyd olunduğu kimi, qiymətlərin baha olmasıdır. Azərbaycanda əsasən otellərin qiyməti xeyli bahadır. Digər tərəfdən, yenə də təklif olunan xidmətlərin keyfiyyəti otellərin malik olduğu ulduzlara uyğun gəlmir. Bəzən olur ki, 4 ulduzlu otellərdəki xidmət səviyyəsi xaricdəki 2-3 ulduzlu otellərdəki xidmət səviyyəsinə bərabər olur. Bütün bunlar da xaricə axını şərtləndirir.
Real vəziyyət onu da üzə çıxarır ki, yay aylarında insanların müraciət etdiyi və sifariş etdiyi yerlərin ilkində Türkiyə dayanır. Yerli turizm şirkətləri müraciət edən müştəriyə otelləri və xidmətləri təklif edir. Otel seçildikdən sonra otellə birbaşa əlaqəyə keçib yer bronlaşdırılır. Müştərinin gediş və dönüş biletləri, qarşılanması, yola salınması, sığortası, müştərinin istəyindən asılı olaraq əlavə ödənişlə şəhər turu və bu kimi xidmətlər də bəzən şirkətlər tərəfindən qarşılanır. Ən çox istənilən yerlər Antalya, Bodrum, Kapadokya, İstanbul və İzmirdir. Turların qiymətləri isə istiqamət və xidmət səviyyəsindən asılı olaraq dəyişir. Əhalinin ən çox üz tutduğu Türkiyədə bir həftəlik istirahət təyyarə bileti ilə birlikdə 400 manatdan başlayır və 10 min manata qədər davam edir. Bu qiymət otelin yerləşdiyi məkandan, ulduz sayından, xidmətdən asılıdır.
Ekspertlər isə hesab edir ki, əsas diqqət daxili turizmin inkişafın yönəldilməlidir. Xüsusən də daxili turizmin inkişafı üçün sahibkarlarımız 1 və 2 ulduzlu otellərin inşasına üstünlük verməli, təklif edilən xidmətlərin çeşidini genişləndirməli və qiymətləri aşağı salmalıdır. Hazırda daxili turizmin zəif olması bir sıra sosial-iqtisadi səbəblərlə bağlıdır. Belə ki, turizm obyektlərində, eləcə də işgüzar turizmlə əlaqədar otellərdə qiymətlər bahadır. Sahibkarlar əsasən ulduzların sayını çoxaltmaqla qiymətləri artırmağa üstünlük verir. Lakin faktdır ki, 4-5 ulduzlu otellər yerli vətəndaşlar üçün deyil, əsasən xarici turistlər və iş adamları üçün münasibdir. Bu da daxili turizmə mənfi təsir göstərir. Bu mənada hesab edilir ki, dövlət otellərin qiymət siyasətinə nəzarəti gücləndirməlidir. Bu sahəyə nəzarət edən xüsusi qurum yaradılmalıdır və həmin qurum mütəmadi olaraq otellərdə xidmətlərin səviyyəsini və qiymətlərin monitorinqini aparmalıdır. 2 və 3 ulduzlu otellərin yaradılmasına investisiya qoyan iş adamları üçün vergi güzəştləri tətbiq edilməlidir. Bu təcrübədən əksər xarici ölkələrdə geniş istifadə olunur. Bir sözlə, Azərbaycanda turizm sektorunun daha cəlbedici və rəqabət qabiliyyətli olması üçün dövlət dəstəyinin artırılması vacibdir. Aşağı dəyər vergisi tətbiq etməklə turizm obyektlərinin, eləcə də hotellərin xərclərini müəyyən qədər azaltmaq mümkündür.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...