Ancaq təyyarələrimizdəki sərnişinlər sığortalanır, bəs başqa nəqliyyatlar...

Tarix: 21.07.2014 / 03:12
Bölmə: İqtisadiyyat

Azərbaycanda "Sərnişinlərin icbari sığortası" növünün beynəlxalq və şəhərlərarası marşrutlar üzrə tətbiqinə bir müddət öncə start verilib. Qeyd edək ki, sərnişinlərin icbari fərdi qəza sığortası sərnişin daşımaları xidmətini həyata keçirən hava, su, dəmir yolu və avtomobil nəqliyyatı vasitələrində olan sərnişinlərin həyatına və sağlamlığına sığorta hadisəsi nəticəsində zərər dəyməsinə görə sığorta ödənişinin verilməsini nəzərdə tutur.
Ölkə ərazisində, həmçinin, xarici ölkələrə və ya xarici ölkələrdən qanunvericilikdə müəyyən edilmiş qaydada sərnişindaşıma xidmətlərini həyata keçirmək üçün mülkiyyətində nəqliyyat vasitəsi olan və ya belə nəqliyyat vasitəsinə faktiki sahibliyi həyata keçirən, həmçinin, onu icarəyə götürmüş, yaxud digər qanuni əsaslarla istismar edən fiziki və hüquqi şəxslər nəqliyyat vasitələrinin sahibləri hesab olunur.
Artıq bir sərnişin yeri üçün illik sığorta məbləği hər bir nəqliyyat növü üzrə müəyyənləşdirilib. Məlumatlara görə, bəzi taksi xidmətləri də müştərisini sığortalayır. Ancaq hələlik praktiki olaraq yalnız hava nəqliyyatında sığorta haqqı istənilir. Digər nəqliyyat növlərindən, xüsusilə də şəhərdaxili ictimai nəqliyyatdan istifadə edən sərnişinlərin sığortalanması haqqında ictimaiyyətin dəqiq məlumatı yoxdur. Eyni zamanda, gediş haqqının biletlə yox, nağd ödənişlə olması sərnişinlərin sığortalanmamasından xəbər verir. Ən çox yol-nəqliyyat hadisələri də məhz şəhərdaxili ictimai nəqliyyatda baş verir.
Xarici ölkələrdə ictimai nəqliyyatın bütün növlərində fərdi qəza sığortası tətbiq olunur. Bütün nəqliyyat növlərindən istifadə edən sərnişinlər sığortalanır.
Maraqlıdır, Azərbaycanda da ictimai nəqliyyatın bütün növlərində fərdi qəza sığortası tətbiq olunarsa, bu hal gediş haqqının artmasına səbəb ola bilərmi?
Məsələ ilə bağlı suallarımızı iqtisadçı-ekspert Oqtay Haqverdiyev cavablandırdı. O, "Bakı-Xəbər"ə açıqlamasında qeyd etdi ki, sığorta hər bir sahəyə şamil olunmalıdır. Həmsöhbətimizin fikrincə, istər ictimai nəqliyyat, istərsə də digər sahələr olsun, yaşayış üçün lazım olan hər bir şey sığortalanmalıdır. Nəqliyyatın hər bir növündən istifadə edən sərnişinlər mütləq sığortalanmalıdır. Xüsusilə də şəhərlərarası və şəhərdaxili nəqliyyatdan istifadən edənlər sığortalanmalıdır: "Nəzərə almaq lazımdır ki, ən çox qəza hadisəsi məhz avtobuslarda baş verir. Qəza baş verərsə, məhz sərnişinlərə ödənişlərin həyata keçirilməsinə nail olmaq vacibdir. Ancaq bu praktikanın tətbiq edilməsi heç də asan məsələ deyil. Reallıq ondan ibarətdir ki, bu praktikanın tətbiqi müəyyən zaman tələb edəcək. Qısa zamanda və mövcud şərtlər daxilində bunun tətbiqi mümkün görünmür. Ona görə mümkün deyil ki, ictimai nəqliyyatda sığortanın tətbiq edilməsi gediş haqqının artmasına gətirib çıxara bilər. Amma indiki qiymətlərlə ictimai nəqliyyatda sığortanın tətbiq edilməsi mümkün deyil. Belə ki, bir sərnişinin daşınma xərci minimum 20 qəpikdir. Bu isə o deməkdir ki, 20 qəpik gediş haqqına daşınan sərnişinin sığorta xərci də daxil edilərsə, qiymətin artması müşahidə olunacaq. Bu zaman sərnişindaşımada fərqli qiymətin tətbiq edilməsinə ehtiyac yaranacaq. Ona görə də indiki qiymətlərlə sığortanın tətbiqi mümkün deyil. Sığorta xərci daxil edildikdən sonra qiymətlərin artması vətəndaşlar arasında narahatlıq yarada bilər.
Çünki mövcud qiymətlər hətta sərnişinlərin mövcud daşıma xərclərini belə ödəmir. Belə olduğu halda, həmin xərclərin üzərinə başqa xərclərin əlavə olunması praktiki olaraq imkan vermir ki, sərnişindaşımada bu gün sığorta sistemi tətbiq edilə bilsin. Gələcəkdə əhalinin gəlirlərinin daha yüksək templə artması müşahidə edilən zaman artıq ictimai nəqliyyata sığortanın tətbiqi mümkün olacaq".

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...