Sığorta bazarı yeni qiymət sıçrayışı ərəfəsində...

Tarix: 18.07.2014 / 03:23
Bölmə: İqtisadiyyat

Məlum olduğu kimi, son aylarda kasko sığorta yığımları ölkədə sürətlə azalır. Bu vəziyyət isə sığorta şirkətlərini ciddi narahat etməkdədir. Vəziyyətdən çıxış yolu kimi qabaqlayıcı addımların atılması vacib sayılır. Bu məqsədlə, istisna olunmur ki, sığorta qiymətləri bahalaşdırılsın. Əslində, bu xüsusda artıq müəyyən təkliflər də səslənməkdədir.
"A-Group" Sığorta Şirkəti İdarə Heyətinin sədr müavini Əli Bayramov bildirir ki, Azərbaycanda bir sıra sığorta şirkətləri avtomobillərin könüllü sığortası, yəni kasko sığortası məhsullarını ucuzlaşdırmaqla müştəri cəlb etmək yarışına başlayıb. Onun sözlərinə görə, bazarın bəzi iştirakçıları isə bunun doğru olmadığını hesab edir və dempinqin mənfi fəsadlarının gec-tez üzə çıxacağını bildirir. Əli Bayramov "Marja"ya açıqlamasında vurğulayır ki, kasko tarifləri bugünkü reallıq nəzərə alınaraq artırılmalıdır: "Bu gün baş verən hadisələr və dəymiş zərərlərin məbləğləri artıbsa, tarifə təsir göstərən faktorlar əsasında aktuar hesablamaları aparmaqla yeni tarif çıxarılmalıdır. Mən bu gün bazar üçün orta tarif 3% deyil, 4% olmalıdır deyə bilmərəm. Amma əminəm ki, çoxdandır bazarın tarifləri reallığa uyğun yuxarıya doğru dəyişməlidir". Qeyd edək ki, kasko sığortasında yığımların azalması və qəzaların artması səbəblərindən zərərlilik artır. Məsələn, son məlumatlara görə, bu sahədə zərərlilik 35% artıb.
Ümumiyyətlə, avtomobil kreditlərilə bağlı məlum qadağalardan sonra sığorta şirkətlərinin üzləşdiyi zərər artmaqdadır. Məsələn, bu ilin yanvar-iyun aylarında Azərbaycandakı 28 sığorta şirkətinin 11-də sığorta haqlarının artımı, 17-də isə azalması baş verib. İndi sığorta şirkətləri avtomobil yox, digər yığımlarla özlərini ayaqda saxlaya bilir. Məsələn, bu ilin yanvar-iyun aylarında sığorta növləri arasında ən ciddi artım həyatın ölüm halında sığortasında qeydə alınıb. Azərbaycan Sığortaçılar Assosiasiyasından verilən məlumata görə, bu sığorta növü üzrə yığımlar 3,55 dəfə artaraq 8 milyon manatı keçib. Artımın dinamikasına görə 2-ci yeri isə mülki-hüquqi müqavilə üzrə mülki məsuliyyətin sığortası tutub. Bu sığorta növü üzrə toplanan sığorta haqqı 2,2 dəfə artaraq 395 min manata çatıb.
Həyatın yaşam sığortası üzrə yığımlar 75% artaraq 29 milyon manat, tibbi sığorta üzrə yığımlar 5,4% artaraq 42,6 milyon manat, istehsalatda bədbəxt hadisələrdən sığorta 7,1% artaraq 18,9 milyon manat, daşınmaz əmlakın icbari sığortası 29% artaraq 8,5 milyon manat, daşınmaz əmlakın istismarı ilə bağlı mülki məsuliyyətin icbari sığortası 25% artaraq 222 min manat, sərnişinlərin icbari fərdi qəza sığortası 22,7% artaraq 83,7 min manat təşkil edib. Lakin bu sahədən gələn gəlirlər avtomobil sığortası qədər çox deyil. Bu səbəbdən sığorta şirkətləri avtomobil üçün sığorta haqlarının artırılmasında maraqlıdır.
Yaranmış vəziyyətdə digər bir problem isə avtomobil sığortalarının hadisə zamanı verilməsinin gecikməsidir. Ölkədə yol qəzalarına görə sığorta ödənişləri həmişə vaxtında verilmir. Sığorta şirkətləri bunu aidiyyəti dövlət qurumlarından lazımi sənədlərin vaxtında təqdim edilməməsi ilə izah edir. Ekspertlər isə hesab edir ki, süründürməçiliyin qarşısını almaq üçün, dövlət qurumları ilə yanaşı, şirkətlərin özünə də nəzarət gücləndirilməlidir.
İndilikdə isə vəziyyətin təhlili göstərir ki, avtomobil kreditlərinə qoyulmuş məhdudiyyətlər ümumilikdə sığorta sektorunda avtomobil sığortası üzrə yığılmış sığorta haqlarının azalmasına səbəb olub. Lakin ekspertlərə görə, avtomobil kreditlərinin dayandırılması yığımlarda azalmaya səbəb olmaqla yanaşı, həm də sığorta sektoruna ciddi bir siqnal oldu. Hesab olunur ki, sığorta şirkətləri portfelin sığorta növləri və satış kanalları üzrə diversifikasiya edilməsinə diqqəti artırmalıdır.
Şirkətlərin itirdiyi avtomobil sığortası bazarının hansı sektorlarla əvəz olunmasının mümkünlüyünə gəlincə, hesab olunur ki, avtomobil sığortasını əvəz edə biləcək sahələr arasında aqrar sahə və inşaat sektorunda böyük potensial var. Kənd təsərrüfatı sığortaları üzrə fəaliyyət göstərən şirkətlərin sayının artırılması da vacib sayılır. Bu sahədə, risqlə bərabər, ciddi potensialın olduğu vurğulanır. "Avtonəqliyyat vasitələrinin sığortası" üzrə də potensial tükənməyib. Çünki respublikada olan avtomobillərin heç də hamısı sığortalanmayıb.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...