Sığorta şirkətlərimiz iflasın ən böyük səbəbindən yayınmaq üçün diqqəti sürücülərə yönəldir

Tarix: 18.07.2014 / 10:14
Bölmə: İqtisadiyyat

Statistik məlumatlara görə, bu ilin yanvar-iyun aylarında Azərbaycandakı 28 sığorta şirkətinin 11-də sığorta haqlarının artımı, 17-də isə azalması baş verib. Ümumilikdə 28 sığorta şirkətinin 7-də sığorta haqlarının həcmi 10 milyon manatdan artıq, 6 şirkətdə 5-10 milyon manat arasında, 9 şirkətdə 1-5 milyon manat arasında, 6 sığorta şirkətində isə yarım milyon manatdan aşağıdır. Hesabat dövründə kasko sığorta 35 faizə yaxın azalaraq 17,3 milyon manat təşkil edib.
Sığorta şirkətləri gəlirlərinin azalmasını avtomobil sığortasından gələn gəlirin az olması bağlı olduğunu bildirir. Sığorta şirkətlərinin gəlirini sırf avtomobil sığortası ilə bağlaması həmin şirkətlərin nüfuzuna xələl gətirir. Məlumat üçün bildirək ki, xarici ölkələrdə fəaliyyət göstərən sığorta şirkətlərinin gəlirinin cüzi hissəsi avtomobil sığortası ilə bağlıdır. Həmin ölkələrdə sığorta şirkətlərinin gəliri həyat üçün lazım olan hər bir nəsnədən ibarətdir. Yəni icbari, tibbi, həyat, kənd təsərrüfatı, səyahət, aqrar və digər sığorta növlərindən gəlir əldə olunur. Şirkətlər də əldə olunan gəliri investisiya şəklində yatırır. Hansısa bir zavod və ya müəssisə açmaqla əldə olunan gəliri daha da artır. Ola bilərmi ki, Azərbaycanda da fəaliyyət göstərən sığorta şirkətləri əldə etdikləri gəliri hansısa sahəyə yönəltməklə müflis olmaq təhlükəsi ilə üzləşməsin?
Məsələ ilə bağlı fikir bildirən iqtisadçı-ekspert Natiq Cəfərli "Bakı-Xəbər"ə açıqlamasında qeyd etdi ki, ölkədə mövcud olan sığorta şirkətləri çox passiv fəaliyyət göstərir: "Sığorta şirkətləri bildirir ki, guya onların gəliri avtomobil sığortasından asılıdır. Amma mən belə düşünmürəm. Sığorta şirkətlərinin əsas problemi odur ki, onlar yeni xidmət təklif edə bilmir. İnsanları cəlb edə bilmirlər".
Onun sözlərinə görə, xarici ölkələrdə fəaliyyət göstərən sığorta şirkətləri istehlakçılara icbari, əmlak, tibbi, kənd təsərrüfatı və həyat sığortası ilə bağlı cəlbedici təkliflər irəli sürür. Çox təəssüflər olsun ki, ölkədə mövcud olan şirkətlər bu sahə üzrə çox passivdir: "Onlar illər öncənin qayda və yanaşması ilə öz işlərini görür. Heç bir yenilik və ya dünya təcrübəsindən yararlana bilmirlər və nəticədə müflis olurlar".
Həmsöhbətimiz avtomobil sığortasının azalması fonunda baş verən geriləməni kompensasiya etmək üçün sığorta şirkətlərinin icbari tibbi və icbari mənzil sığortasına daha çox meyllənmək yolu ilə ciddi uğur əldə edə biləcəyinə əmin deyil: "Sığortaçı daim öz sektorunun genişlənməsində maraqlı olan tərəfdir. Lakin sığortaçının bu sahədə təşəbbüslərindən əlavə, sığorta bazarının böyük hissəsinin icbari sığortadan formalaşdığını nəzərə alsaq, bu da həmin bazardakı qeyri-müəyyənlik və ona olan inamsızlıqdan irəli gələn məsələdir, burada əhalinin rifah halı məsələsi də önəm daşıyır. Eyni zamanda, ölkəmizdə sığorta mədəniyyəti yeni-yeni təşəkkül tapır. Bütün bunlar kompleks şəkildə birləşəndə nəticə odur ki, Azərbaycanda sığorta sistemi kifayət qədər təşəkkül tapmayıb. İcbari sığorta da ölkəmizdə bir çox hallarda məcburiyyət yarandıqda baş verir. Avtomobil sığortası onun alqı-satqısı, sənədləşdirilməsi zamanı baş verir, ona görə də insanlar buna məcburi halda gedir. Tibbi və mənzillərin məcburi sığortasında isə vəziyyət qeyri-müəyyəndir.
Burada sürətin aşağı olması daşınmaz əmlakın cüzi hissəsinin sığortalanması ilə nəticələnib. Burada da, görünür, məcburi tələb ortaya qoyulmalıdır. Lakin o da var ki, insanlar sosial vəziyyəti ilə bağlı olaraq məcburi ödənişlərə qıcıqla yanaşır. Şirkətlər insanların sosial durumunu nəzərə alaraq cəlbedici təklif irəli sürməklə istehlakçıları cəlb edə bilər".

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...