Maşın bazarında alver "ölüb"

Tarix: 17.07.2014 / 03:46
Bölmə: İqtisadiyyat

Bank kreditlərinin verilməsində şərtlərin ağırlaşması, "Avro-4" standartının tətbiqi və ötən ilin sonunda yanacağın qiymətinin artırılması, gözlənildiyi kimi, maşın bazarına ciddi təsir göstərməkdə davam edir. Maşın alveri ilə məşğul olanlar ticarətin zəifləməsindən narazılıq edir. Ölkəyə avtomobil idxalının azalması da tələbin xeyli dərəcədə aşağı düşməsinin real göstəricisi sayıla bilər.
Qeyd edək ki, 2014-cü ilin birinci yarısında Azərbaycana 34359 ədəd avtomobil idxal edilib. Ötən ilin eyni dövrü ilə müqayisədə idxal edilən avtomobillərin sayında 13531 ədəd və ya 28,3% azalma baş verib. Azalma bütün avtomobil növlərində müşahidə edilib. Ötən ilin analoji dövrü ilə müqayisədə minik avtomobillərinin idxalı 12269 ədəd və ya 28,4%, yük avtomobillərinin idxalı 669 ədəd və ya 18%, avtobusların idxalı 330 ədəd və ya 66,5%, xüsusi təyinatlı avtomobillərin idxalı isə 263 ədəd və ya 52,7% azalıb.
Belə vəziyyət, qeyd olunduğu kimi, maşın bazarına da ciddi təsir göstərib. Ekspertlərə görə, bu gün avtomobil bazarında durğunluq yaşanmasının bir neçə səbəbi var. Birincisi, qeyd olunduğu kimi, artıq aprel ayından etibarən "Avro-4" standartının tətbiqi burada mühüm rol oynayır. İkinci tərəfdən, nəinki köhnə, eləcə də təzə avtomobillərin satışını azaldan səbəb yanacağın bahalaşmasıdır. Həmçinin, köhnə maşınlara maraq getdikcə azalır. Bununla əlaqədar olaraq insanların yeni xarici maşınlara üz tutması nəticəsində bazarda boşluq əmələ gəlib. Yəni faktiki olaraq, insanlar artıq köhnə nəqliyyat vasitələri almaqdan uzaq durur. Düzdür, köhnə maşınların qiyməti bir qədər ucuzdur, amma artıq onların yanacaq sərfiyyatı, komfort nöqteyi-nəzərindən xüsusiyyətləri insanların ehtiyacını ödəmir. Ona görə də insanlar, ucuz olsa da, köhnə nəqliyyat vasitələrini əldə etmək istəmir. Hazırda insanlar tələblərə cavab verməsi baxımından təzə avtomobilə üstünlük verir, nəticədə köhnə avtomobillər satılmır. Bu da bazarda durğunluğun yaranmasına gətirir, çünki maşın bazarına daha çox köhnə avtomobillər çıxarılır. Hazırda əsas satış avtosalonlarda müşahidə olunur. Bu fonda ölkəyə gətirilən maşınlarını sayının hələ azalmağa doğru gedəcəyi proqnozlaşdırılır. Ekspertlər isə qeyd edir ki, xaricdən gətirilən avtomobillərin sayının azalmasının ümumilikdə ölkə iqtisadiyyatına hər hansı mənfi təsiri olmayacaq. Lakin ölkəyə idxal olunan avtomobillərin sayının azalması dövlət büdcəsinə də təsirsiz ötüşməyəcək. Belə ki, avtomobil idxalından tutulan rüsumların miqdarı azalacaq. Ancaq bu, büdcənin əsas gəlir mənbəyi olmadığından, büdcəyə mənfi təsir də gözlənilmir.
Əsas təsir isə maşın bazarında özünü göstərir. Bəzi ekspertlər hesab edir ki, əslində, Azərbaycanda nəqliyyat vasitələri əldə etmək istəyən şəxslər kifayət qədərdir və bu səbəbdən müəyyən müddətdən sonra bazarda yaranmış bu durğunluq aradan qalxacaq. Burada bir nüans da var ki, əvvəllər banklar vasitəsilə avtomobil almaq üçün kreditlər verilirdi. İndi həmin kreditlər məhdudlaşdırılıb. Halbuki, bizdə il ərzində avtomobil satışının yarıdan çoxu banklar hesabına həyata keçirilirdi. Nəticə etibarilə, istər qanunvericilikdə idxalla bağlı yeniliklər, istər ölkə bazarında yanacağın qiymətinin artması, istərsə də banklar vasitəsilə kreditlərin dayandırılması və bu tip məsələlər avtomobil bazarında durğunluqlara gətirib çıxarır. Bu sahədə vəziyyət dəyişməyənə qədər isə maşın bazarında istənilən fəallığın yaşanması gözlənilmir.
Yaranmış vəziyyətdə qiymətlərin aşağı düşməsi də istisna olunmur. Belə ki, kredit imkanlarının məhdudlaşması fonunda avtomobillərin qiymətlərinin aşağı düşməsi qaçılmaz sayılır. Çünki kredit bazara əlavə pul vəsaiti gətirdiyindən, qiymətlərin bahalaşmasına səbəb olur. İndi isə vəziyyət əksinədir. Onu da bildirək ki, kreditlə bağlı məhdudiyyətin tətbiq olunmasında məqsəd problemli kreditlərin artması ilə bağlıdır. Hazırda Mərkəzi Bank iş yerindən arayış təqdim etmədən vətəndaşlara nağd pul krediti verilməsini qadağan edir.
Avtomobil kreditlərinə məhdudiyyətin qoyulmasını paytaxtdakı tıxaclarla da əlaqələndirənlər var. Lakin real vəziyyət, hələ ki, tıxacların davam etdiyini göstərir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...