Sığorta şirkətlərinin fəaliyyəti getdikcə pisləşir

Tarix: 16.07.2014 / 05:05
Bölmə: İqtisadiyyat

Sığorta bazarında son vəziyyətin təhlili bir daha burada şirkətlər üçün heç də məqbul olmayan bir durumun yarandığını göstərir. Belə ki, avtomobil sektorunda baş verən azalma sığorta sektoruna ciddi təsir edib. Hələ bir qədər əvvəl avtomobil kreditlərinin şərtləri sərtləşəndə mütəxəssislər bunun sığorta bazarına ciddi təsir edəcəyini bildirirdi. Amma indi açıqlanan rəqəmlər mənfi proqnozları da üstələyib.
Sığorta şirkətlərinin gözlənildiyindən də çox zərərlə üzləşdiyi üzə çıxır. Bu səbəbdən yaxın tezlikdə bir neçə sığorta şirkətinin fəaliyyətini dayandırmaq məcburiyyətində qalacağını istisna olunmur.
Qeyd edək ki, bu günlərdə maliyyə naziri Samir Şərifov da bildirib ki, avtomobil satışlarının azalması sığorta şirkətlərinin işinə mənfi təsir edib. Onun sözlərinə görə, avtomobil satışlarının azalması ümumilikdə sığorta bazarının göstəricilərinə də öz təsirini göstərəcək: "Amma bu təsirin hansı rəqəmlərlə ölçüləcəyini demək bir qədər tezdir".
Avtomobil kreditlərinin dayandırılmasından sonra sığorta şirkətləri hazırda müştəri cəlb etmək üçün çıxış yolu axtarır. Sığorta eksperti Xəyal Məmmədxanlı bildirib ki, vəziyyətdən çıxmaq üçün müştərilərlə ciddi iş aparmağa başlayıblar. Lakin bunun da ciddi nəticə verəcəyi sual altındadır. Çünki ölkədə sığorta şirkətlərinə hələ də yüksək inam yoxdur və avtokreditlərin azalması bu fonda onların durumunu daha da çətinləşdirir. İcbari Sığorta Bürosunun (İSB) icraçı direktoru Elxan Quliyev də bu günlərdə belə bir maraqlı açıqlama ilə çıxış etmişdi ki, Azərbaycanda əhalinin icbari sığortaya inamı aşağı səviyyədədir: "Hazırda Azərbaycanda 1 milyon 300 min nəqliyyat vasitəsinin qeydiyyata alınmasına baxmayaraq, təqribən 660 min vasitə üçün icbari sığorta qeydə alınıb. Bu ilin 5 ayı ərzində ötən ilin müvafiq dövrü ilə müqayisədə 6,3% az icbari sığorta polisi satılıb".
Avtonəqliyyat vasitələri sahiblərinin mülki məsuliyyətinin icbari sığortasında zərərliliyin ilin sonuna 70-75%-ə çatacağı güman olunur. Belə vəziyyət isə sığorta şirkətlərinə sərf etmir. Beləliklə, bank sektoru ilə yanaşı, yenicə dirçəlməyə başlayan sığorta bazarı da böyük zərbə almaqdadır. Sığorta şirkətləri, xüsusilə kasko sığortası üzrə ixtisaslaşan şirkətlər zərərə düşməkdədir. Qeyd edək ki, 2013-cü ildə ölkə üzrə avtomobil nəqliyyatı vasitələrinin sığortasından təxminən 57 milyon manata yaxın sığorta haqqı yığılıb. Bu vəsaitin böyük hissəsi məhz kreditlə alınan avtomobillərin sığortalanmasından yığılıb. Lakin indi avtomobil kreditlərinin dayandırılması nəticəsində sığorta bazarı həcminin əhəmiyyətli dərəcədə azalması gözlənir.
Çünki əksər banklar, sığorta şirkətləri və avtosalonlar birlikdə çalışır, bir şəbəkə kimi fəaliyyət göstərir. Ona görə də bu sahə üzrə ixtisaslaşmış şirkətlər zərərlə üzləşir. Ən azından ona görə ki, yuxarıda göstərildiyi kimi, sığorta bazarında avtomobillərin könüllü sığortalanması və bank tərəfindən yönləndirilməsi çox əhəmiyyətli dərəcədə paya malik idi. Ona görə də yaxın tezlikdə hansısa sığorta şirkətinin bazarı tərk etməsini və ya işçilərini ixtisar etməsini gözləmək olar. Sığorta şirkətləri də etiraf edir ki, bankların avtomobil kreditlərini dayandırması bank sektorundan sonra sığorta bazarına da mənfi təsir etməyə başlayıb. Bazar iştirakçılarının sözlərinə görə, hazırda avtomobillərin könüllü sığortası bazarının böyük hissəsi kreditlə alınan avtomobillərin payına düşür. Orta hesabla, sığortalanan avtomobillərin 70%-dən çoxu kreditlə alınanlardır. Bəzi şirkətlərdə isə kasko sığortanın 90%-ə qədər hissəsi kreditlə alınan avtomobillərin payına düşür. Məhz bu şirkətlər daha çox zərər görür. Beləliklə, avtomobil kreditlərinin dayanması sığorta üçün müraciət edənlərin sayını və sığorta şirkətlərinin gəlirlərini kəskin azaldıb. Ekspertlərin fikrincə, bu vəziyyətdən ən çox iri maliyyə qruplarına və holdinqlərə daxil olan, eləcə də tərəfdaş banklarla işləyən sığorta şirkətləri əziyyət çəkir. Bəzi bazar iştirakçıları avtomobil kreditlərində fasilə yaranmasının sığorta şirkətlərinin işi üçün ciddi təhlükə yarada biləcəyini düşünür. Onların fikrincə, sığorta biznesi davamlı olmalı və ona daim pul daxil olmalıdır ki, öhdəliklərini icra edə bilsin. Əks halda şirkətlərin işində və öhdəliklərinin icrasında problem yarana bilər. Əslində, bu problemin ilkin işartıları da görünür. Bu səbəbdən yaxın tezlikdə fəaliyyəti dayanan sığorta şirkətlərinin sayında ciddi artım proqnozlaşdırılır.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...