Vaxtı keçmiş bank kreditləri hansı iqtisadi ziyanlar vurur?

Tarix: 16.07.2014 / 03:38
Bölmə: İqtisadiyyat

Xəbər verildiyi kimi, Azərbaycanda əhalinin banklara 1 milyard manat borcu var. Maliyyə-kredit təşkilatlarının təqdim etdiyi kreditlərin məbləği iyun ayının 1-nə 16.6 milyard manata çataraq ötən ilin iyun ayının 1-ə nisbətən 23.8 faiz artıb. Dövlət Statistika Komitəsindən mətbuata verilən məlumata görə, verilmiş kreditlərin 13 milyard manatı uzunmüddətli olub. 905.0 milyon manatın ödəmə vaxtı keçib.
Əhalinin banklardakı əmanətlərinin həcmi keçən illə müqayisədə 12.8 faiz artaraq iyun ayının 1-nə 6.6 milyard manata çatıb.
Milli valyuta ilə qoyulmuş əmanətlərin məbləği 4.2 milyard manat, xarici valyuta ilə qoyulmuş əmanətlər isə 2.4 milyard manat olub.
Problemli kreditlərin sayının artması gözlənir. Maraqlıdır, əhalinin banklara olan borcunun artması Azərbaycan iqtisadiyyatına necə təsir edəcək?
İqtisadçı-ekspert Rəşad Həsənov "Bakı-Xəbər"ə açıqlamasında qeyd etdi ki, problemli kreditlərin artması gözlənir. Əhalinin bankdan götürdüyü borcu vaxtlı-vaxtında qaytara bilməməsinin səbəbi sosial şəraitin ağırlaşması ilə bağlıdır: "İnsanlar bankdan kredit götürərkən və ya istehlak krediti yolu ilə nəsə alarkən, necə deyərlər, "yüz ölçüb bir biçməlidir". Əhalinin banklara olan borcunun artması nəticəsində Mərkəzi Bank kredit siyasətində sərt dəyişiklik etdi. Mərkəzi Bankın ilin əvvəlində atdığı sərt tədbirlər uzunmüddətli dövr üçün bank sistemini xilas etməyə yönəlsə də, artıq sistemdə illərlə mövcud olmuş xroniki xəstəlikləri üzə çıxarmaqdadır. Əslində bu gözlənilən idi. Çünki bankların uzun müddət məsuliyyətsiz kredit siyasəti, kredit risqlərini düzgün qiymətləndirməməsi, istehlak kreditləşməsi bazarından asılılığının artması onların maliyyə dayanıqlığını zərbə altına qoymalı idi. Bank sektorunda böhranın simptomları getdikcə özünü daha qabarıq göstərir. Zərərlə işləyən bankların sayı artıq 15-ə çatıb. Halbuki, ilin əvvəlində cəmisi 4 bankın maliyyə vəziyyəti pis idi. Bankların zərəri təxminən 35 milyon manat həddindədir.
Problemli kreditlərin həcmi artıq 1 milyarddır. Ümumi kredit qoyuluşunda payı 10 ay əvvəlki həddə - 5,5%-ə çatıb. Bu o deməkdir ki, bankların ölkə iqtisadiyyatına yönəltdiyi hər 100 manatın 5,5 manatı geri qayıtmır. Bu, kritik hədd sayılmasa da, prosesin ona doğru getməsi şübhəsizdir. Problemli kreditlərin həcmi son 1 ildə 18,7 faiz, 2014-cü ilin 4 ayında isə 13 faiz artıb. Cari ildə 102,8 milyon manatın taleyi sual altına düşüb. Halbuki, ötən il 44 milyon manata bərabər olub".
Həmsöhbətimizin sözlərinə görə, əhalinin banklara olan borcunun artması Azərbaycan iqtisadiyyatı üçün uğurlu heç nə vəd etmir. Nəticədə büdcə gəlirlərinin azalmasına səbəb olacaq: "Problemli kreditlərin sayının artması ölkə iqtisadiyyatına, maliyyə sektoruna və vətəndaşların rifahına mənfi təsir edəcək. Bank sektorunda mövcud olan problemlərlə bağlı mütəxəssislərin fikir bildirməsi o qədər ciddiyə alınmırdı. Ölkə başçısı İlham Əliyevin bir neçə gün öncə bank sektorunda olan problemlərə toxunması vəziyyətin kritik olduğunun göstəricisidir".
Ekspert onu da əlavə etdi ki, artıq bəzi banklar borcun qaytarılmamasına görə kredit vermirlər: "Məlumata görə, bir neçə bank artıq vətəndaşlara kredit verilişini dayandırıb. Bunun da səbəbi problemli kreditlərin sayının artmasıdır".

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...