Azərbaycanda Qazaxıstan və Çin məhsullarının qiyməti xeyli ucuzlaşacaq

Tarix: 11.07.2014 / 04:31
Bölmə: İqtisadiyyat

Bu gün ölkəmizin əsas ticarət tərəfdaşları sırasında yer alan dövlətlər arasında Qazaxıstan və Çinin də xüsusi yer tutması birmənalı həqiqətdir. Yaxın tezlikdə isə hər iki ölkə ilə ticarət həcminin miqdarının daha da genişlənməsi və onlardan Azərbaycana daha çox mal gətirilməsi gözlənir. Bu isə, öz növbəsində, Qazaxıstan və Çindən gələn məhsulların qiymətinin aşağı düşməsi ilə müşayiət olunacaq.
Bütün bunlar isə Bakı-Tiflis-Qars dəmiryolunun işə düşməsindən sonra mümkünləşəcək. Artıq adları çəkilən ölkələr də bu dəmiryoluna xüsusi maraq göstərməkdədir. Qazaxıstan Xarici İşlər Nazirliyinin MDB departamenti direktorunun müavini Kadır Kasabulatov bildirib ki, Bakı-Tiflis-Qars dəmiryolunun açılışı regionda ticarət əlaqələrinin inkişafına təkan verəcək və Qazaxıstan biznesi bu layihəyə böyük maraq göstərir. Onun sözlərinə görə, Qazaxıstanla Azərbaycan arasında əmtəə dövriyyəsi ildən-ilə artır: "2013-cü ilin yekunları üzrə iki ölkə arasında ikitərəfli əmtəə dövriyyəsi 434,3 milyon dollar təşkil edib ki, bu da 2012-ci ildə olduğundan 11,2 faiz çoxdur. Bu arada Qazaxıstan ixracının həcmi 361,2 milyon dollar olub. Ölkədə idxal 73,1 milyon dollar təşkil edib. Cari ilin yanvar-may aylarında Qazaxıstanla Azərbaycan arasında əmtəə dövriyyəsi Qazaxıstandan 131 milyon dollar həcmində ixrac və 19 milyon dollar idxal daxil olmaqla 150 milyon dollara çatıb".
Kasabulatov xatırladıb ki, Qazaxıstandan Azərbaycana ixrac olunan ənənəvi mallar mineral ehtiyatlar, kimyəvi xammal, buğda, arpa, tütün məmulatı, karbonlu polad, elektik avadanlıqlarıdır. Azərbaycandan Qazaxıstana neft məhsulları, polimerlər, maşın hissələri və mexanizmlər, inşaat konstruksiyaları idxal olunur. XİN nümayəndəsinin sözlərinə görə, Azərbaycan və Qazaxıstan ticari-iqtisadi əməkdaşlığın inkişafı üçün böyük potensiala malikdir, lakin hazırkı əmtəə dövriyyəsi mövcud potensiala cavab vermir. Və bu istiqamətdə işləri aktivləşdirmək lazımdır. Bakı-Tiflis-Qars dəmiryolunun işə düşməsi isə bu aktivliyə gətirib çıxaracaq. Bu arada isə Çin hökuməti tarixi İpək Yolunun bərpa olunması ilə bağlı yeni layihə hazırlayır.
Avrasiya Sürətli Qatar Yolu (ASQY) adlı 6 min kilometrlik nəqliyyat xətti Qırğızıstan, Özbəkistan, Türkmənistan, İrandan keçməklə Türkiyəyə qədər uzanacaq. Rəsmi Pekin Sincan Uyğur bölgəsindən start götürəcək olan layihə üçün 150 milyard dollar xərcləyəcək. ASQY-nin Qafqaz ərazisində Qars-Tiflis-Bakı dəmir yolu xətti ilə birləşəcəyi də bildirilir. Orta Şərq Strateji Araşdırmalar Mərkəzindən bildiriblər ki, bu yolla Qars-Tiflis-Bakı dəmir yolu xəttinin sərnişin tutumu da genişlənəcək. Yeni Türkiyə-Çin dəmir yolu xətti Marmaray və Boğazın altı ilə inşa ediləcək Avrasiya tuneli vasitəsilə davamlı olaraq fəaliyyət göstərəcək.
Qeyd edək ki, Çindən Azərbaycana gətirilən 1000 addan çox mal arasında iynə-sapdan tutmuş avtomobilə, hətta qəbir daşına qədər hər şey var. Son illərdə ölkəmizdə Çin mallarına tələbatın artması isə onların qiymətinin qat-qat ucuz olması ilə bağlı olub. Çindən gətirilən ərzaq, kosmetika, geyim, qab-qacaq, mobil telefon, inşaat materialları, mebel, məişət əşyaları və avtomobilə qədər ən müxtəlif məhsullar təkcə paytaxtda yox, rayonlarda da geniş yayılıb.
Bundan başqa, Çindən ölkəmizə qida məhsulları, meyvə-tərəvəz, elektron məişət avadanlıqları və digər çox geniş çeşiddə məhsullar gətirilir və ilbəil bu çeşid artır. İndi bazar piştaxtalarında Çindən gətirilən hər cür meyvə və tərəvəzlərə rast gəlmək mümkündür. Ekspertlər bildirir ki, Çin mallarının indiyədək əsas üstünlüyü onların ucuzluğu ilə bağlı olub. Bununla da başqalarından bir neçə dəfə ucuz olan Çindən gətirilən mallar bazarda özünə asanlıqla yer tapırdı. Çünki yuxarıda qeyd olunduğu kimi, Çindən gələn məhsullar o qədər də yüksək keyfiyyətli olmur. Onu da bildirək ki, dünyanın tanınmış markaları Çində eyni adda daha ucuz istehsal olunur. Yaxın tezlikdə isə Çindən gətirilən mallar xeyli ucuzlaşa bilər. Belə ki, hazırda Çindən gətirilən məhsullar Qazaxıstandan keçməklə və təyyarə vasitəsilə daşındığı üçün onların qiyməti nisbətən baha olur. Bununla belə, yaxın tezlikdə Çindən idxal olunan məhsulların əhəmiyyətli dərəcədə ucuzlaşması istisna edilmir. Bunu şərtləndirəcək səbəb isə, qeyd olunduğu kimi, Bakı-Tiflis-Qars (BTQ) xəttidir. Məhz bu dəmiryolunun işə düşməsindən sonra Çindən bu yolla gətirilən məhsulların qiymətinin xeyli aşağı düşməsi gözlənir. Çünki bu dəmiryol xəttinə qoşulmaqda Çin də maraqlıdır.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...