Daha çox bank filialı bağlanmağa başlayır

Tarix: 11.07.2014 / 10:00
Bölmə: İqtisadiyyat

Banklarda kredit şərtlərinin ağırlaşdırılması hələ də onların gəlirlərinin azalması ilə müşayiət olunmaqdadır. Belə vəziyyət isə bankların getdikcə daha radikal addımlar atması ilə müşayiət edilməkdədir. Məsələn, məlumdur ki, kredit şərtləri dəyişdikdən sonra bir sıra banklar bəzi filiallarını bağlamağa başlayıb. Mütəxəssislər deyir ki, filialların bağlanmasına zərurət əsasən avtomobil kreditləşməsi dayandıqdan sonra üzə çıxdı.
Xatırladaq ki, kreditlərlə bağlı son dəyişiklikdən sonra vətəndaşların filiallara müraciətləri azalmışdı. Bu isə, öz növbəsində, bankların gəlirlərinin azalmasına səbəb olmuşdu. Belə filialların saxlanması bank üçün əlavə xərcə çevrildiyindən, onların bir çoxunun fəaliyyəti artıq dayandırılıb. Filialların bağlanması bölgələrdə özünü daha çox büruzə verməkdədir.
Ümumiyyətlə isə, kredit şərtlərində dəyişikliklərdən sonra proseslər bank sektorunda iki mühüm dəyişikliyin baş verdiyini göstərir. Bunlardan biri, artıq qeyd olunduğu kimi, bank filiallarının bağlanması, ikincisi isə buna müvafiq olaraq banklarda iş yerlərinin sayının azalmasıdır. İstisna olunmur ki, bu gedişlə banklar hələ də ixtisarlara getmək məcburiyyətinə qalacaq. Buna səbəb istehlak kreditlərinin məhdudlaşması və müştərilərin sayının azalmasıdır. İndiyədək müştərilərin sayının çox olması bankları əlavə işçilər götürməyə məcbur edirdi. Portfelində istehlak kreditləri olan banklarda isə ixtisarlar daha kütləvi ola bilər. Xüsusilə avtokreditlərin dayandırılması prosesə bir qədər də təkan verir.
Gözlənir ki, bankların filialları daha çox paytaxtda müşahidə olunacaq. Çünki regionlardakı filialların payına kredit qoyuluşunun cəmi 5 faizi düşür. Bu baxımdan istehlak kreditlərlərində yaradılan məhdudiyyətlər onların işinə böyük təsir göstərmir. Bankların paytaxtdakı filiaları ilə bağlı isə vəziyyət fərqlidir. Burada avtokreditlərin dayandırılması, istehlak kreditlərinin məhdudlaşması bankların gəlirlərinə daha çox təsir göstərir. Nə qədər qəribə görünsə də, bankların işçilərinin sayının azalmasına filiallarını bağlanması, elektron xidmətlərin geniş tətbiqi də öz təsirini göstərir. Bilindiyi kimi, son dövrlərdə Azərbaycanda da bir çox sahələrdə tətbiq olunan elektron xidmətlərin sayı gündən-günə artmaqdadır ki, bura bank sektoru da daxildir.
Bank mütəxəssisləri deyir ki, indi bankları elektron xidmətlər olmadan təsəvvür etmək mümkün deyil. Banklar əhaliyə daha çevik və rahat xidmət göstərmək üçün elektron xidmətlərinin sayını və keyfiyyətini davamlı olaraq artırır. Banklar bu yeni texnoloji xidmətləri göstərməkdə maraqlıdır. Çünki bunun vasitəsilə onlar daha çox kütləyə daha tez xidmət göstərmək imkanına sahib olurlar.
İqtisadçı ekspert Samir Əliyev deyir ki, elektron xidmətlərin əsas üstünlüyü vətəndaşlar üçün hesablanıb. Pul köçürmək, bir sıra kommunal ödənişləri həyata keçirmək üçün artıq vətəndaşlara geniş imkanlar təqdim edilir. Bu isə onların, vaxta qənaətlə yanaşı, şəxsi hesabına nəzarət etməsinə və istənilən anda istənilən əməliyyatı yerinə yetirməsinə imkan verir: "Artıq bütün dünyada geniş istifadə olunan elektron xidmətlər Azərbaycanda da geniş yayılıb. Bank sistemində elektron xidmətlərin bır sıra üstünlükləri var. Əhaliyə daha operativ, daha rahat xidmət göstərilməsi baxımından hazırda banklar arasında elektron xidmətlərin tətbiqinə görə bir-birilə rəqabət də artır. Burada bankların özünün də maraqları var".
Lakin elektron xidmətlərin üstünlükləri ilə yanaşı, ekspert bank sektorunda işsizlik təhlükəsinin də olmasını istisna etmir. Bankçılıqda elektron xidmətlərin sayının çoxluğuna görə dünyada ön yerlərdə qərarlaşan Baltikyanı ölkələrin təcrübəsini misal gətirən ekspert bildirir ki, elektron xidmətlər sürətlə inkişaf etsə də, bu xidmətlərdən mütəxəssislər olmadan istifadə etmək olmaz: "Dünya təcrübəsində banklar həm xərclərini azaldır, həm də işsizlik yaratma ehtimalı olur. Çünki geniş fillial şəbəkəsi olan iri banklar filliallarını bağlamaqla xərclərini azaltmış olur. Lakin qeyd edim ki, Avropa və dünya təcrübəsində bu problem geniş fillial şəbəkəsi olan iri banklarda baş verir. Azərbaycanda isə belə çox filiala malik banklar yoxdur ki, onların filalları da bağlanmaq təhlükəsilə qarşılaşsın. Bu səbəbdən də düşünürəm ki, Azərbaycan üçün elektron xidmətlərin genişlənməsi işsizlik problemini gündəmə gətirmir".
Bütün bunları nəzərə alaraq ekspertlər hesab edir ki, hər bir innovativ yenilik kimi, elektron xidmətlərin də özünəməxus üstünlükləri və qaçılmaz risqləri mövcuddur. Beləliklə, elektron xidmətdən istifadə həm bank işçilərinin sayını azaldır, həm də onların filiallarının sayının azalmasına gətirib çıxarır.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...