"Bahalı şəhər" - Bakının turizminə ciddi əngəl...

Tarix: 11.07.2014 / 09:59
Bölmə: İqtisadiyyat

Paytaxt Bakı müxtəlif reytinq qiymətləndirmələrinə görə dəfələrlə dünyanın ən bahalı şəhərləri sırasında yer alıb. Son illərin statistitkasına nəzər saldıqda qeyd edilənlərin real təsdiqini görmək olar. "Mercer" Beynəlxalq Konsaltinq Şirkətinin açıqladığı növbəti illik reytinq cədvəlində də Bakı yenə bahalı şəhərlər sırasında yer alır. Yeni siyahıda dünyada əcnəbilər üçün ən bahalı şəhərlər siyahısına Afrikanın iki şəhəri başçılıq edir.
Anqolanın paytaxtı Luanda və Çadın paytaxtı Ncamena əslində elə də varlı sayılmasalar da, siyahının başında dururlar. Reytinqdə Afrikadan sonra Avropa və Asiya şəhərləri gəlir. Honq Konq 3-cü, Sinqapur 4-cü yerdədir. Sürix 3 pillə irəli çıxaraq beşinci yerdə qərarlaşıb. Cenevrə 6-cı yerdədir. Tokio dörd pillə düşərək 7-ci yeri tutub. Pakistan əcnəbilər üçün ən ucuz məkan sayılır. Reytinqin hesablandığı 211 şəhər içində Karaçi sonuncu yerdə qərarlaşıb. Onu da bildirək ki, reytinq müəyyən olunarkən 211 şəhərdə 200 məhsul və xidmətin qiyməti müqayisə olunub. Buraya ev, nəqliyyat, ərzaq, geyim, ev əşyaları və əyləncə xərcləri daxildir. Siyahıda Moskva 9, Bakı 46, İrəvan 187, Tiflis 194-cü bahalı şəhərdir. Keçən il Bakı 57-ci yerdə idi. Bir il ərzində 11 pillə irəliləyib və daha bahalı şəhər olub. Bahalığa görə Bakı bəzi Avropa şəhərlərindən öndə gedir. Belə ki, Praqa 92, Brüssel və Lüksemburq 56, Berlin 68-ci yerdədir.
Bundan əvvəl isə "ECA İnternational" beynəlxalq agentliyinin reytinq cədvəlində Bakı dünyanın bahalı şəhərləri arasında 32-ci yerdə qərarlaşmışdı. Ekspertlər Bakının bahalı olmasını müxtəlif səbəblərlə izah edir. Faktdır ki, paytaxt Bakı Azərbaycanın ən inkişaf etmiş şəhəridir. Demək olar ki, şəhərə hər il milyardlarla dollar sərmayə qoyulur. Əsas aparıcı iş yerləri, ali təhsil müəssisələri paytaxtın payına düşür. Bundan əlavə, rayonlardan fərqli olaraq, paytaxtda yaşayış standartlarının yüksək olması kənd əhalisini də buraya köçməyə vadar edir. Bakıya çox yaxın məsafədə yerləşən Sumqayıt, Xırdalan şəhərləri də infrastruktura görə paytaxta uduzur. Bu və digər proseslərin məntiqi nəticəsidir ki, Bakı şəhəri həm yerli, həm də xarici investorların diqqət mərkəzində olur. Əksər beynəlxalq tədbirlər, yarışlar paytaxtda keçirilir. Nəticədə əsas biznes strukturları Bakıda cəmləşir. Bu da bahalaşma əmsalının getdikcə yüksəlməsinə səbəb olur.
Ekspertlər Bakını bahalı şəhər edən amillərdən biri kimi ölkəmizə idxal edilən məhsulların qiymətlərinin yüksək olmasını göstərir. İdxal edilən məhsulların baha olması ərzaq və xidmət sektorundakı qiymətlərin yüksəlməsinə gətirib çıxarır. Bakıda mənzillərin və qeyri-ərzaq məhsullarının qiymətlərinin baha olduğuna diqqət çəkən ekspertlər bildirir ki, xidmət sahəsinin də kifayət qədər bahalılığı danılmaz həqiqətdir. Mənzil satış qiyməti də Bakının bahalı şəhər olmasını şərtləndirən əsas amillər sırasındadır. Bakı şəhərində ən ucuz 1 otaqlı mənzil bazara 40 min ABŞ dollarına təklif edilir. Bundan ucuz qiymətə tapmaq mümkün deyil. İstisna hal kimi Suraxanı, Xırdalan kimi ərazilərdə 35 min dollara 1 otaqlı mənzil satışa çıxarılır. Amma kütləvi şəkildə təklif olunan əmlaklar 40 min dollardan yuxarı rəqəmlərdir.
Lakin problem ondadır ki, paytaxtımızın bahalı şəhər olması xarici ölkələrdən gələn turist axınına mənfi təsir edə bilər. Qeyd edək ki, bu amil yerli turistlərin seçiminə artıq təsir edib. Yerli turistlər ölkə daxilində istirahət etmək əvəzinə Türkiyənin, Gürcüstanın kurort şəhərlərinə səfər etməyə üstünlük verir. Bakının müxtəlif təşkilatlar tərəfindən bahalı şəhər kimi göstərilməsi əcnəbilərin də ölkəmizə gəlişinə mənfi təsir göstərmək iqtidarındadır. Qeyd edək ki, Azərbaycanda, xüsusən Bakıda istehlak qiymətləri, gündəlik tələbat qiymətləri də yüksəkdir. Araşdırmalar onu da göstərir ki, son 10 ildə dövlət büdcəsinin təxminən 20 dəfəyə yaxın artması da Bakıya qoyulan vəsaitlərin artırılmasını sürətləndirib. Ölkəyə xarici valyutanın axını da bahalaşmanın səbəblərindən biridir. Son illərdə Azərbaycana, xüsusən Bakıya xarici valyutanın axını da sürətlənib. Xarici valyuta axını, xarici iş adamlarının Azərbaycana gəlməsi və onların burada tələbatın formalaşmasında iştirakı və sair qiymətlərin artmasında rol oynayan müəyyən amildir. Qoyulan vəsaitlərin müəyyən hissəsinin Bakıya sərf olunması, yatırımların daha çox Bakı-Abşeron yarımadasına qoyulması da paytaxtı bahalı şəhərə çevirməkdədir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...