Unun bahalaşması çörəyin qiymət məsələsini yenidən gündəmə gətirdi

Tarix: 09.07.2014 / 09:33
Bölmə: İqtisadiyyat

Azərbaycanda hələ taxıl yığımı başa çatmamış, artıq unun qiymətində bahalaşma müşahidə olunur. Məsələ ondadır ki, artıq paytaxtın topdansatış mərkəzlərində unun bahalaşması halları qeydə alınıb.
Yayılan məlumatlara görə, 50 kiloluq un kisəsinin qiymətində 60 qəpiyədək artım qeydə alınıb. Bakıda digər topdansatış mərkəzlərində də unun bahalaşması halları müşahidə olunur. Ölkədə un istehsalı və idxalı ilə məşğul olan aparıcı şirkətlər bildiriblər ki, əlli kiloluq un kisəsinin qiyməti 30-60 qəpik artıb.
Maraqlıdır ki, Kənd Təsərrüfatı Nazirliyinin mətbuat xidmətinin rəhbəri Murtuzəli Hacıyev mətbuata açıqlamasında bu il taxılla bağlı ölkədə problem yaşanmayacağını deyib: "İyunun birinə olan statistik məlumata görə, 1 milyon 6 min hektar sahənin 75 faizi biçilib. Yəni biçilmə 758 min hektar sahədə gedib. Respublika üzrə 1,7 milyon ton taxıl istehsal olunub. Fermer və sahibkarlardan standartlara uyğun olaraq, taxılın qəbul olunması haqqında müraciət olunub. Müraciətə əsasən 1 tonun qiyməti 340 AZN olmaqla taxıl alınır. Hələ ki, buğdanın, unun və çörəyin qiymətinin artımı gözlənilmir".
Düzdür, Azərbaycan una olan tələbatını əsasən idxal hesabına təmin edir. Ancaq bütün hallarda, yığım mövsümünün başa çatmadığı bir dövrdə qiymətlərin qalxması nə vəd edir? Bunun səbəbləri nədir? Bu, nəticə etibarilə çörəyin bahalaşmasına gətirib çıxaracaqmı?
Sözügedən məsələni dəyərləndirən kənd təsərrüfatı üzrə ekspert Vahid Məhərrəmov bunu dünya bazarında taxılın qiymətinin artması ilə izah edir. Onun fikrincə, taxılın qiymətinin artmasına bir çox amillər təsir edir: "Bu il Amerikada quraqlıq ilidir. Bir müddət əvvəl isə Ukraynada baş verən hadisələr taxılın qiymətində 20 faiz artıma səbəb olmuşdu. Ona görə də dünya bazarında taxılın istehsalı müəyyən qədər azalıb. Bu da avtomatik olaraq buğda və unun bahalaşmasına səbəb olur. Azərbaycanın taxıl aldığı ölkələrdə isə hazırda vəziyyət stabildir. Ona görə də hələlik bizim üçün təhlükə azdır. Biz taxılı Qazaxıstandan alırıq. Ötən il Qazaxıstandan 850 min ton taxıl idxal etmişik. Rusiyadan isə 550 min ton taxıl almışıq. Hazırda Qazaxıstanda vəziyyət stabildir. Ona görə də orada buğda artımı ehtimal olunmur".
V.Məhərrəmovun açıqlamasından o da məlum olub ki, bu il Azərbaycanda az məhsul gözlənir: "Bu isə vəziyyəti müəyyən mənada çətinləşdirə bilər. Ötən ilə nisbətən bizdə 600 min ton az məhsul götürüləcəyi ehtimal olunur. Təxminən hər hektarda 5 sentner az məhsul götürəcəyik. Bu da, əlbəttə, daxili bazara təsir edəcək. Çünki o qədər məhsulu xaricdən idxal etməliyik. Ona görə də daha çox taxıl idxal olunacağı ehtimal edilir. Yaxud da 500 min ton buğda rezervindən istifadə olunmalıdır. Taxılın və unun qiymətində artım olarsa, avtomatik olaraq əhaliyə satılan çörəyin də qiyməti qalxacaq".

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...