«Yaşıl Bakı»nın ardınca mənzil bazarında yeni sıçrayış gəlir

Tarix: 08.07.2014 / 10:56
Bölmə: İqtisadiyyat

Yaxın tezlikdə bahalaşmaqda olan evlərin qiymətində növbəti sıçrayış baş verə bilər. Söhbət paytaxtda aparılan söküntü işlərinin genişlənməsi nəticəsində mənzil bazarına yeni ev almaq üçün daha çox insanın üz tutacağının gözlənilməsindən gedir. Bakıda isə sökülən ərazilərdə əsas etibarı ilə yaşıllıqlar salınacaq. Dövlət Şəhərsalma və Arxitektura Komitəsinin Beynəlxalq əlaqələr və informasiya şöbəsinin müdiri Cahangir Qocayev bildirir ki, Bakının regional inkişaf planına uyğun olaraq, paytaxtda 40 min hektar ərazidə yaşıllıq salınacaq.
Onun sözlərinə görə, bu yaşıllıq planı Abşeron daxil olmaqla salınacaq. Təkcə Bakı ilə bağlı 36 min hektar yaşıllıq olacaq ki, bunun əksər hissəsi Bakıətrafı ərazilərə düşəcək: «Hazırda yaşıllaşdırma işləri aparılır. Paytaxtın «20-ci sahə» adlanan ərazisində əsasən neftdən çirklənmiş ərazilər təmizlənir və ağaclar əkilir». O da vurğulanır ki, yaşıllıq salmaq üçün normal ərazilərdən biri «Sovetski» ərazisidir. Artıq bu, paytaxtın regional planında bəyənilib və qəbul olunub. Ərazinin hansı hissəsinin nə vaxt köçürüləcəyi, planın tam olaraq nə vaxt reallaşdırılacağı isə yerli icra hakimiyyəti orqanlarından asılıdır. «Bakının və ətraf qəsəbələrin sosial-iqtisadi inkişafı» ilə bağlı proqramda həmin rayonun abadlaşdırılması ilə bağlı müddəalar yer alıb. Belə ki, sənədə görə, planda həmin ərazilərin 2030-cu ilə qədər abadlaşdırılması nəzərdə tutulur. Lakin ola bilsin ki, bu proqramın tərkibində plan qısa müddətdə də reallaşsın. Ötən il yanvarın 1-dən qüvvəyə minən Şəhərsalma və Tikinti Məcəlləsinin tələblərinə görə, abadlaşdırılan ərazinin layihəsi hazırlanmalı və həmin layihə Dövlət Şəhərsalma və Arxitektura Komitəsində bəyəniləndən sonra yerli icra hakimiyyətləri onların reallaşdırılması ilə bağlı qərar verməlidir. Bu istiqamətdə də müəyyən işlər gedir və bunlar söküntü işlərinin miqyasını daha da genişləndirəcək. Sözsüz ki, bu da mənzillərin qiymətini artıracaq. Xatırladaq ki, paytaxtın «Sovetski» adlanan ərazisində evlərin sökülməsi fonunda mənzillərin qiyməti onsuz da artır. Digər tərəfdən, sökülən ərazilərdə kompensasiyaların paylanması və söküntüyə start verilməsi daşınmaz əmlak bazarında qiymətləri daha sürətlə artırır. Söküntü ilə ilgili qiymətlərin daha çox bahalaşması da gözlənir. O da bəllidir ki, söküntü işləri, «Sovetski» ilə yanaşı, «Papanin», «Xutor» və «Kubinka» kimi əraziləri də əhatə edəcək. Özü də sökülən ərazilərdə mənzillər yox, yaşıllıq və sosial obyektlər inşa ediləcək. «Sovetski»də isə, Qış bulvarının davamı olaraq, həmin ərazi abad bir parka çevriləcək. Qeyd olunduğu kimi, söküləcək ərazidə ayrı-ayrılıqda yalnız istirahət parkları və sosial obyektlər tikiləcək. Təxminən 50 hektar ərazini əhatə edəcək söküntü işləri zamanı bir sıra yeni tikilən çoxmərtəbəli binaların da sökülməsi gözlənir.
Beləliklə, daha çox insanın evə ehtiyacı yaranacaq və bu o deməkdir ki, mənzil bazarında tələb həmişəkindən daha çox artacaq. Bazar isə bu tələbi qarşılaya biləcək həddə deyil. Artıq bazarda mövcud vəziyyətin təhlili tələb və təklif arasında daha böyük disbalans yarandığını göstərir. Ekspertlər hesab edir ki, qiymətlə bağlı artımlar cari ilin sonuna kimi və daha sonra da davam edəcək. Göstərildiyi kimi, mənzillərin qiymətinin artması təbii olaraq tələbatın yüksəlməsi ilə bağlıdır. Tələbat yüksəkliyi birmənalı olaraq qiymət artımı ilə nəticələnir. Mənzil bazarında təkliflərin azalması da qiymət artımına səbəbdir. Təkliflərin azalması isə yeni tikililərin azalması ilə bağlıdır. Bu, təklif qıtlığı yaradır. Digər tərəfdən, tikinti şirkətləri bank kreditləri götürməkdə problemlərlə üzləşir, bu da onların tikinti işi ilə məşğul olmasında çətinliklər yaradır. Eyni zamanda, qiymət artımı hələ də Bakıda aktiv ipoteka siyasətindən istifadə edilməsi ilə bağlıdır. Azərbaycanda aktiv ipoteka siyasəti tələbatın artmasına, tələbat artımı da birbaşa olaraq qiymət artımına şərait yaradır. Ekspertlər mənzil bazarında süni qiymət artımının da danılmaz olduğunu qeyd edir. Belə ki, mənzil satışı ilə məşğul olanların süni şəkildə qiymətləri artırması müşahidə edilir. Bu prosesin il ərzində davam edəcəyi əksər ekspertlər tərəfindən proqnozlaşdırılır.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...