Köhnə maşınların bahalaşması daha da sürətlənir

Tarix: 07.07.2014 / 09:50
Bölmə: İqtisadiyyat

«Avro-4» standartının tətbiqi və köhnə maşınların satış tempinin yüksək olması bazarda öz nəticələrini getdikcə daha qabarıq formada büruzə verir. Belə ki, köhnə maşınlara tələbat artır və onların qiyməti durmadan yüksəlir. Lakin tələbat artsa da, bazar artıq bunu lazımi təkliflə qarşılamaq gücündə deyil. Xatırladaq ki, Azərbaycana köhnə maşınlar əsasən Gürcüstandan gətirilirdi. Lakin indi gətirilən maşınların sayı xeyli azalıb.
Belə ki, cari ilin ilk 5 ayı ərzində qonşu Gürcüstandan ölkəmizə 121,7 milyon dollar dəyərində 10 min 927 ədəd avtomobil gətirilib. Gürcüstan Milli Statistika Xidmətinin yaydığı statistik məlumat göstərir ki, ötən ilin eyni dövrü ilə müqayisədə Gürcüstandan Azərbaycana ixrac olunan avtomobillərin sayı 31% və ya 4 min 932 ədəd azdır. Ölkəyə gətirilən avtomobillər üçün ödənilən vəsait isə ötən illə müqayisədə daha az azalıb. Belə ki, 2013-cü ilin ilk 5 ayında 15 min 859 avtomobil üçün 152,4 milyon dollar ödənilibsə, bu ilin ilk 5 ayında bu vəsait 20,4% və ya 30,7 milyon dollar azalıb. Bu isə o deməkdir ki, ötən il Gürcüstandan gətirilən bir ədəd avtomobilin orta qiyməti 9 min 610 dollar olduğu halda, bu il 11 min 137 dollar təşkil edib. Nəticədə ötən ilin yanvar-may ayları ilə müqayisədə bu ilin ilk 5 ayında Gürcüstandan gətirilən avtomobillərin qiymətində 16% artım baş verib. Bütün bunlar avtomobil bazarında da özünü qabarıq göstərir və bahalaşma yaşanması ilə müşayiət olunur. Ümumiyyətlə, son aylarda avtomobil bazarında ciddi gərginlik yaşanır. «Avro-4» standartının tətbiqi ilə əlaqədar ölkədə olan 1999-2003-cü il Almaniya istehsalı avtomobillər 15-20% bahalaşıb. Ümumiyyətlə, «Avro-4» standartı tətbiq edilməzdən öncə Azərbaycana ayda təqribən 2500 avtomobil gətirilirdisə, indi bu göstərici iki dəfəyə kimi aşağı düşüb. Köhnə avtomobillərin bahalaşması isə, əslində, hələ yeni standart tətbiq edilməzdən əvvəl başlandı. Ekspertlər proqnozlaşdırırdı ki, «Avro-4»lə bağlı qanun qüvvəyə mindikdən təxminən 3-4 ay sonra qiymətlər yenidən düşəcək. Çünki aprelin 1-ə kimi Azərbaycana kütləvi avtomobil gətirilməsi müşahidə olunurdu. Amma bu da qiymətlərin yüksəlməsinin qarşısını ala bilmədi.
Hazırda istehsal tarixi 2005 və ondan sonrakı ilə təsadüf edən maşınların ölkəyə idxalı həyata keçirilir. Dövlət Gömrük Komitəsinin sədri Aydın Əliyev də qeyd edib ki, «Avro-4» ekoloji standartına keçiddən sonra gömrük-keçid məntəqələrindən Azərbaycana gətirilən avtomobillərin sayında azalma müşahidə olunur. O qeyd edib ki, avtomobillərin metal konstruksiyalarında da azalma müşahidə edilir. Yeri gəlmişkən bildirək ki, bu fonda köhnə maşınların detalları da bahalaşır. Ümumiyyətlə, xaricdən avtomobil idxalına məlum məhdudiyyətlərin tətbiqindən sonra Bakıdakı avtomobillərin ehtiyat hissələri bazarında bahalaşma müşahidə olunur. Söhbət məhz köhnə sayılan avtomobillərin ehtiyat hissələrindən gedir. Sürücülər arasında «ölüxana» adı ilə tanınan bazarlarda da xaricdən gətirilən ehtiyat hissələrilə yanaşı, qəza nəticəsində yararsız vəziyyətə düşmüş avtomobillərdən sökülmüş avadanlıqların da qiyməti qalxıb. Bu isə bazarda alıcılıq qabiliyyətini xeyli zəiflədib. Qeyd edək ki, bahalaşma ən çox alman istehsallı maşın ehtiyat hissələrində müşahidə olunur. Bununla yanaşı, sürücülər əksər ehtiyat hissələrinin, yeniləri olmadığından, işlənmişlərini almaq məcburiyyətində qalır. Bəzən də ehtiyat hissələrin yenilərinin bahalığı, yaxud keyfiyyətsizliyi ucbatından sürücülər, işlənmiş olsa belə, orijinal hissələri alırlar. Bu da onunla bağlıdır ki, adətən avtomobil xaricdən alınıb gətirilir, sonradan burda sökülürdü və bazarda hissələr şəklində satılırdı. İndi isə ölkəyə ikinci əl avtomobillər gətirilmədiyindən qıtlıq yaranıb və nəticədə qiymətlər yüksəlib. Nəzərə almaq lazımdır ki, Azərbaycanda utilizasiyaya verilən maşınlar da çox azdır, hətta yox səviyyəsindədir. Ona görə də, ikinci əl avtomobil ehtiyat hissələri bahalaşıb.
Hesablamalara görə isə, ölkədə olan avtomobillərin təxminən 750 mini 2005-ci ildən əvvəl istehsal olunan maşınlardır və onların sayı ildən-ilə azalır. O da vurğulanır ki, 2005-ci ildən əvvəl istehsal olunan avtomobillərin sayının azalması onların qiymətinə təsir edən amillər sırasındadır. Məsələ ondadır ki, hazırda insanlar bazara daha ucuz avtomobil almaq üçün üz tutur.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...