Qızıl bazarımızda alver "ölür"

Tarix: 03.07.2014 / 06:17
Bölmə: İqtisadiyyat

Azərbaycan bazarlarında qızılın qiymətində son günlər daha çox artım qeydə alınmaqdadır. Ekspertlər bunu birbaşa dünya bazarında baş verən hadisələrlə əlaqələndirir.
Hesab edilir ki, dünya bazarlarında qızılın qiymət artımı Azərbaycana ciddi surətdə təsir etməkdədir. Qeyd edək ki, qızıl qiymətləri İraqda gərginliyin artması və dolların digər pul vahidləri qarşısında dəyər itirməsinin təsiri ilə son üç ayın ən yüksək səviyyəsinə çıxıb. Qızılın unsiyasının qiyməti 1332 dollara qalxaraq martdan bu yana ən yüksək səviyyəyə çatıb. Maliyyə məsləhətçiliyi şirkəti olan "Phillip Futures"in sərmayə analitiklərindən Hyu Li qeyd edir: "Bu rübdə qızılın bir çox naməlum hadisələrin təsirilə yüksəlişini davam etdirəcəyini gözləyirik. Belə hadisələr deyilərkən İraqdakı kimi olaylar nəzərdə tutulur". "Morgan Stanley" analitiklərinə görə, qızılın yüksəlişi davam edəcək. Analitik Жoel Kreyn məsələ ilə bağlı bildirir: "Bu il qızılın bahalaşmasını davam etdirəcək proseslər baş verəcək. Yüksək faiz və dollardakı məzənnə itkisinin qızılın qiymətinin artmasına təzyiq edəcəyi gözlənir. Qarşıdakı dövrdə qızılın dəyərinin qalxmasını müşahidə edə bilərik".
Dünya bazarında qızılın qiymətinin qalxması, qeyd olunduğu kimi, ölkəmizə də təsirsiz ötüşmür. Qızıl ticarəti ilə məşğul olanların sözlərinə görə, bahalaşma həm xam qızılın, həm də hazır əşyaların qiymətində müşahidə olunur. Zərgərlərin sözlərinə görə də, bahalaşmaya dünyada qızılın qiymətinin artması səbəb olub. Ölkəmizdə bütün əyarlar üzrə qızıldan olan zinət əşyalarının qiymətində artım var. Əvvəllər 585 əyarlı qızılın bir qramı 28-29 manat idisə, hazırda bu əyarda olan qızıl məmulatın qramı 31-32 manata satılır. Bir qramı 38-40 manata təklif olunan 750 əyarlı qızılın qiyməti isə hazırda 42-45 manat arasında dəyişir. Satıcılar deyir ki, qiymətlərin qalxması ilə əlaqədar alıcılığın səviyyəsində, cüzi də olsa, fərq var. Lakin qızıl məmulatlarının bahalaşması bazarda alıcılığa mənfi təsir göstərib. Eyni zamanda, Ramazan ayının başlaması tələbatın azalması ilə nəticələnib. Satıcılar isə alıcıları itirməmək üçün bir sıra addımlar atmaq niyyətindədir.
Digər tərəfdən nəzərə almaq lazımdır ki, Azərbaycanda zinət əşyalarına tələbat mövsümi xarakter daşıyır. Bu, daha çox toyların artması ilə əlaqədardır. Belə ki, Azərbaycanda, ənənəyə uyğun olaraq, toylar isti aylara, payız aylarına düşdüyü üçün adətən, kənar təsirlər olmasa belə, ölkənin daxili tələbatından doğan səbəblərdən yaz-payız aylarında qızılın bahalaşması hiss olunur. Xatırladaq ki, bazarda qızıl əsasən istehlak məqsədlərilə istifadə olunur. Ona görə də, istehlakçılar qiymət artımından əziyyət çəkəcək. Çünki qızıl almağa daha çox vəsait sərf etməli olacaqlar.
Mütəxəssislər hesab edir ki, qızılın bahalaşmasını investorların qiymətli metala marağının artması şərtləndirir. Dolların və avronun dəyərdən düşəcəyindən ehtiyatlanan sərmayədarlar vəsaitlərini qızıla yatırmağa və bununla özlərini sığortalamağa çalışır. Məhz bu səbəbdən qızıl da bahalaşır. Mütəxəssislərin fikrincə, maliyyə böhranı uzandıqca qızıl daha da bahalaşacaq. Qiymətlərin bahalaşmasında əsas amillərdən biri dünya iqtisadiyyatı üçün gözlənilən təhlükələr hesab olunur. İnvestorlar bu təhlükələri artıq hiss etməkdədir. Avropanın Rusiyaya tətbiq etdiyi sanksiyalar da bu fonda vəziyyətə təsir edir.
Qızılın bahaalşmasından qazanan tərəflərdən biri isə Dövlət Neft Fondudur. Düzdür, Dövlət Neft Fondu qızıl alışını sonralar alqı-satqıdan mənfəət götürmək üçün deyil, ölkənin strateji qızıl ehtiyatının yaradılması üzrə qarşıya qoyulmuş tapşırığa uyğun olaraq həyata keçirir. Qeyd edim ki, son satınalmalar ARDNF-ə ucuz, təxminən 1200 dollara başa gəlib ki, bu da bu qiymətli metalın dünya qiymətlərinin aşağı düşməsi ilə bağlı olub. İndi isə qiymətlərin bahalaşması Dövlət Neft Fondunun əlavə vəsait əldə etməsinə səbəb olur.
Xatırladaq ki, Dövlət Neft Fondu aktivlərin beş faizə qədərini qızılda investisiyalaşdıra bilər. Bundan əvvəl iki il ərzində 30 ton qızılın alınması haqqında qərar qəbul edilib. Eyni zamanda Azərbaycanın Gədəbəy rayonunda qızıl hasilatı həyata keçirilir. Hasil olunan qızıl da başqa ölkələrə ixrac olunur və deməli, ixrac baxımından da fayda əldə olunacaq.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...