Regionlarda icbari sığorta problemi yenidən gündəmdə...

Tarix: 03.07.2014 / 05:21
Bölmə: İqtisadiyyat

Azərbaycanda mənzillərin və avtomobillərin icbari sığortası tətbiq edilsə də, maşınlardan fərqli olaraq, evlərlə bağlı bu hal o qədər də geniş yayılmayıb. Xüsusən də regionlarda evlərin icbari sığortası ilə bağlı vəziyyət o qədər də ürəkaçan deyil. Bu isə regionlarda meydana çıxan problemlər zamanı evlərə dəyən zərərə görə, daha çox, dövlətin xərcə düşməsinə səbəb olur.
Regionlarda son təbii fəlakətlər, o cümlədən əsən güclü küləyin vurduğu zərər və baş verən sonuncu zəlzələ bu məsələni yenidən aktuallaşdırıb.
Xatırladaq ki, daşınmaz əmlakın icbari sığortası əmlakı yanğın, ildırım düşməsi, məişətdə və istehsalatda istifadə olunan qazın partlayışı, elektrik naqillərində baş verən qısa qapanma, buxar qazanları, qaz anbarları, qaz kəmərləri, maşınların, aparatların və digər oxşar qurğuların və ya cihazların partlayışı, yerüstü nəqliyyat vasitəsinin dəyməsi, təbii fəlakətlər və sair risqlərdən sığortalayır. Ekspertlər region əhlinin əmlakın icbari sığortasına bu cür biganəliyini müxtəlif səbəblərlə izah edir. Qeyd olunur ki, avtomobillərin icbari sığortasından fərqli olaraq, əmlakın icbari sığortasında nəzarət mexanizmləri nisbətən zəifdir. Bu onunla bağlıdır ki, avtomobilini sığorta etdirməyənlərə qarşı konkret cəza tədbirləri var. Bunlar həm DYP tərəfindən cərimə edilməsi, eləcə də avtomobillərin alqı - satqısı zamanı icbari sığorta olmadığı halda bu prosesə icazə verilməməsi, texniki baxış zamanı icbari sığortanın məcburi olması kimi nəzarət mexanizmləridir. Amma mənzillərin icbari sığortasında bu cür nəzarət mexanizmləri yoxdur. Vətəndaş əmlakını sığortalamaqdan imtina etdiyi halda əmlakın sığortalanmasına məsul olan qurum həmin vətəndaş qarşısında böyük cəza tədbirləri həyata keçirmək imkanlarına malik deyil. Ona görə də nəzarət baxımından əmlakın sığortalanması avtomobil sığortalanmasından daha zəifdir. Belə fikirlər də səslənir ki, vətəndaşların heç də hamısının əmlakını sığortalamaq üçün maddi imkanı yoxdur.
Əslində, mütəxəssislər deyir ki, Bakıda da adi mənzil sahibləri arasında sığortaya maraq böyük deyil. Daha çox bahalı evlər, yəni villalar, ipoteka ilə alınmış mənzillər sığortalanır. Digər mənzil sahibləri isə buna o qədər maraq göstərmir. Risklərin reallığına, sığorta xərclərinin aşağı olmasına və maarifləndirmə tədbirlərinə baxmayaraq, vətəndaşların əksəriyyəti sığortanın bu növündən istifadə etmir. Nə qədər təəccüblü olsa da, ekspertlərin fikrincə, daşınmaz əmlakın icbari sığortasına mane olan əsas səbəblərdən biri məhz təbii fəlakətdən zərər çəkən vətəndaşlara dövlətin göstərdiyi yardımdır. Beləliklə, Azərbaycanda daşınmaz əmlakın icbari sığortasını nəzərdə tutan "İcbari sığortalar haqqında" Qanunun qəbul edilməsindən keçən təqribən il yarım ərzində aparılan maarifləndirmə, təbliğat və izahat işlərinə baxmayaraq, ölkədəki əmlakın cüzi hissəsi sığortalanıb. Düzdür, ötən illərə nisbətən bu işə maraq müəyyən qədər artıb. Məsələn, son araşdırmalara görə, Şəki-Zaqatala bölgəsində 2012-ci ildə baş verən zəlzələ yerli sakinlərin sığortaya münasibətini dəyişməyə başlayıb. Həmçinin, Baləkən rayonunda evini və avtomobilini sığortayanların sayı artıb. "Azərsığorta" şirkətinin Balakən filialının direktoru Şamil Xəlilov "fins" portalına deyib ki, ilin ilk 6 ayı ərzində 320 ev sığortalanıb. Sığortalanan evlərin 50-60 faizini 2012-ci il zəlzələsi zamanı dağılan evlərin sahibləri üçün FHN tərəfindən tikilənlər təşkil edir. Ş.Xəlilov qeyd edib ki, ötən zəlzələyə baxmayaraq, əhalinin sığortaya, xüsusilə də evlərini sığortalamağa marağı azdır: "Düşünürlər ki, zəlzələ nəticəsində ev uçsa, hər hansı bir dağıntı olsa, ölkə rəhbərliyi onlara yeni ev tikəcək. Ona görə də evlərini sığortalamaq istəmirlər. Doğrudur, bəzi vətəndaşlar evləri uçandan sonra sığorta haqqında fikirləşir". Onun sözlərinə görə, ötən ilə nisbətən həm evlərin, həm də avtomobillərin icbari sığortasında 10-15 faizlik artım var. Filial direktoru hesab edir ki, evlərin icbari sığortasının artımına 2012-ci ildə baş verən zəlzələ səbəb olduğu halda, avtomobillərin sığortasının artımına rayona yeni avtomobillərin gətirilməsi təsir edib.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...