Bakıda "Xruşşovka" və "Stalinka"ların qiyməti yenidən qalxmağa başladı

Tarix: 03.07.2014 / 09:17
Bölmə: İqtisadiyyat

Mənzil bazarında baş verən proseslərin təhlili burada maraqlı məqamların olduğunu üzə çıxarıb. Söhbət yeni mənzillərdə qiymət artımının dayandığı bir vaxtda köhnə evlərin bahalaşmasının daha sürətli xarakter almasından gedir. 2014-cü ilin ilk yarısı üzrə də bazarın təhlili qeyd edilənləri təsdiqləyir.
Araşdırmalar bir daha göstərir ki, əmlak bazarında qiymətin sıçrayışlı artım səbəbi yenə də daşınmaz əmlak bazarında pul kütləsinin artımı, təklif portfelinin davamlı azalması, Bakı şəhərində "Sovetski" adlanan ərazidəki evlərin sökülməsi barədə verilən qərar və mənzil tikintisi seqmentində müşahidə edilən durumla bağlıdır.
Ekspert araşdırmalarına görə, ötən ay ərzində təkrar bazarda iki mindən çox yaşayış mənzili satışda olub. Təklif portfelində mərkəzi rayonlar mərkəzdən kənar rayonlarla müqayisədə mütləq üstünlük təşkil edib. Bu da ərazinin sosial durumundakı fərqlərlə izah edilir. O da məlum olub ki, təklif portfelində köhnə mənzillərin payı azalmağa doğru gedir. Azalma əsasən "Alman", "Xruşşovka", "Kiyev" "Stalinka" layihəli binalarda müşahidə olunur. Təklif olunan mənzillərin sayındakı dəyişikliklər əsasən bütün növ mənzillərin payına düşüb. Bütün bunlar köhnə evlərin qiymət artımı ilə müşahidə olunur. Belə evlərin orta satış qiyməti 85-95 min ABŞ dolları arasında dəyişir. Bazarın tendensiyasını şərh edən mütəxəssislər də qeyd edir ki, təkrar mənzil bazarında şəhər üzrə mənzillərin qiymətində , əvvəlcədən gözlənildiyi kimi, artım müşahidə edilib. Aparılan araşdırmalardan o da məlum olur ki, ölkə əhalisinin gəlirləri artdıqca mənzil şəraitlərini yaxşılaşdırmağa üstünlük verirlər. Mənzil bazarında qiymət artımı bank depozit faizlərini üstələdiyindən, investorlar bu bazara daha çox üstünlük verməyə meyllidirlər. Eləcə də Rusiya və Ukraynada baş verən hadisələr Azərbaycan daşınmaz əmlak bazarına pul kütləsinin təzyiqinin artımına səbəb olub. Mənzil tikintisi bazarında bazar iştirakçılarının sayı azaldıqca, süni qiymət artımı imkanları daha da çoxalır.
Bundan başqa, ipoteka ilə alınan mənzillərin 80%-i təkrar mənzil bazarına aid olduğundan, tələbat əsasən bu seqmentədir ki, nəticədə artım əsasən köhnə tipli mənzillərdə müşahidə olunur. Digər tərəfdən, ipotekaya yönəlmiş bu mənzillər girov qoyulduğundan, artıq 25 il müddətinə onların dövriyyəsi mümkün sayılmır. Bu da nəticədə daşınmaz əmlak bazarında müəyyən məhdudlaşmaya səbəb olur. Bu isə, öz növbəsində, ilkin mənzil bazarına tələbi artırır. Bütün bunlar və üstəgəl inflyasiya həddi isə mənzil bazarına təsirsiz ötüşmür. Təbii ki, ölkədə inflyasiya getdikcə qiymətlər də artır.
O da vurğulanır ki, əvvəllər yaz-yay mövsümündə evlərin qiymətində kəskin bahalaşma qeydə alınmırdı. Eyni zamanda, kirayə evlərin qiyməti də bu mövsümdə sabit olurdu. Lakin son aylarda vəziyyət dəyişib. Bakıda söküntü işləri davam etdikcə qiymətlərin artması qaçılmaz olacaq. Xatırladaq ki, söküntü işləri "Sovetski" və Bayıl ilə yanaşı, "Papanin", "Xutor" və "Kubinka" kimi əraziləri də əhatə edəcək. Özü də sökülən ərazilərdə mənzillər yox, yaşıllıq və sosial obyektlər inşa ediləcək. "Sovetski"də isə, Qış bulvarının davamı olaraq, həmin ərazi abad bir parka çevriləcək. Qeyd olunduğu kimi, söküləcək ərazidə ayrı-ayrılıqda yalnız istirahət parkları və sosial obyektlər tikiləcək. Təxminən 50 hektar ərazini əhatə edəcək söküntü işləri zamanı bir sıra yeni tikilən çoxmərtəbəli binaların da sökülməsi gözlənir. Bütün bunlar mənzil bazarında bahalaşmanı sürətləndirir.
Onu da bildirək ki, "Sovetski" məhəlləsində evlərini müəyyən edilmiş şərtlərlə satmaq istəyən ailələrin sayı durmadan artır. Burada köçürülmə işləri yalnız könüllülük əsasında, hər kvadratmetr sahəyə 1500 manat verilməsi ilə aparılır. Söküntü ərazisinə düşən 3 300 ünvanda daşınmaz əmlak obyektlərində dəqiq ölçü işlərinin aparılır və artıq 200-dən çox mənzil və qeyri-yaşayış sahəsi sökülüb. Qeyd edək ki, "Sovetski" məhəlləsində ümumilikdə 10 minə yaxın ailə yaşayır. Burada söküntü işlərinin tam reallaşdırılması isə hələ müəyyən müddət mənzil bazarında qiymət artımına rəvac verəcək. O da maraqlıdır ki, mənzil sahibi olmaq istəyən insanlar təzə tikililərdəki evlərdənsə, köhnə, amma rahat infrastruktura malik mənzillərə daha çox üstünlük verir.

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...