Rayonlarda pos-terminalların problemi...

Tarix: 02.07.2014 / 11:51
Bölmə: İqtisadiyyat

Rəşad Həsənov: "Pos-terminallar hər yerdə olarsa, vətəndaşlarımızla yanaşı, ölkəyə gələn xarici vətəndaşlar da bu xidmətdən rahatca istifadə edə bilər"

Yay fəslində turizm sahəsində ciddi canlanma baş verir. İstirahət üçün ölkəyə gələn turistlər alış-verişi əsasən kart vasitəsilə həyata keçirir. Paytaxt Bakıda turistlərin alış-verişini rahat edən pos-terminalların sayı yetərincədir. Amma rayonlarda vəziyyət nisbətən fərqlidir. Araşdırmalara görə, bölgələrdə pos-terminalların sayı azdır.
Mövzu ilə bağlı suallarımızı cavablandıran iqtisadçı-ekspert Rəşad Həsənov "Bakı-Xəbər"ə açıqlamasında qeyd etdi ki, Azərbaycanda pos-terminallardan ilk dəfə istifadə Avroviziya yarışması Bakıda keçirilən zaman həyata keçirilib. Həmin ərəfədə paytaxtda fəaliyyət göstərən əksər iaşə obyektlərində pos-terminalların quraşdırılması prosesi həyata keçirilib. Amma rayonlara elə də əhəmiyyət verilməyib: "Bu problemin kökü kommersiya bankları arasında rəqabətlilik qabiliyyətinin az olmasındadır. Banklar sahibkarları pos-terminalların qurulmasına həvəsləndirməlidir. Banklar sahibkarlara faizsiz biznes kreditləri təklif etməlidir. Azərbaycanda nağdsız ödənişlərlə bağlı vəziyyət ürəkaçan deyil. Çünki gündəlik həyatda belə insanların plastik kartlarla alış-veriş etməsi üçün ilk növbədə maddi-texniki baza yoxdur. Bu gün vətəndaşın əlində hər hansı bir plastik kart olsa belə, o bu kartı hər yerdə istifadə edə bilməyəcək. Yalnız mərkəzdə olan iri ticarət mərkəzlərində, paltar, ayaqqabı, aksessuar dükanlarında və s. istifadə edə biləcək. Xüsusən ərzaq satılan yerlərdə, bundan başqa, şəhərdən kənarda yerləşən "Binə", "Sədərək" ticarət mərkəzləri kimi yerlərdə bu kartlardan istifadə etmək imkansızdır. Pos-terminalların hər yerdə quraşdırılmamasına səbəb odur ki, sahibkarlar bu işdə maraqlı deyil. Çünki əldə etdikləri gəlirdən pos-terminaldan istifadə qarşılığında banka 1 faizlə 5 faiz arasında komissyon haqqı verməlidirlər. Bu onlara maraqlı gəlmir. Onlar bilirlər ki, Azərbaycan vətəndaşı hər zaman üstündə nağd pul gəzdirir, bu halda pos-terminalı zəruri saymırlar. Burada problem nə mağazada, nə yerli vətəndaşdadır. Burada məsələ, sadəcə, kommersiya banklarının maliyyə bazarının inkişafında innovativ görünməmələridir. Səbəb isə odur ki, bu gün bank sektorunda rəqabət qabiliyyəti çox zəifdir. Hər bankın bəlli sayda müştərisi, konkret maliyyə mənbələri var. Əvvəllər bankalar ən çox əhaliyə verilən kreditlərdən qazanc əldə edirdi. İndi isə mağazalarda pos-terminallardan gələn 1-5 faiz komissyon haqqı onlara cüzi, maraqlı olmayan gəlirdir. Çünki əhalinin çox hissəsi kartdan istifadə etmir. Lakin bankların innovativ fəaliyyətlə məşğul olması rəqabət qabiliyyətini artıra bilər. Bu, bankların maliyyə resurslarının artmasına da təminat verəcək. Sahibkarları bu işə stimullaşdırmaq üçün banklar onlara maraqlı təkliflər edə bilər. Məsələn, pos-terminalların qurulması qarşılığında verilən komissyon haqqı əvəzində bank sahibkara faizsiz biznes krediti təklif edə bilər. Bu maraqlı göründüyü üçün mağazalar hamısı pos-terminalların qurulmasına razılıq verəcək. Pos-terminallar da hər yerdə olanda vətəndaşlarımız da, ölkəyə gələn xarici vətəndaşlar da bu xidmətdən rahatca istifadə edə biləcək. Bununla nağdsız ödənişlərin də sayı artacaq".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...