Azərbaycandan xaricə məcburi turizm mühacirəti yenə artır

Tarix: 01.07.2014 / 07:03
Bölmə: İqtisadiyyat

Turizm mövsümünün başlanması fonunda yenə də istirahətini xaricdə keçirmək istəyənlərin sayında artım müşahidə edilməkdədir. Hazırda Türkiyə və Gürcüstan istiqamətində istirahətə gedənlərin sayında çoxluq müşahidə olunur. Digər ölkələrə gedənlərin sayında da nisbətən artım qeydə alınmaqdadır. Rusiyanın regional inkişaf naziri İqor Slyunyayev də Rusiyaya istirahətə gələn azərbaycanlıların sayının 4-7 faiz artdığını vurğulayır:
"Azərbaycan Rusiya üçün çox önəmli tərəfdaşdır. Bu əməkdaşlığın tarixi böyükdür. Moskva, Çelyabinsk, Sankt-Peterburq və digər şəhərlərlə Azərbaycan şəhərləri arasında yaxşı dostluq əlaqələri var. Bu hər iki ölkənin dostluğundan xəbər verir. Azərbaycan dilinin, mədəniyyətinin Rusiyada təbliğinə böyük yer ayrılır. Azərbaycan tələbələri rahat şəkildə Rusiyada təhsil ala bilir. Xüsusən yay məktəblərini qeyd etmək yerinə düşər. Qeyd edərdim ki, Rusiyaya istirahətə gələn azərbaycanlıların sayı da 4-7 faiz artıb".
Ərəb ölkələrinə, xüsusən Dubaya gedən soydaşlarımızın da sayı artır. Təkcə ötən il Azərbaycandan Dubaya turist axınında 24% artım olub. Turistlər "Жumeriah Group"a daxil olan 22 hotelin xidmətlərindən istifadə ediblər. "Жumeriah Group"un korporativ əlaqələr və ictimai işlər üzrə vitse-prezidenti Pirs Şrayberin sözlərinə görə, bu ilin ilk dörd ayında qeyd edilən istiqamət üzrə artım 32% təşkil edib: "Bizim burada olmağımız ölkəyə yeni turistlərin gəlməsinə, mümkün qədər çox turistin gəlməsinə nail olmaqdır". Azərbaycandan turistlər daha çox Türkiyədə Antalya, Bodrum şəhərlərinə, Uludağa, Gürcüstanda isə Bakuriani istirahət mərkəzinə üz tuturlar. Rusiyada əvvəllər Kislovodska istirahətə gedən azərbaycanlıların indi, demək olar ki, bu bölgəyə marağı azalıb. Ekspertlər hesab edir ki, yerli turistlərin xaricə üz tutmalarının başlıca səbəbi, həmişəki kimi, Azərbaycanda fəaliyyət göstərən turizm mərkəzlərinin düzgün qiymət siyasəti formalaşdıra bilməməsidir. Elə turizm obyektləri var ki, orada bir həftəlik istirahətin qiyməti qonşu xarici ölkələrdəki qiymətlərdən, demək olar ki, fərqlənmir, bəzi hətta onu hallarda üstələyir də. Digər tərəfdən, ölkəmizdə turizm mərkəzləri endirim kampaniyalarından istifadə etmir. Məsələ burasındadır ki, yayda istirahət üçün insanların ən çox üz tutduğu ölkələrdə adətən turizm mərkəzləri xüsusi yay endirimlərindən ibarət kampaniyalar həyata keçirir. Azərbaycanda isə sözügedən təcrübədən istifadə edilmir. Yay vaxtı hansısa istirahət mərkəzində endirim kampaniyasının edilməsi ölkəmizdə rast gəlinməyən bir haldır.
Bütün bunların nəticəsidir ki, ölkə xaricində istirahət ölkə daxilindəki istirahatə nisbətən daha ucuz başa gəlir. Məsələn, araşdırmalar göstərir ki, Gürcüstanda istirahət Azərbaycan vətəndaşları üçün ölkədaxili istirahətdən təxminən 40 faiz ucuzdur. Türkiyədə istirahət Azərbaycan daxilindəki istirahət mərkəzləri ilə müqayisədə təxminən 20 faizə yaxın ucuz başa gəlir. Bu baxımdan qiymətlər harada istirahət etməyindən asılı olaraq dəyişir. Ölkəmizdə qiymət artımı əsasən yeni tikilən otellərdə müşahidə edilir. Bura nəqliyyat və yerli xərclər də daxildir. Yerli sakinlər isti yay günlərində əsasən istirahətlərini Qəbələ, Quba, Masallı, İsmayıllı, Şəki və digər səfalı rayonlarda edir. Lakin həmişəki kimi burada qiymətlərdən narazılıq edilir. Düzdür, bununla belə, Azərbaycana gələnlərin də sayı az deyil. Ümumiyyətlə, son 5 il ərzində Azərbaycana gələn turistlərin sayı artıb. Mədəniyyət və Turizm Nazirliyinin Turizm şöbəsinin təbliğat sektorunun müdiri Vüqar Şıxəmmədov bildirib ki, təkcə ötən il Azərbaycana 2 milyon 500 minə yaxın turist gəlib. V.Şıxəmmədov qeyd edib ki, ölkəyə daha çox qonşu ölkələrdən - Rusiya, Türkiyə, İran və Gürcüstan, həmçinin Avropa ölkələrindən turistlər gəlir: "Azərbaycanın dünyada tanınması istiqamətində məqsədli və əməli iş aparılır. Ölkənin tanınmasında Azərbaycanla bağlı çəkilən reklam çarxlarının müstəsna rolu olub. Gələcək illərdə ölkədə keçiriləcək turizm festivallarının təcrübəsindən də istifadə ediləcək". Lakin ekspertlərə görə, ən əsası qiymətlərin aşağı düşməsinə nail olmaqdır.

DİGƏR XƏBƏRLƏR

Tarix: 31.10.2026 / 11:23

Qubadlıda ilk su elektrik stansiyası tikilir...

Tarix: 30.10.2026 / 18:36

Azərbaycan illərdi Transxəzər qaz kəmərindən danışır - Aşqabad indi hərəkətə keçir...

Tarix: 30.10.2026 / 17:04

Azərbaycanda əhali dollarını satır

Tarix: 30.10.2026 / 12:14

Azərbaycanla Gürcüstan arasında yeni sərhəd-keçid məntəqəsi yaradılır...

Tarix: 29.10.2026 / 13:45

"Sahibkar olmayan şəxsin kartına hər gün 5 dəfə pul daxil olması normal deyil" - Mərkəzi Bankın sədri

Tarix: 29.10.2026 / 13:07

“Bank Melli İran” Azərbaycandan gedir? - Mərkəzi Bankdan açıqlama...

Tarix: 29.10.2026 / 11:49

Azərbaycanın strateji valyuta ehtiyatları 89,4 milyard dollara çatdı...

Tarix: 29.10.2026 / 10:43

Mərkəzi Bank illik inflyasiya ilə bağlı proqnozunu açıqladı...

Tarix: 29.10.2026 / 10:04

Mərkəzi Bank uçot dərəcəsini sabit saxladı...

Tarix: 28.10.2026 / 18:30

Tramp "Şimal axını" qaz kəmərini Rusiyadan satın ala bilər...

Tarix: 28.10.2026 / 18:22

İpoteka kreditlərinin verilməsi qaydalarına dəyişiklik edildi

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 29.10.2026 / 17:35

Məhkəmə hakimlərinin yeni "Etik Qaydaları"nda bir vacib məqam unuduldu...

Tarix: 29.10.2026 / 17:05

Ramiz Mehdiyevin təltiflərdən məhrum edilməsinin hüquqi mexanizmləri var...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Turizm regionlarımızın inkişaf mənbələrindən birinə çevrilir...