Turizm obyektləri bölgələrimizdə qiymətləri qaldırmaqda davam edir

Tarix: 24.06.2014 / 01:59
Bölmə: İqtisadiyyat

Ötən il Mədəniyyət və Turizm Nazirliyinin rəsmiləri bəyan edirdilər ki, bu il regionlardakı turizm obyektlərinə müəyyən vergi və digər güzəştlər tətbiq olunacaq. Ancaq nədənsə, həmin güzəştlər bu il yaddan çıxdı. Turizm mövsümünün başlanmasına rəğmən, qiymətlər bəzi regionlarda ötənilkinə nisbətən bir az da bahalaşıb. Ən azından ilkin təəssüratlar bunu göstərir.
İllərdir ölkəyə xarici ölkələrdən turistləri cəlb etmək üçün tədbirlər həyata keçirilir, turizm ili elan olunur və s. Ancaq Azərbaycana gələnlər dünyadakı turistlərin cəmi 0,003 faizini təşkil edir. Bu da olduqca kiçik rəqəmdir. Digər tərəfdən, yatırılan investisiyaların fonunda ölkəyə nəinki xaricdən maraq artmır, hətta yerli vətəndaşlar belə istirahət üçün regionlara deyil, xaricə üz tutur. Bu sahədə də ən çox Türkiyənin turizm bazarı seçilir. Sonrakı yerləri Rusiya, Gürcüstan, Ukrayna, BƏƏ (Dubay) tutur. Mütəxəssislərin fikrincə, turistlər səfər etdikləri ölkələrdə əsasən təhlükəsizlik, gigiyena, keyfiyyətli xidmət, cəlbedici yerlər, qiymətlər və s.bu kimi amillərə diqqət yetirir. Sözügedən amillərdən birinin olmaması nəticə etibarilə yüksək keyfiyyətli turizm məhsulunun ortaya çıxmasına maneə yaradır. Azərbaycanda 516 hotel, 32 min yataqlıq yer var. Bu şəraitin fonunda keyfiyyət yüksək deyil. Xüsusən xidmət çox bahadır. Məsələn, 3 günlük istirahət 1000 manata başa gəlir, özü də bu məbləğə yalnız mehmanxanalarda gecələmək və səhər yeməyi daxildir. Regionlarda hazırda ən ucuz qiymət Lerikdədir. Sutkalıq olaraq hotellərin, istirahət mərkəzlərinin qiymətləri 40 manatdır. Şəkidə 50 manat, Qubada 40-80, Nabranda 40-120 manat arasında dəyişir. Bu qiymətlərə ancaq gecələmək daxildir. Zəruri tələbatı ödəyən xərclər isə əlavədir. Digər bir tərəfdən, xaricdə 2 və 3 ulduzlu hotellərin sayı çox olsa da, Azərbaycanda sahibkarlar daha yüksək titullu hotellər tikməyə üstünlük verir. Bütün bunlardan belə nəticəyə gəlmək olar ki, Azərbaycanda yaxın illərdə turizm obyektlərində qiymətlərin ucuzlaşacağına ümid etmək yersizdir. Məsələyə münasibət bildirən turizm sahəsi üzrə ekspert Elxan Mikayılov regionlardakı turizm obyektlərində qiymətlərin baha olmasını bir sıra amillərlə əlaqələndirdi: "Əsas səbəblərdən biri turizm obyektlərində istifadə olunan istehlak mallarının qiymətinin baha olmasıdır. Eyini zamanda, müəyyən kommunal xərclərin həcmi də qiymətlərin baha olmasına təsir göstərir. Ümumilikdə, dövlət tərəfindən qiymətlərin aşağı endirilməsi istiqamətində tədbirlər görülür. Yəni bu istiqamətdə turizm obyektləri ilə müəyyən iş aparılır. Turizm obyektlərinə müəyyən güzəştlərin verilməsi, onların xərclərinin azaldılması istiqamətində planlar var. Ancaq ümumilikdə qiymətlərin qalxmasında süni amillərin də rolu var. Digər tərəfdən, qiymətlərin baha olmasına təsir edən amillərdən biri də ondan ibarətdir ki, turizm obyektləri mövsümi fəaliyyət göstərir. İlboyu fəaliyyət göstərsə, qiymətlər bu qədər baha olmaz. Söhbət yay və qış turizmindən gedir".

DİGƏR XƏBƏRLƏR

Tarix: 10.07.2026 / 20:55

Rusiyada dərin yanacaq qıtlığının Azərbaycana təsirləri gündəmdə...

Tarix: 10.07.2026 / 17:50

Əli Əsədovun rəhbərliyi ilə İqtisadi Şuranın iclası keçirildi - FOTO

Tarix: 10.07.2026 / 15:52

Beyləqan şəhərində fermerlər üçün aqrar sığorta ilə bağlı maarifləndirici təlim keçirilib

Tarix: 10.07.2026 / 14:47

Rusiya alimindən Ermənistan iqtisadiyyatı barədə inanılmaz rəylər - böhran olmayacaq...

Tarix: 10.07.2026 / 13:56

Azərbaycanın xarici dövlət borcu azaldı - 4 milyard 616,8 milyon...

Tarix: 10.07.2026 / 11:58

Rusiya Azərbaycan üzərindən Ermənistana propan və gübrə göndərəcək...

Tarix: 10.07.2026 / 09:17

Azərbaycan və Rusiya Samur çayının bölüşdürülməsini müzakirə edib

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...